5/17/2021
Today from Hiiraan Online:  _
Wararka Maanta- Talaado, Apr 20, 2021
Guddoomiye ku xigeenkii degmada Deyniile oo Muqdisho lagu dilay


 

Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

Xoghayaha degmada Deyniile degmada Mahad Sharaawe, ayaa warbaahinta u xaqiijiyay geerida guddoomiye ku xigeenka Deyniile, isagoo sidoo kale sheegay in ay inay jiraan dhawaacyo soo gaaray ilaallada gudoomiye kuxigeenka.

Miinooyinka waddooyinka hareerahooda la galiyo ee lala beegsado masuuliyiinta dawladda, ayaa Muqdisho kusoo badanaya bilihii ugu dambeeyay.

Ma jirto cid sheegatay masuuliyada dilka guddoomiye ku xigeenka, balse Alshabab ayaa Muqdisho ka fuliya weerarada nuucaan oo kale ah.

Dilka guddoomiye ku xigeenka ayaa kusoo aadaya xilli habeeno ka hor magaalada Muqdisho lagu dilay guddoomiyihii degmada Xamar Jajab.
 
Abdiweli M. Sheikh, Hiiraan Online













Click here
4/20/2021 6:14 PM EST
Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

4/20/2021 4:27 PM EST
Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

4/20/2021 7:57 AM EST
Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 7:10 AM EST
Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

4/20/2021 6:21 AM EST
Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.