5/17/2021
Today from Hiiraan Online:  _
Wararka Maanta- Jimco, Apr 16, 2021
Puntland oo baaq nabadeed kasoo saartay dagaal beeleed maalintii labaad ka socda gobolka Sool


 

Jimco, April, 16, 2021 (HOL) - Dagaalo u dhexeeya beelo walaalo oo kasoo wada jeeda gobolka Sool ayaa maalintii labaad ka socda degaano katirsan degmada Xuddun ee gobolka Sool, oo ay wada sheegtaan Puntland iyo Somaliland.

Wasiirka warfaafinta dowlad goboleedka Puntland Cabdullaahi Cali Xirsi Timacadde ayaa sheegay in aad uga xun yihiin dagaalka socda, isagoo baaq nabadeed u diray beelaha walaalaha ah oo ku dagaalamaya deegaanka Dhabar-Dalool ee Sool.

Wasiirka arrimaha gudaha Puntland Maxamed Cabdiraxman Dhabancad ayaa isna sheegay Puntland in ay diyaar u tahay in ay gacan ka geysato xal u helidda colaada soo noqnoqotay.

Deegaanada lagu dagaalamayo waxaa maamula Somaliland, waxaana halkaas lagu wadaa in ay u dirto ciidamo kala dhex gala maleyshiyaadka dagaalamaya ee labada beelood kasoo kala jeeda.

Gobolka Sool, waxaa aad ugusoo noqnoqda colaadaha salka ku haya aanooyinka qabiil, waxaana lagu guulaysan la'yahay in xal waara laga gaaro colaadahaas.

Abdiweli M. Sheikh, Hiiraan Online














Click here
4/16/2021 6:07 PM EST
Jimco, April, 16, 2021 (HOL) - Gudoomiyihii degmadda Xamar jajab ee gobolka Banaadir, Maxamed Cabdi Xayle ayaa caawa lagu dilay weerar lagu qaaday, xilli uu sii galayay gurigiisa oo ku yaalay Deegaanka Sarkuusta.

4/16/2021 4:40 PM EST
Jimco, April, 16, 2021 (HOL) - Madaxweynaha Somaliland Muuse Biixi Cabdi, ayaa baaq nabadeed u diray beelaha ku dagaalamaya deegaanka Dhabar-dalool ee gobolka Sool, hay’adaha amnigana faray in ay gacan ku qabtaan dadka nabada burinaya.

4/16/2021 8:02 AM EST
Jimco, April, 16, 2021 (HOL) - Wararka imanaya dalka Mareykanka ayaa sheegaya in xarunta Indianapolis FedEx toogasho ka dhacday lagu dilay sadeed ruux.

4/16/2021 7:40 AM EST
Jimco, April, 16, 2021 (HOL) - Inta la ogyahay illaa hada 17 ruux ayaa ku dhintay dagaal saaka ka bilaabmay ceel biyood lagu magacaabo Dhabar-dalool, oo ku yaala ban la moodka Doodi ee badhtamaha dooxada Nugaal, waxaanu dhacaa badhtamaha Xuddun iyo Laascaanood.

4/16/2021 7:33 AM EST
Jimco, April, 16, 2021 (HOL) - Kulan labo maalmood soconayay oo lagu qiimeynayay guulaha laga gaaray amniga Soomaaliya ayaa lagu soo gabagabeeyay magaalada Muqdisho ee caasimada Soomaaliya.

4/16/2021 2:33 AM EST
Jimco, April, 16, 2021 (HOL) -Madaxweynaha dalka Mareykanka Joe Biden ayaa Khamiistii Larry Edward André Jr u magacaabay in uu noqdo safiirka Mareykanka ee Soomaaliya

4/16/2021 1:57 AM EST
Jimco, April, 16, 2021 (HOL) - Saaka waaberigii ayaa markale rasaas ka bilaabantay Ceelka Dhabar-dalool oo dhaca jiida koonfureed ee degmada Xudun una dhow Tuulada Holhol.