3/29/2024
Today from Hiiraan Online:  _
Wararka Maanta- Axad, Oct 4 , 2020
Ra'iisul wasaare Rooble oo kusii jeeda dalka Kuwait
 

Axad, October 4, 2020 (HOL) - Ra'iisul wasaaraha Soomaaliya Maxamed Xuseen Rooble ayaa waxa uu maanta ku gaaraya booqashadiisii ugu horreysay dalka Jamhuuriyadda  Kuwait,  waxaana la filayaa in shacab weynaha qarankaas uu uga tacsiyeeyo geeridii ku timid boqorkii hoggaaminayay.

War kasoo baxay xafiiska ra'iisul wasaaraha ayaa lagu yiri "Rooble wuxuu la kulmi doonaa boqorka cusub ee  Kuwait Shiikh Nawaf al-Ahmed al-Saba"

Boqorkii hore ee waddankaas ayaa geeriyooday,  isagoo 91 jir ah, wuxuuna ku dhintay dalka Mareykanka.

Ra'iisul wasaaraha Soomaaliya ayaa dalka Kuweyd kala hadli doona qorshaha deyn cafinta Soomaaliya iyo sidii taageero looga heli lahaa,  sida ay qortay wakaaladda wararka Soomaaliya.

Rooble ayaa shalay oo Sabti aheyd ka codsaday beesha Caalamka in lagu garab istaago Soomaaliya dakhliga doorashada la qabanayo dhowaan ku baxaya.

Dalalka Khaliijka, gaar ahaan Qatar iyo Imaaraadka ayaa la sheegay iney galaan-gal ku dhex leeyihiin siyaasadda doorashada Soomaaliya,  iyaga oo kala taageeraya musharraxiinta hardami doona.

Abdiaziz Ahmed Barrow, Hiiraan Online
[email protected]












Click here
10/4/2020 4:31 PM EST
Axad, October 4, 2020 (HOL) - Waxaa maanta lagu soo gabagabeeyay magaalada Beledweyne ee xarunta gobolka Hiiraan shirweynahii beellaha Xawaadle uga socday Beledweyne.

10/4/2020 11:03 AM EST
Axad, October 4, 2020 (HOL) - Wararka laga helayo deegaannada Taabto iyo Cabdalle Biroole oo ka tirsan Gobollada Jubbooyinka ayaa waxay sheegayaan in maanta deegaannadaas ay ku dagaallameen ciidamada Jubaland oo gacan ka helaya kuwa Kenya iyo Al-shabaab.

10/4/2020 8:56 AM EST
Axad, October 4, 2020 (HOL) - Raysal wasaaraha cusub ee Soomaaliya Maxamed Xuseen Rooble ayaa faray golaha wasiiradda ee xilka sii haya in tallaabo kasta oo ay qaadayaan lasoo wadaagaan xafiiskiisa, si loo dhowro arkaanta loo dajiyay xubnaha xil gaarsiinta.

10/4/2020 7:43 AM EST
Axad, October 4, 2020 (HOL) - Puntland ayaa maanta shaacisay 147 kiis oo Covid19 ah, kadib baaritaan lagu sameeyay 665 qof oo ku kala sugan degaanada Puntland muddadii udhexeysay 24 September ilaa 03 October.

10/4/2020 5:22 AM EST
Axad, October 4, 2020 (HOL) - Madaxweynaha Jamhuuriyadda Federaalka Soomaaliya, Mohammed Cabdullaahi Farmaajo, ayaa booqasho ku tagay magaalada Asmara ee dalka Eritrea subaxnimadii maanta.

10/4/2020 1:59 AM EST
Axad, October 4, 2020 (HOL) - Puntland ayaa sheegtay in lagu dayacay lacagaha shilin Soomaaliga ayna tahay meesha kaliya ee Soomaaliya sida weyn looga isticmaalo lacagtaas, sida uu sheegay wasiir ku xigeenka maaliyadda Puntland.