5/12/2021
Today from Hiiraan Online:  _
Wararka Maanta- Khamiis, Apr 15, 2021
Xiisad colaadeed markale ka bilaabantay duleedka Holhol ee degmada Xuddun


 

Khamiis, April, 15, 2021 (HOL) - Inta la ogyahay 5 ruux ayaa ku dhaawacmay xiisad colaadeed oo ka dhalatay ceelka Dhabar-dalool oo tuulada Holhol ka tirsan, kaas oo dhawrjeer oo hore murankiisa meel la saaray.

"Saaka ayaan warkan maqalay in ceelka laysku rasaaseeyey, waan tagnay waxaana ilaa hada wadnaa sidii aan colaada u hakin lahayn" sidaa waxa noo sheegay mid ka mid ah duqeyda degaanka Holhol.

Qaar ka mid ah labada dhinac ee beelaha muranku sababay dhibaatada ayaa waxa ay eedaynta dusha ka saarayaan ta kale in ay bilawday, waxaana jira xeer aad u adag oo arimaha noocan ah labada beelood ugu heshiiyeen kaas oo lagu magcaabo xeerkii Adhi-cadeeye sida ay odayaal dhowr ahi ii xaqiijiyeen.

Dadka dhaawaca ah ayaa la sheegayaa in laba ka mid ah ay ku dhaawacmeen deleedka Laascaanood kadib markii dabley jidka u gashay oo rasaas huwiyeen iyagoo ku sii jeeda dhinaca goobta wax ka dheceen.

Dadkii dhaawacu soo gaadhey ayaa lagu dabiibayaa Laascaanood iyo Xuddun, waxaana la sheegayaa in badankooda dhaawacoodu aanu aad u cuslayn in kasta oo la sheegayo qaar liita.

Warar aan ka helayno dhinaca maamulka ayaa la sheegayaa in odayaal iyo ciisanba ay u baxayaan sidii ay hawshaasi aanay halkaasi u dhaafteen.

Seynab Cabdi Warsame, Hiiraan Online
Laascaanood











Click here
4/15/2021 4:00 PM EST
Khamiis, April, 15, 2021 (HOL) - Haay’ada Sahamiye foundation, ayaa 1milyan iyo 300 oo kun oo afsaab, mishiinada neefta, mishiinada baadhista Covid-19, iyo jeermis dilayaal ku wareejisay xukuumada Somaliland.

4/15/2021 11:10 AM EST
Khamiis, April, 15, 2021 (HOL) - Wararka galabta naga soo gaadhaya Dhabar-dalool ee degaanka Holhol degmada Xuddun ee gobolka Sool, ayaa waxa ay sheegayaan in ku dhowaad 10 ruux ay dhinteen in ka badana ay ku dhaawacmeen.

4/15/2021 10:48 AM EST
Khamiis, April, 15, 2021 (HOL) - Waxaa isbadal iyo isku shaandheyn lagu sameeyay qaar ka mid ah taliyeyaasha Saldhigyada Booliiska degmooyinka gobolka Banaadir, Taliye qeyb iyo labo ka mid ah taliye ku xigeenadii qeybta guud ee gobolka Banaadir.

4/15/2021 8:35 AM EST
Khamiis, April, 15, 2021 (HOL) - Hay'adda qaxootiga u qaabilsan Qaramada Midoobay ee UNHCR ayaa dowladda Kenya siisay soo jeedin ku saleysan xiritaanka xeryaha qaxootiga ee Dhadhaab iyo Kakuma.

4/15/2021 6:52 AM EST
Khamiis, April, 15, 2021 (HOL) -Wararka ka imanaya gobolka Jubbada hoose ayaa sheegaya in qeybo ka mid ah gobolka uu dagaal ku dhaxmaray ciidamo ka tirsan kuwa Kenya ee qeybta ka ah howlgalka midowga Africa AMISOM iyo Al-shabaab.

4/15/2021 6:40 AM EST
Khamiis, April, 15, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta kulan wadatashi ah la qaatay golihiisa wasiiradda, isagoo warbixin ka siiyay safarkiisii magaalada Muqdisho iyo xaaladda siyaasadeed ee Soomaaliya.

4/15/2021 5:50 AM EST
Khamiis, April, 15, 2021 (HOL) - Waxaa maanta degan xaalada magaalada Muqdisho oo xalay laga dareemayay xaalad colaadeed, maadama laga cabsi qabay dagaalo dhexmara ciidamada dowladda soomaaliya iyo kuwa ka amar qaata taliyahii hore ee qeybta Booliiska gobolka Banaadir Saadaq Joon.

4/15/2021 1:53 AM EST
Khamiis, April, 15, 2021 (HOL) -War ka soo baxay Wasaarradda Arrimaha Dibadda ayaa jawaab adag looga bixiyay go'aankii beesha caalamka ee mudada kororsiga labada sano oo dhawaan uu meelmariyay Baarlamaanka Soomaaliya.