5/17/2021
Today from Hiiraan Online:  _
Wararka Maanta- Sabti, Apr 17, 2021
Wasiirka cusub ee Gaadiidka iyo Duulista Hawada Soomaaliya Duraan Faarax oo maanta xilka la wareegay




Sabti, April, 17, 2021 (HOL) - Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Duraan Axmed Faarax ayaa maanta xilka la wareegay, kadib munaasabad ka dhacday xarunta Wasaaradda.

Munaasabadda xil-wareejinta waxaa ka qeybgalay Ra’iisul Wasaare ku-xigeenka Xukuumadda Federaalka Soomaaliya, Mahdi Maxamed Guuleed, Wasiir ku-xigeenka Wassaaradda Gaadiidka iyo Duulista Hawada, agaasimaha guud ee wasaaradda, maareeyaasha hay’adda duulista Hawada iyo garoonka diyaaraha ee Aadan Cadde iyo mas’uuliyiin kale.

Wasiir ku-xigeenka Wasaaradda Gaadiidka iyo Duulista Hawada Soomaaliya, Xirsi Aadan Rooble oo xilka ku wareejiyay wasiirka cusub ayaa ka warbixiyay howlaha muhiimka ah ee ka socda Wasaaradda , isagoo u rajeeyey Wasiirka cusub in rabbi ku guuleeyo mas’uuliyada adag  ee u adeeggidda shacabka iyo qaranka Soomaaliyeed.

Wasiirka cusub ee Wasaaradda Gaadiidka iyo Duulista Hawada Soomaaliya, Duuraan Axmed Faarax  oo ugu horreyn uga tacsiyeeyay Wasiirkii hore ee Wasaaradda geerida Aabbihii ayaa tilmaamay sida ay uga go’antahay in uu sii anbaqaado qorsheyaasha lagu horumarinayo adeegyada Gaadiidka iyo Duulista Hawada ee dalka, isagoo muujiyay inuu xoojinayo arrimaha mudnaanta iyo hor-tebinta u leh Wasaaradda.

“Wasaaraddan waxay muraayad u tahay dalka, waxaan doonaya inay doorkaa  muujiso.” ayuu yiri Wasiir Duraan oo inta ku daray “ Waxaan doonaya dhammaantayo oo mid ah in is beddel wadajir ah aan halkan ku sameynayo.”

Ra’iisul wasaare ku-xigeenka Xukuumadda Federaalka Soomaaliya, Mahdi Maxamed Guuleed ayaa gabagabadii sheegay in Wasaaradda ay muhiimad weyn u leedahay dalka isla markaana laga sugayo Wasiirka cusub in uu wax badan ka qabto hagaajinta hannaanka isku xirka iyo horumarinta waaxyaha iyo adeegyada Wasaaradda.

Abdisalan Nur Dirie, Hiiraan Online
[email protected]











Click here
4/17/2021 7:44 AM EST
Sabti, April, 17, 2021 (HOL)- Madaxweynaha dowladda Soomaaliya Maxamed Cabdullaahi Farmaajo ayaa Teendhada Afisyooni shir kula leh Wakiilada Beesha Caalamka ee Soomaaliya

4/17/2021 7:43 AM EST
Sabti, April, 17, 2021 (HOL) - Madaxweynaha maamulka Jubbaland Axmed Maxamed Islaam Axmed Madoobe ayaa maanta xilka qaadis ku sameeyay taliyeyaasha ciidamada Booliiska iyo Hay'adaha amniga Jubbaland.

4/17/2021 6:16 AM EST
Sabti, April, 17, 2021 (HOL) - Madaxweynaha Puntland Siciid Cabdullaahi Deni iyo ku Ku-xigeenkiisa Axmed Karaash ayaa maanta hortagay Golaha Wakiilada ee Puntland.

4/17/2021 3:28 AM EST
Sabti, April, 17, 2021 (HOL) - Madaxweynaha dowlad gobolleedka Jubbaland Axmed Maxamed Islaam oo magaalada Kismaayo kula hadlayay bulshada rayidka ayaa ku eedeeyay madaxweyne Farmaajo sida uu hadalka u dhigay in uu dalka god ku riday.

4/17/2021 3:10 AM EST
Sabti, April, 17, 2021 (HOL) - Xildhibaanno ka tirsan Baarlamaanka Soomaaliya iyo odayaal dhaqameed shir jaraa'id ku qabtay magaalada Muqdisho ayaa ku eedeeyay madaxweynaha Soomaaliya Maxamed Cabdullaahi Farmaajo in uu weerar ku hayay sida ay hadalka u dhigeen beel gaar ah.

4/17/2021 2:21 AM EST
Sabti, April, 17, 2021 (HOL) -Madaxweynihii hore Soomaaliya Shariif Sheekh Axmed ayaa kulan xalay la qaatay taliyaha ciidanka xoogga dalka Soomaaliya Jen Odawaa Yuusuf Raagge.

4/17/2021 1:00 AM EST
Sabti, April, 17, 2021 (HOL) - Wasiirka amniga Soomaaliya, Xasan Xundubey ayaa sheegay dowladdu in aysan wax dan ah ka lahayn in ay tallaabo ka qaado taliyihii hore ee ciiddanka booliiska gobolka Banaadir, Saadaq Joon.