5/17/2021
Today from Hiiraan Online:  _
Wararka Maanta- Isniin, Apr 19, 2021
Ciidanka AMISOM oo sheegay in ay gacanta ku dhigeen dagaalamayaal katirsan Alshabab


 

Isniin, April, 19, 2021 (HOL) - Ciidanka Xoogga dalka iyo kuwa AMISOM, ayaa gacanta ku soo dhigay dagalamayaal katirsan Alshabaab ah kadib markii ay hawl-gal si wada-jir ah uga sameeyeen deeganada Gololey iyo Ceel-gelow oo hoos yimaada degmada Balcad ee gobalka Shabeelada Dhexe.

Howlgalka AMISOM ayaa bartiisa Twitter-ka ku qoray in xubnahaas Al-Shabaab ay ku wareejiyeen ciidanka Booliiska Soomaaliya si ay baaritaan dheeri ah uga sameeyaan.

Shalay ayay ahayd markii dowladdu sheegtay in ay dishay madaxii Alshabaab u qaabilsanaa qaraxyada gobolka Shabeellada dhexe, kadib hawl-gal ujeedkiisa ahaa xaqiijinta isku socodka wadada isku xirta Magaalada Muqdisho iyo Jowhar oo lagu beegsaday Alshabaab.

Al-Shabaab ayaa weerar gaadmo ah ku dilay sarkaalka ka tirsanaa ciidanka xoogga dalka, waxaana sidoo kale lagu eedeeyay in ay gaari ay la socdeen dad rakaab ah qarax kula beegsadeen isla wadadaas.

Abdiweli M. Sheikh, Hiiraan Online











Click here
4/19/2021 5:41 PM EST
Isniin, April, 19, 2021 (HOL) - Madaxweynaha Soomaaliya, Maxamed Cabdullahi Farmaajo ayaa isagoo ku sugan magaalada Kinshasa ee caasimadda Jamhuuriyada Dimoqaradiga ee Koongo sheegay Midowga Afrika inuu kaalin hoggaamineed ka qaadanayo fududeynta geeddi-socodka doorashooyinka Dalka.

4/19/2021 3:28 PM EST
Isniin, April, 19, 2021 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo safar shaqo ku joogo Dalka Jamhuuriyadda Dimuqraadiga Koongo, ayaa la kulmay dhiggiisa Dalkaas Mudane Felix Tshisekedi.

4/19/2021 10:42 AM EST
Isniin, April, 19, 2021 (HOL) - Hay’ada caafimaadka adduunka ee WHO, ayaa wasaarada caafimaadka Somaliland ku wareejisay qalab shaybaadh oo ka kooban 8500 oo ah qalabka lagu baadho Covid-19 (Covid test) iyo 5 labtob.

4/19/2021 6:31 AM EST
Isniin, April, 19, 2021 (HOL) - Madaxweynaha Puntland Siciid Cabdullaahi Deni, ayaa maanta cafis Guud u fidiyey 66 maxbuus oo ka mid ah maxaabiista ku xiran xabsiyada degaanada Puntland.

4/19/2021 5:14 AM EST
Isniin, April, 19, 2021 (HOL) - Ciidamo Nigeria ah oo qeyb ka noqonaya howlgalka midowga Africa AMISOM ayaa soo gaaray magaalada Muqdisho.

4/19/2021 1:38 AM EST
Isniin, April, 19, 2021 (HOL) - Guddoomiyaha xisbiga mucaarad ka ah ee UCID, ayaa sheegay in tan iyo markii uu xisbiga Kulmiye talada qabtay, anay Somaliland samayn horumarkii laga filayay.

4/19/2021 1:28 AM EST
Isniin, April, 19, 2021 (HOL) - Taliyihii hore ee hay'adda Nabad-sugida iyo Sirdoonka Qaranka Cabdiraxmaan Maxamed Tuuryare oo warbaahinta la hadlay ayaa sheegay in uu ka badbaaday isku day dil, kaddib markii xalay ciidamada dowladdu weerar ku qaadeen gaadiid uu la socday oo marayay aaga Marinaaya ee Magaalada Muqdisho