3/28/2024
Today from Hiiraan Online:  _
Wararka Maanta- Jimco, Oct 30, 2020
Ra'iisal Wasaare Rooble oo Danjiraha Turkiga kala hadlay xoojinta taageerrada ay siiyaan Soomaaliya

 

Jimco, October, 30, 2020 (HOL)-Ra’iisal Wasaaraha Xukuumadda Soomaaliya Maxamed Xusseen Rooble oo xafiiskiisa ku qaabilay Safiirka Dowladda Turkiga u fadhiya Soomaaliya Danjire Mehmet Yilmaz ayaa adkeeyey xiriirka walaaltinimo ee ka dhaxeya labada dal.

Ra’iisal Wasaaraha ayaa hoosta ka xariiqay in shacabka Soomaaliyeed aysan marna ilaawi doonin abaalka Turkiga, ugana mahad-celinayaan taageerada iyo waxqabadka muuqda ee suurageliyey in waddankeena uu tallaabo horey u qaado, isagoo xusay in Xukuumaddiisu ay sii adkeyn doonto xiriirka walaaltinimo ee labada dal ka dhexeeya.

Rooble ayaa sheegay in xiligan muhiimka ah ay jiraan dad badan oo Soomaaliyeed oo u baahan in laga caawiyo arrimaha banii'aadamnimada, isagoo uga mahadceliyey taageerada dhinacyada dhaqaalaha, amniga iyo Gargaarka.

“Xiriirka aan la wadaagno Turkiga waa mid ahmiyad gaar ah u leh bulshada Soomaaliyeed iyo sidii ay dib ugu soo kaban lahayd.Waxaan uga mahad celineynaa Dowladda Turkiga iyo shacabkeeda garab istaaggii ay inoo muujiyeen xiliyadii adkaa ee nasoo maray iyo mashaariicyadii ay ka fuliyeen dalkeenna welina u taagan yihiin garab istaaggeena”.

Danjiraha Turkiga u fadhiya Soomaaliya Mehmet Yilmaz ayaa dhankiisa balan qaaday in ay sii wadi doonaan garab istaaggooda dadka Soomaaliyeed, isagoo xusay ahmiyadda ay leedahay in la sii dardargeliyo taageerada aan shuruuddu ku xirnayn ee dalkiisu siiyo Soomaaliya.

Cabdiraxmaan Diini, Hiiraan Online
[email protected]
       














Click here
10/30/2020 1:08 PM EST
Jimco, October, 30, 2020 (HOL)-Xukuumadda Soomaaliya ayaa sheegtay in laga bilaabo bisha soo socta ay guda-gali doonaan howlaha doorashada madaama uu waqtigu gabaabsi yahay.

10/30/2020 10:28 AM EST
Jimco, October, 30, 2020 (HOL) - Ururada u dooda xuquuqda haweenka, haweenka ganacsatada ah iyo haweenka siyaasiyiinta ah ee ku sugan Soomaaliya ayaa ka codsaday baarlamaanka Soomaaliya aqalkiisa sare uu meelmariyo hindise sharciyeedka ku saabsan in haweenku 30% ka helaan kuraasta barlamaanka soo socda.

10/30/2020 7:02 AM EST
Khamiis, October, 29, 2020 (HOL) – Beeraleyda iyo Xoola dhaqatada ku nool qeybo badan oo ka mid ah Soomaaliya sanadkan cabashada ugu badan oo ay qabaan ayaa aheyd Ayax raxan raxan u socda oo meelaha qaar ku riday nabaad-guur iyo baabi’inta dalaggii la filayay.

10/30/2020 6:14 AM EST
Jimco, October, 30. 2020 (HOL)- Ugu yaraan 140 muhaajiriin ah oo ku sii jeeday Yurub ayaa ku dhintay xeebta Senegal,ka dib markii Dooni ay la socdeen oo sidday laba boqol oo ruux uu dab qabsaday,isla markaana qallibantay,sida maalinimadii Khamiiista ee shalay laga soo xigtay Ururka Caalamiga ah ee Socdaalka IOM .

10/30/2020 2:16 AM EST
Jimco, October, 30, 2020 (HOL)-Dagaal dhaxmaray labada Qowmiyadood ee Canfarta iyo Soomaalida ayaa lagu waramayaa in lagu dilay 27 ruux, sida lagu sheegay War ka soo Dowladda Itoobiya.