5/17/2021
Today from Hiiraan Online:  _
Wararka Maanta- Sabti, Apr 17, 2021
Madaxweynaha Jubbaland oo xilalkii ka qaaday Taliyeyaal ciidan kuwa cusubna magacaabay


 

Sabti, April, 17, 2021 (HOL) - Madaxweynaha maamulka Jubbaland Axmed Maxamed Islaam Axmed Madoobe ayaa maanta xilka qaadis ku sameeyay taliyeyaasha ciidamada Booliiska iyo Hay'adaha amniga Jubbaland.

Wareegto kasoo baxday xafiiska madaxweynaha Jubbaland Axmed Madoobe ayaa xilka looga qaaday taliyeyaasha ciidamada Booliiska, ku xigeenkiisa iyo taliyaha guud ee Nabadsugida iyo Sirdoonka maamulka Jubbaland.

Wareegtada ayaa sidoo kale loogu magacaabay taliyaha guud ee ciidanka Booliiska G/S Maxamed Cabdi Sheekh waxaana ku xigeenkiisa laga dhigay S/G Maxamed Guuleed Xasan, taliyeyaashan cusub ayaa badalaya taliyeyaashii hore ee xilka qaadista lagu sameeyay.

Gabagabadii Madaxweynaha Jubbaland Axmed Madoobe ayaa Taliyaha Nabadsugida maamulkiisa u magacaabay Maxamed Axmed Sabriye, waxaana wareegtada lagu faray dhamaan ciidamada iney la shaqeeyaan taliyeyaasha cusub ee la magacaabay.

Hoos ka akhriso Wareegtada kasoo baxday Xafiiska Madaxweynaha Jubbaland Axmed Madoobe.

Jamaal Cali Cabdi, Hiiraan Online
[email protected]












Click here
4/17/2021 9:47 AM EST
Sabti, April, 17, 2021 (HOL) - Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Duraan Axmed Faarax ayaa maanta xilka la wareegay, ka dib munaasabad ka dhacday xarunta Wasaaradda.

4/17/2021 7:44 AM EST
Sabti, April, 17, 2021 (HOL)- Madaxweynaha dowladda Soomaaliya Maxamed Cabdullaahi Farmaajo ayaa Teendhada Afisyooni shir kula leh Wakiilada Beesha Caalamka ee Soomaaliya

4/17/2021 6:16 AM EST
Sabti, April, 17, 2021 (HOL) - Madaxweynaha Puntland Siciid Cabdullaahi Deni iyo ku Ku-xigeenkiisa Axmed Karaash ayaa maanta hortagay Golaha Wakiilada ee Puntland.

4/17/2021 3:28 AM EST
Sabti, April, 17, 2021 (HOL) - Madaxweynaha dowlad gobolleedka Jubbaland Axmed Maxamed Islaam oo magaalada Kismaayo kula hadlayay bulshada rayidka ayaa ku eedeeyay madaxweyne Farmaajo sida uu hadalka u dhigay in uu dalka god ku riday.

4/17/2021 3:10 AM EST
Sabti, April, 17, 2021 (HOL) - Xildhibaanno ka tirsan Baarlamaanka Soomaaliya iyo odayaal dhaqameed shir jaraa'id ku qabtay magaalada Muqdisho ayaa ku eedeeyay madaxweynaha Soomaaliya Maxamed Cabdullaahi Farmaajo in uu weerar ku hayay sida ay hadalka u dhigeen beel gaar ah.

4/17/2021 2:21 AM EST
Sabti, April, 17, 2021 (HOL) -Madaxweynihii hore Soomaaliya Shariif Sheekh Axmed ayaa kulan xalay la qaatay taliyaha ciidanka xoogga dalka Soomaaliya Jen Odawaa Yuusuf Raagge.

4/17/2021 1:00 AM EST
Sabti, April, 17, 2021 (HOL) - Wasiirka amniga Soomaaliya, Xasan Xundubey ayaa sheegay dowladdu in aysan wax dan ah ka lahayn in ay tallaabo ka qaado taliyihii hore ee ciiddanka booliiska gobolka Banaadir, Saadaq Joon.