5/17/2021
Today from Hiiraan Online:  _
Wararka Maanta- Sabti, Apr 17, 2021
Xildhibaanno ku eedeeyay Farmaajo in uu weerar ku yahay beel gaar ah


 

Sabti, April, 17, 2021 (HOL) - Xildhibaanno ka tirsan Baarlamaanka Soomaaliya iyo odayaal dhaqameed shir jaraa'id ku qabtay magaalada Muqdisho ayaa ku eedeeyay madaxweynaha Soomaaliya Maxamed Cabdullaahi Farmaajo in uu weerar ku hayay sida ay hadalka u dhigeen beel gaar ah.

Xildhibaannada ayaa sheegay in dowladdu weerar ku tahay taliyihii hore ee Booliiska gobolka Banaadir Saadiq Jon oo dhawaan dowladda Soomaaliya xil ka qaadis ku sameysay.

Xildhibaan Mahad Salaad  ayaa sheegay in Farmaajo yahay qof qabyaaladu ku weyn tahay kaddib markii uu soo dhaweeyay siweynna u maamuusay Cabdirashiid Janan oo ah ayuu sheegay dambiile dagaal oo caalamka laga doonayo balse ay isku beel yihiin, halka uu weerar ku yahay Jeneral Saadaq oo lasoo shaqeynayey afar sano.

Eedeymahan ayaa imanaya xili saacadihii ugu danbeeyay ay xiisad ka jirtay qeybo ka mid ah magaalada Muqdisho gaar ahaan xaafadda Shiirkole oo la sheegay in ay fariisin u tahay Saadiq Jon.

Dowladda Soomaaliya ayaa dhinaceeda iska fogeysan eedeynta uga timid xildhibaannada iyo in ay weerar ku tahay Saadaq Jon

Cabdiraxmaan Diini, Hiiraan Online
[email protected]   















Click here
4/17/2021 9:47 AM EST
Sabti, April, 17, 2021 (HOL) - Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Duraan Axmed Faarax ayaa maanta xilka la wareegay, ka dib munaasabad ka dhacday xarunta Wasaaradda.

4/17/2021 7:44 AM EST
Sabti, April, 17, 2021 (HOL)- Madaxweynaha dowladda Soomaaliya Maxamed Cabdullaahi Farmaajo ayaa Teendhada Afisyooni shir kula leh Wakiilada Beesha Caalamka ee Soomaaliya

4/17/2021 7:43 AM EST
Sabti, April, 17, 2021 (HOL) - Madaxweynaha maamulka Jubbaland Axmed Maxamed Islaam Axmed Madoobe ayaa maanta xilka qaadis ku sameeyay taliyeyaasha ciidamada Booliiska iyo Hay'adaha amniga Jubbaland.

4/17/2021 6:16 AM EST
Sabti, April, 17, 2021 (HOL) - Madaxweynaha Puntland Siciid Cabdullaahi Deni iyo ku Ku-xigeenkiisa Axmed Karaash ayaa maanta hortagay Golaha Wakiilada ee Puntland.

4/17/2021 3:28 AM EST
Sabti, April, 17, 2021 (HOL) - Madaxweynaha dowlad gobolleedka Jubbaland Axmed Maxamed Islaam oo magaalada Kismaayo kula hadlayay bulshada rayidka ayaa ku eedeeyay madaxweyne Farmaajo sida uu hadalka u dhigay in uu dalka god ku riday.

4/17/2021 2:21 AM EST
Sabti, April, 17, 2021 (HOL) -Madaxweynihii hore Soomaaliya Shariif Sheekh Axmed ayaa kulan xalay la qaatay taliyaha ciidanka xoogga dalka Soomaaliya Jen Odawaa Yuusuf Raagge.

4/17/2021 1:00 AM EST
Sabti, April, 17, 2021 (HOL) - Wasiirka amniga Soomaaliya, Xasan Xundubey ayaa sheegay dowladdu in aysan wax dan ah ka lahayn in ay tallaabo ka qaado taliyihii hore ee ciiddanka booliiska gobolka Banaadir, Saadaq Joon.