3/28/2024
Today from Hiiraan Online:  _
Wararka Maanta- Jimco, Sept 11, 2020
Qarax khasaare geystay oo ka dhacay Kismaayo
 

Jimco, September 11, 2020 (HOL) - Qof iskusoo xeray waxyaabaha qarxa ayaa isku qarxiyay gudaha magaalada Kismaayo,  gaar ahaan inta u dhexeysa masaajidka Jaamica ah ee qadiim iyo cisbitaalka magaalada.

Wararka hor-u-dhaca ah ee laga helayo Kismaayo ayaa sheegaya in qaraxaas lala eegtay Guddoomiyaha rugta ganacsiga Jubaland Shaafi Raabbi Kaahin, waxa uuna warka laga helayo magaalada ay qeexayaan inuu dhaawacmay, hase-ahaatee lama oga inta uu dhaawiciisa gaarsiisanyahay.

Waxaa sidoo kale dhaawacmay dhowr qof oo kale.

Soomaaliya waxaa hadda aad u kordhay qaraxyada,  iyadoo Arbacadii aynu kasoo gudubnay qof iskusoo xeray waxyaabaha qarxa uu isku qarxiyay maqaaxi dad ay shaah ku cabayeen oo ku taalla Muqdisho,  taas oo ay dhowr qof ku dhinteen 7 kalana ay ku dhaawacmeen.

Abdiaziz Ahmed Barrow, Hiiraan Online
[email protected]












Click here
9/11/2020 5:36 PM EST
Jimco, September 11, 2020 (HOL) - Madaxweynayaasha Jubbaland iyo Galmudug ayaa safarro kala duwan uga ambo baxay magaalada Muqdisho xilli maalinta berrito ah qorshuhu yahay inuu furmo shirka wadatashiga dhameystirka arrimaha doorashooyinka ee dowladda federalka, maamul goboleedyada iyo gobolka Banaadir.

9/11/2020 2:38 PM EST
Jimco, September 11, 2020 (HOL) - Dowladda Switzerland ayaa ugu deeqday Hay’adda QM ee UNFPA deeq lacageed oo kor u dhaafeyso 4 million iyo bar oo dollarka Mareykana si loo xoojiyo dadaallada loogu jiro hagaajinta caafimaadka hooyada iyo dhallaanka, la dagaallanka dhaqamada waxyeellada leh oo ay ka mid yihiin Gudniinka Fircooniga ah iyo awoodsiinta dhallinyarada ee Soomaaliya.

9/11/2020 8:30 AM EST
Jimco, September 11, 2020 (HOL) - Maamulka Jubaland ayaa caddeeyay geerida ku timid Guddoomiyahii rugta ganacsiga iyo warshadaha maamulkaas Shaafi Raabbi Kaahin oo salaaddii Jimce kadib, qof iskusoo xeray waxyaabaha qarxa uu iskula qarxiyay albaabka hore ee masjidka Jaamaca qadiim ee ku yaalla magaalada Kismaayo.

9/11/2020 7:07 AM EST
Jimco, September 11, 2020 (HOL) - Guddoomiyaha Ismaamulka Gaarisa ee dalka Kenya Cali Bunow Qorane ayaa waxaa la amray in la soo xero kadib markii lagusoo eedeeyay musuq-maasuq iyo xatooyo xoolo dadweyne.

9/11/2020 6:30 AM EST
Jimco, September 11, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu kula kulmay Muqdisho madaxweynahii hore ee Soomaaliya Xasan Shiikh Maxamuud, iyagoo ka wada-hadlay xaaladda siyaasadda dalka.

9/11/2020 5:35 AM EST
Jimco, September 11, 2020 (HOL) - Golaha Xukumadda xil gaarsiinta Soomaaliya ayaa kulan aaan caadi aheyn oo ay isbuucan yeesheen ku baab’iyey Baanaamijka Tubaha Qaranka oo saddexdii sanno iyo barkii la soo dhaafay ahaa halbeega ay ku shaqeynaysay xukuumadda.

9/11/2020 5:22 AM EST
Jimco, September 11, 2020 (HOL) - Safiirka Maraykanka ee Soomaaliya ayaa ku boorriyay madaxweynayaasha dowlad goboleedyada Soomaaliya ee Muqdisho u jooga dhameystirka wadahadalada in ay bilaabaan hirgalinta habka la isku raacsan yahay ee horay loogu sii wado doorashooyinka.

9/11/2020 3:56 AM EST
Jimco, September 11, 2020 (HOL) - Wassaaaradda gargaarka iyo maareynta masiiboyinka dowladda federaalka Soomaaliya ayaa markale soo saartay digniin cusub oo la xiriirta fatahaad kale oo baaxad leh inuu sameyo wabiga Shabelle todobaadyada soo socda.