Khamiis, October 8, 2020 (HOL) - Madaxweyne Donald Trump ayaa qaaddacay dood la doonayay in lagu qabto habka Online-ka ah oo ay wada-yeelan lahaayeen ninka kula tartamaya xilka ee dhinaca Jamhuuriga ah ee Joe Biden.
Kulanka oo qorsheysnaa inuu dhaco 15-ka, bishan,2020-da ayaa lagu waday inuu noqdo habka Online-ka, maadaama madaxweyne Trump uu qaaday COVID-19, islamarkaana lagu daweeyay cisbitaal militiri.
Trump ayaa Fox news business u sheegay ineysan suura-gal aheyn inuu ka qeyb-qaato dood ku dhaceyso habka Online-ka.
"Malaha micna badan in aad la dooddo qof Computer kasoo hadlaya, haddii ay rabaan way kaa xerayaan codka" ayuu Trump u sheegay Fox news.
Dhinaca kale, madaxweyne Trump ayaa dooddii uu horay ula galay Biden, waxaana aad loogu xusuustaa in uu dhowr jeer jawaabihii Joe uu dhowr jeer dhex-gal ku sameeyay.
Abdiaziz Ahmed Barrow, Hiiraan Online
[email protected]