3/29/2024
Today from Hiiraan Online:  _
Wararka Maanta- Arbaco, Sept 9 , 2020
Koonfur galbeeed, Galmudug iyo Hirshabeelle oo shir wadatashi ah uga furmay Baydhabo
 

Arbaco, September 9, 2020 (HOL) - Shirka iskaashiga iyo wadatashiga Dowlad Goboleedyada Hirshabeele, Galmudug iyo Koonfur Galbeed ayaa ka furmay magaalada Baydhabo ee caasimadda kumeel gaarka ah ee koonfur galbeed.

Madaxweynaha Koonfur galbeed Cabdicasiis Lafta gareen ayaa sheegay in saddexda dowlad goboleed yeelan doonaan wadatashi ku saabsan arrimaha doorashooyinka Soomaaliya iyo dhameystirka heshiiska Dhuusomareeeb3.

Shirka u furmay saddexda maamul ayaa kusoo aadaya xilli ay magaalada Muqdisho ku sugan yihiin madaxweynayaasha Puntland iyo Jubbaland, kuwaas oo aan shirkaas looga yeerin.

Madaxweynaha Jubbaland Axmed Madoobe ayaa dhawaan sheegay in dowlad goboleedyada khilaaf laga dhex abuuray, si loo wiiqo inay aragti isku mid ah ka yeeshaan arrimaha doorashada.

Puntland iyo Jubbaland ayaa horey shir gaar ah ugu qabsaday magaalada Garowe, iyagoo kasoo saaray war murtiyeed ay ku diidan yihiin heshiiskii lagu gaaray shirkii Dhuusomareeb3.

Abdiweli M. Sheikh, Hiiraan Online
[email protected]












Click here
9/9/2020 12:00 PM EST
Arbaco, September 9, 2020 (HOL) - Qof iskusoo xeray waxyaabaha qarxa ayaa isku qarxiyay maqaaxida Blue Sky oo ku taalla meel ku dhow taallada Xaawa-taako ee magaalada Muqdisho.

9/9/2020 10:25 AM EST
Arbaco, September 9, 2020 (HOL) - Waxaa goor dhow soo gaaray magaalada Muqdisho madaxweynayaasha maamul goboleedyada Hirshabeelle, Koonfur galbeed iyo Galmudug, waxaana garoonka Aadan Cadde ee Muqdisho kusoo dhoweeyay madax ka tirsan dowladda Soomaaliya.

9/9/2020 8:59 AM EST
Arbaco, September 9, 2020 (HOL) - Sida ay qoreen qaar kamid ah wakaaladaha wararka dunida waxaa maanta qarax ka dhacay caasimadda dalka Afganistan ee Kabul ku dhaawacmay madaxweyne ku xigeenka waddankaas Amrullah Saleh.

9/9/2020 8:51 AM EST
Arbaco, September 9, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu ku eedeeyay madaxweynayaasha Jubaland iyo Puntland in sababaha ay u diideen ka qeyb-galka shirkii Dhuusamareeb 3 uu ahaa in dalka uusan laheyn ra'iisul wasaare, balse taas bedelkeeda ay Muqdisho yimaadeen arrintii ay ku doodayeen oo weli taagan.

9/9/2020 7:14 AM EST
Arbaco, September 9, 2020 (HOL) - Madaxweynaha dalka Maraykanka Donald Trump ayaa loo magacaabay murashaxa abaal marinta bilada nabada ee Nobel Peace Prize sannadka 2021, toddobaadyo uun ka dib markii uu gacan ka gaystay nabadeynta Israa’iil iyo Imaaraadka Carabta.

9/9/2020 4:39 AM EST
Arbaco, September 9, 2020 (HOL) - Xeer Ilaaliyaha Guud ee Qaranka ayaa magacaabay Xeer-Ilaaliye u gaar ah si baaris loogu sameeyo, gacantana loogu soo dhigo kuwii soo abaabulay, qorsheeyay iyo kuwii fuliyay dilalka iyo waxyeelaynta ka dhanka ah Suxufiyiinta.

9/9/2020 1:52 AM EST
Arbaco, September 9, 2020 (HOL) - Saraakiisha Taliska Mareykanka ee Afrika ayaa shaaciyey aqoonsiga hoggaamiyaha sare ee oo katirsan Al-Shabaab oo lagu diley duqeyn 25-kii Ogosto ka geysteen Soomaaliya.