3/28/2024
Today from Hiiraan Online:  _
Wararka Maanta- Khamiis, Oct 8 , 2020
Madaxweynaha dowlad deegaanka Soomaalida Ethiopia oo magacaabay guddi baara sababta geerida Cali Khaliif
 

Khamiis, October 8, 2020 (HOL) - Madaxweynaha dowlad deegaanka Soomaalida Ethiopia, Mustafe Muxamed Cumar (Cagjar), ayaa sheegay inuu magacaabay guddi baaritaan oo eegaya sababta ka dambeysay geerida raysal wasaarihii hore ee Soomaaliya, Cali Khaliif Galaydh.

Cali Khaliif Galaydh ayaa maanta si kedis ah ugu geeriyooday magaalada Jigjiga welina lama shaacin sababaha uu u geeriyooday. Geeridiisa ayaa aad looga dareemay Soomaaliya oo idil.

Madaxweyne Mustafe Cagjar ayaa qoraal uu soo dhigay bartiisa Facebook ku sheegay inuu magacaabay guddi u xilsaaran baadhitaanka habka geerida marxuum prof Cali Khaliif galaydh, kahor intaan la'aasin.

Marxuumka ayaa maalmihii ugu dambeeyay ku sugnaa magaalada Jigjiga, lama oga inuu xanuunsanaa iyo in kale. Qoyskiisa ayaa laga sugayaaa inay bixiyaan macluumaad ku saabsan halka lagu aasayo.

Mustafe Cagjar wuxuu sheegay marxuumka inuu ku yaqaanay inuu ahaa Siyaasi Rugcadaaya, wadaniya, jecel horumarka Soomaalida.

Abdiweli M. Sheikh, Hiiraan Online
[email protected]












Click here
10/8/2020 3:32 PM EST
Khamiis, October 8, 2020 (HOL) - Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa magacaabay Guddi Qaran oo ka shaqeynaya Aaska loo sameynayo Ra’iisul Wasaarihii hore ee Soomaaliya.

10/8/2020 2:06 PM EST
Khamiis, October 8, 2020 (HOL) - Guddigii loo xilsaaray baaritaanka geerida Cali Khaliif Galaydh oo maanta ku geeriyooday magaalada Jigjiga, ayaa shaaciyay in marxuumka u geeriyooday cudurka Coranavirus oo uu maalmahaan la xanuunsanayay.

10/8/2020 10:19 AM EST
Khamiis, October 8, 2020 (HOL) - Madaxweyne Donald Trump ayaa qaaddacay dood la doonayay in lagu qabto habka Online-ka ah oo ay wada-yeelan lahaayeen ninka kula tartamaya xilka ee dhinaca Jamhuuriga ah ee Joe Biden.

10/8/2020 10:09 AM EST
Khamiis, October 8, 2020 (HOL) - Somaliland ayaa ku tilmaamtay gef weyn qoraal dhawaan kasoo baxay gudoomiyaha barlamaanka aqalka sare ee Soomaaliya, qoralkaas oo ahaa magacaabidda guddiga qaban qaabada doorashada xidhibaanada gobolada waqooyi (Somaliland) u matalaya barlamaanka Soomaaliya.

10/8/2020 7:49 AM EST
Khamiis, October 8, 2020 (HOL) -Wararka naga soo gaaraya deegaanadda Basra iyo Deniga oo dhaca dhinaca Galbeed ee degmada Balcad ayaa sheegaya in halkaasi ay isaga soo baxeen ciidamada dowladda Soomaaliya, waxaana dib u qabsaday deegaankaasi dhaqdhaqaaqa Al-shabaab.

10/8/2020 7:40 AM EST
Khamiis, October 8, 2020 (HOL) - Warar dheeraad ah ayaa kasoo baxaya duqeymo diyaarado loo maleynayo iney yihiin kuwa Kenya ay ka geysteen tuulooyin hoos taga Gobolka Gedo oo sababay dhimasho iyo dhaawac .

10/8/2020 7:33 AM EST
Khamiis, October 8, 2020 (HOL) - Raysal wasaarihii hore ee Soomaaliya, Cali Khaliif Galaydh ayaa ku geeriyooday magaalada Jigjiga ee caasimada dawlad deegaanka Soomaalida.

10/8/2020 4:57 AM EST
Khamiis, October 8, 2020 (HOL) - Ilwad Elman oo ah Gabadh Soomaaliyeed oo u dhaqdhaqaaqda Nabadda ayaa markii labaad kamid noqotay dadka u sharraxan abaalmarinta nabada adduunka ee Nobel Peace Prize, sida laga soo xigtay Machadka Daraasaadka Nabadda (PRIO) ee fadhiggiisu yahay magaalada Oslo ee dalka Norway.

10/8/2020 1:34 AM EST
Khamiis, October 8, 2020 (HOL) - Kooxda Al-Shabaab ayaa sii daayay labo dhakhtar oo u dhashay Cuba oo laga afduubtay Kenya laguna haystay sanad iyo badh gudaha Soomaaliya, sida lagasoo xigtay saraakiil.