3/29/2024
Today from Hiiraan Online:  _
Wararka Maanta- Arbaco, Sept 9 , 2020
Donald Trump oo loo magacaabay murashaxa abaalmarinta Nobel Peace Prize ee sanadka 2021
 

Arbaco, September 9, 2020 (HOL) - Madaxweynaha dalka Maraykanka Donald Trump ayaa loo magacaabay murashaxa abaal marinta bilada nabada ee Nobel Peace Prize sannadka 2021, toddobaadyo uun ka dib markii uu gacan ka gaystay nabadeynta Israa’iil iyo Imaaraadka Carabta.

Waxaa u magacaabay Christian Tybring-Gjedde, oo ah xubin ka tirsan baarlamaanka Norway, oo ku amaantay Trump, dadaalka uu ugu jiro xalinta khilaafaadka adduunka.

Warqada magacaabista, wuxuu lagu yidhi” 'Sida la filayo in dalalka kale ee Bariga Dhexe ay raaci doonaan tallaabooyinka Imaaraatka, heshiiskan wuxuu noqon karaa mid beddela ciyaarta oo Bariga Dhexe u rogi doonta gobol iskaashi iyo barwaaqo leh.'

Xildhibaanka reer Norway wuxuu sheegay in madaxweyne Donald Trump uu buuxiyey sadexda shuruudood ee looga baahan yahay inuu ku guuleysto abaalmarinta nabadda.

“Midka koowaad waa iskaashi dhex mara ummadaha, qodobka labaad yaraynta ciidamada Bariga Dhexe, shuruudda saddexaadna waa dhiirrigelinta shirarka nabadda,' ayuu yidhi Christian Tybring-Gjedde.

Afar madaxweyne oo Mareykan ah ayaa ku guuleystay abaalmarinta Nobel Peace Prize, taasoo ay go’aamiyaan guddiga shanta qof ee Nobel, ee ay soo magacaabaan baarlamaanka Norway.

Barack Obama ayaa guuleystay 2009, Theodore Roosevelt 1906, Madaxweyne Woodrow Wilson 1920 iyo Madaxweyne Jimmy Carter 2002. Qofka ku guuleysta 2021 waxaa la shaacindoonaa  Oktoobar 2021.

Abdiweli M. Sheikh, Hiiraan Online
[email protected]
 












Click here
9/9/2020 12:00 PM EST
Arbaco, September 9, 2020 (HOL) - Qof iskusoo xeray waxyaabaha qarxa ayaa isku qarxiyay maqaaxida Blue Sky oo ku taalla meel ku dhow taallada Xaawa-taako ee magaalada Muqdisho.

9/9/2020 10:25 AM EST
Arbaco, September 9, 2020 (HOL) - Waxaa goor dhow soo gaaray magaalada Muqdisho madaxweynayaasha maamul goboleedyada Hirshabeelle, Koonfur galbeed iyo Galmudug, waxaana garoonka Aadan Cadde ee Muqdisho kusoo dhoweeyay madax ka tirsan dowladda Soomaaliya.

9/9/2020 8:59 AM EST
Arbaco, September 9, 2020 (HOL) - Sida ay qoreen qaar kamid ah wakaaladaha wararka dunida waxaa maanta qarax ka dhacay caasimadda dalka Afganistan ee Kabul ku dhaawacmay madaxweyne ku xigeenka waddankaas Amrullah Saleh.

9/9/2020 8:51 AM EST
Arbaco, September 9, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu ku eedeeyay madaxweynayaasha Jubaland iyo Puntland in sababaha ay u diideen ka qeyb-galka shirkii Dhuusamareeb 3 uu ahaa in dalka uusan laheyn ra'iisul wasaare, balse taas bedelkeeda ay Muqdisho yimaadeen arrintii ay ku doodayeen oo weli taagan.

9/9/2020 7:17 AM EST
Arbaco, September 9, 2020 (HOL) - Shirka iskaashiga iyo wadatashiga Dowlad Goboleedyada Hirshabeele, Galmudug iyo Koonfur Galbeed ayaa ka furmay magaalada Baydhabo ee caasimadda kumeel gaarka ah ee koonfur galbeed.

9/9/2020 4:39 AM EST
Arbaco, September 9, 2020 (HOL) - Xeer Ilaaliyaha Guud ee Qaranka ayaa magacaabay Xeer-Ilaaliye u gaar ah si baaris loogu sameeyo, gacantana loogu soo dhigo kuwii soo abaabulay, qorsheeyay iyo kuwii fuliyay dilalka iyo waxyeelaynta ka dhanka ah Suxufiyiinta.

9/9/2020 1:52 AM EST
Arbaco, September 9, 2020 (HOL) - Saraakiisha Taliska Mareykanka ee Afrika ayaa shaaciyey aqoonsiga hoggaamiyaha sare ee oo katirsan Al-Shabaab oo lagu diley duqeyn 25-kii Ogosto ka geysteen Soomaaliya.