4/11/2021
Today from Hiiraan Online:  _
Wararka Maanta- Jimco, Apr 2 , 2021
Shir maalinta berri ah teendhada Afisiyooni ku dhaxmari doona madaxda DF iyo Dowlad gobolleedyada


 

Jimco, April, 02, 2021 (HOL) - Kaddib dadaallo maalmiihii ugu danbeeyayba ay waddeen wakiilada beesha caalamka ee Soomaaliya ayaa lagu guuleystay in maalinta berri ah kulan hor dhac ka yeeshaan mashkaladaha ku xeeran doorashada madaxda DF, dowlad gobolleedyada iyo gobolka Banaadir.

Hasse ahaatee qoraal dhinaca kale xalay ka soo baxay madaxtooyada Soomaaliya ayaa lagu sheegay in madaxweyne Maxamed Cabdullahi Farmaajo isugu yeeray mar kale  madaxweynayaasha dowlad gobolleedyada iyo gobolka Banaadir shir maalinta berri ah ka furmaya Afisiyooni.

Laakiin dhinaca kale qoraal ka soo baxay madaxtooyada Puntland ayaa lagu beeniyay sheegashada madaxtooyada Soomaaliya ee ah in shirka maalinta berri ah uu hoggaaminayo madaxweyne Farmaajo.

Kulanka maalinta berri ay ayaa hor dhac u noqon doona shirweyne lagu waddo in  lagu dhameeyo khilaafka ka taaggan doorashada heer Qaran ee Soomaaliya oo muddo dheerba aan lagu guuleysan.

Cabdiraxmaan Diini, Hiiraan Online
[email protected]   






















Click here
4/2/2021 4:01 PM EST
Jimco, April, 02, 2021 (HOL) - Wasiirka gaadiidka iyo duulista hawada Soomaaliya, Maxamed Salaad Oomaar ayaa markii ugu horraysay ka hadlay wararka ku saabsan in dowladda federalka ay xanibtay diyaarad ka degi lahayd deegaan xeebeedka Garacad ee gobolka Mudug.

4/2/2021 3:39 PM EST
Jimco, April, 02, 2021 (HOL) -Bulshada ku dhaqan magaalada Kismaayo ayaa aad u hadal haya dhimashada dadka waaweyn oo maalmihii u danbeeyay isa soo tareeysay, taasoo loo aaneeynayo in uu sabab u yahay cudurka dilaaga ah ee Covid19.

4/2/2021 10:14 AM EST
Jimco, April, 02, 2021 (HOL) - Madaxweynaha maamulka dowlad deegaanka Soomalida Mustafe Cagjar ayaa ugu baaqay madaxda maamulada Galmudug iyo Hirshabeelle iney ka qeyb qaataan ilaalinta xaduudaha aay wadagaan oo uu sheegay in habac sanaan ka jirto.

4/2/2021 9:25 AM EST
Jimco, April, 02, 2021 (HOL) - Inta la xaqiijiyay ilaa 36 ruux ayaa ku dhimatay tiro intaas ka badana waay ku dhaawacmeen shilkan Tareen ee ka dhacay Taiwan sida aay ku waramayaan Warbaahinta dalkaasi.

4/2/2021 9:11 AM EST
Jimco, April, 02, 2021 (HOL) - Madaxweynaha dowladda Mareykanka Joe Biden ayaa muddo hal sano ah ku kordhiyay cunaqabateynta dhaqaale ee saaran Soomaaliya.

4/2/2021 8:09 AM EST
Jimco, April, 02, 2021 (HOL) - Dowladda Soomaaliya ayaa maanta shaacisay in dib loo furay qaadashada Baasaboorka Soomaaliga oo horay loo joojiyay sababo la xariiray cudurka COVID-19.

4/2/2021 5:20 AM EST
Jimco, April, 02, 2021 (HOL) - Puntland ayaa shaacisay in ay ka qeyb galayso shirka madaxda dowladda federalka Soomaaliya iyo dowladdaha xubnaha ka ah, kaasoo la shaaciyay inuu dhacayo maalinta berrito ah oo ku beegan saddexda Abril.

4/2/2021 2:14 AM EST
Jimco, April, 02, 2021 (HOL) - 805 askari oo ka mid ah ciidanka booliska ee degaanka Soomaalida ayaa ka qalin jabiyay kulliyadda tababarada booliska ee degaanka.