3/29/2024
Today from Hiiraan Online:  _
Wararka Maanta- Talaado, Sept 15, 2020
Barlamaanka Soomaaliya oo wasaaradda amniga faray inay faahfaahin lagu qanci karo ka keento kufsiyada Muqdisho ka dhacay
 

Talaado, September 15, 2020 (HOL) - Barlamaanka Soomaaliya ayaa faray wasaaradda amniga in ay barlamaanka horkeenaan sababaha ka dambeeya kufsiyo fool xun oo ka dhacay magaalada Muqdisho, kuwaas oo dareenka bulshada aad u kiciyay.

Gudoomiyaha barlamaanka Soomaaliya, Maxamed Mursal Sheikh Cusmaan, ayaa u sheegay wasaaradda amniga in laga rabo inay caddeyso sida uu ku dhacay kiis kufsi iyo dil ah oo dhawaan ka dhacay Muqdisho, kaasoo loo geystay Xamdi Maxamed Faarax oo ahayd ardayad dhameysay dugsiga sare.

Kiiskaan oo loo xiray dhowr qof ayaa ehelada marxuumada oo saxaafadda la hadlay waxay ka cabanayaan in ay dowladdu damanaad kusii daysay qaar kamid ah dadkii kiiskaas loosoo xiray oo lagu tuhmayay in ay ku lug leeyihiin.

Laamaha amnigu weli kama jawaabin cabashada, hase yeeshee waxaa weli socda baaritaan lagu wado halkii falku ka dhacay iyo maydka marxuumada oo laga qaaday dheecaano ka caawinaya baaritaanka in la ogaado dadka falgalka la sameeyay marxuumada.

Iyadoo uu socdo baaritaanka kiiskan, ayaa maalintii shalay lasoo weriyay kiis kale oo kufsi ah oo loo geystay wiil 10 sano jir ah, oo ay faraxumeeyeen labo nin oo ku labisnaa dareeska ciiddanka dowladda.

Abdiweli M. Sheikh, Hiiraan Online
[email protected]












Click here
9/15/2020 12:32 PM EST
Talaado, September 15, 2020 (HOL) - Qaramada midoobe iyo daneeyayaasha kale ee beesha caalamka ee Soomaaliya, ayaa soo dhoweeyay shirka magaalada Muqdisho uga socda madaxda dowladaha faderaalka qeybta ka ah iyo dowladda dhexe ee looga hadlayo arrimaha siyaasadda dalka iyo doorashooyinka.

9/15/2020 12:31 PM EST
Talaado, 15 September, 2020 (HOL) -Madasha Xisbiyada Qaran ee ay hogaamiyaan madaxdii hore ee dowladda federaalka Soomaaliya ayaa soo saaray eedeyn ay ujeediyeen madaxweyne Maxamed Cabdullaahi Farmaajo.

9/15/2020 10:10 AM EST
Talaado, September 15, 2020 (HOL) - Taliska ciidanka booliska Soomaaliyeed ayaa sheegay in ay 11 eedeesane u xiran yihiin kiiska baarista magaalada Muqdisho.

9/15/2020 6:43 AM EST
Talaado, September 15, 2020 (HOL) - Shiikh Nuur Baaruud oo kamid ah mashaa'ikhda waaweyn ee Soomaaliyeed oo maanta shir jaraa'id ku qabtay magaalada Muqdisho ayaa ka hadlay xeerkii Galmada ee Baarlamanka Soomaaliya la horgeeyay.

9/15/2020 5:33 AM EST
Talaado, September 15, 2020 (HOL) - Barasaabka Gaarisa Cali Bunow Qorane oo lagu soo oogay dacwad la xiriirta lacag dhan 233m oo shilinka Kenya ah, ayaa heli doona xoriyadiisa hadii uu bixiyo damiin lacageed oo dhan Sh3.25 million, sida lagu sheegay go’aan kasoo baxay maxkamada Nairobi.

9/15/2020 5:04 AM EST
Talaado, September 15, 2020 (HOL) - Wasiirka warfaafinta Somaliland Saleebaan Yuusuf Cali Koore ayaa sheegay in baadhitaan uu isku sameeyay laga helay xanuunka Covid 19. Ma ahan masuulkii ugu horeeyay ee cudurka laga helo, balse arintiisa ayaa kusoo beegmaysa xilli ay soo baxaysay cabsida la xiriirta in cudurku soo labo kacleeyay.

9/15/2020 3:44 AM EST
Talaado, September 15, 2020 (HOL) - Dowladda Kenya ayaa maxkamad soo taagtay duqii magaalada Gaarisa ee gobolka Waqooyi Bari, Cali Bunow Qorane iyo Afar eedeysane oo kala ah Ibraahim Malow Nuur Madaxii Dhaqaalaha Gaarisa, Maxamed Axmed C/laahi Madaxii Lacagta, Cabdi Shaale, madaxii fulinta Dowlada Hoose iyo Axmed C / laahi Aadan Madaxii Xisaabaadka ee Dowlada Hoose.