3/29/2024
Today from Hiiraan Online:  _
Wararka Maanta- Isniin, Nov 30, 2020
Xildhibaano katirsan Puntland oo guddoomiyaha barlamaanka ugu baaqay inuu iscasilo
 

Isniin, November, 30, 2020 (HOL) - Xildhibaano katirsan barlamaanka Puntland ayaa ugu baaqay inuu iscasilo guddoomiyaha barlamaanka Puntland, Cabdirashiid Yuusuf Jibriil, iyagoo ku eedeeyay inuu ku fashilmay hoggaaminta golaha barlamaanka.

Xildhibaanada ayaa ku eedeeyay guddoomiyaha inuu kala qeybin ku sameeyay xildhibanada dhexdooda islamarkaana uu sameystay xulufo u gaar ah iyo maleyshiyaad uu ku cabsi galiyo xildhibaanada qeybtood, waa sida ay ku sheegeen hadalkii ay saxaafada ka sheegeen.

Waxay kaloo xildhibaanadu ku eedeeyeen inu masuul ka yahay fowdadii maanta ka dhacday xarunta barlamaanka, iyagoo sheegay xildhibaano isaga taageersanaa in ay masuul ka ahaayeen buuqa iyo gacan ka hadal golaha ka dhacay.

Guddoomiyaha barlamaanka ayaa horey ugu eedeeyay xildhibaanadan in rabshad ka dhex abuureen golaha barlamaanka, taasoo keentay in ay istaagto shaqadii ka socotay xarunta golaha.

Khilaafkan ka dhex abuurmay barlamaanka Puntland dhexdiisa ayaa kusoo beegmaya maalmo kadib markii barlamaanku meel mariyay in ajendaha laga saaro ka doodista heshiiska DP world ee dekeda Bosaso.

Abdisalan Nur Dirie, Hiiraan Online
[email protected]












Click here
11/30/2020 9:53 AM EST
Isniin, November, 30, 2020 (HOL) - Dowladda Kenya ayaa jawaab ka bixisay tallaabadii dowladda Soomaaliya ay dalkeeda uga saartay safiirkii Kenya Lucas Tumbo oo la amray in dib dalkiisa ugu laabto.

11/30/2020 8:15 AM EST
Isniin, November, 30, 2020 (HOL) - Wasiirka Wasaarradda Arrimaha Dibadda Soomaaliya Maxamed Cabdirisaaq Maxamuud Abuubakar ayaa kulan kula qaatay xafiiskiisa safiirka Dowladda Soomaaliya ee Kenya Maxamuud Axmed Nuur Tarsan.

11/30/2020 6:52 AM EST
Isniin, November, 30, 2020 (HOL) - Qoraal ka soo baxay Ururrada bulshada rayidka ayaa loogu baaqay dhinacyada siyaasadda Soomaaliya in ay dajiyaan xaalada iyo hadallada hajabaada ah ee hawadda leysku marinayo ee la xiriira arrimaha doorashooyinka dalka.

11/30/2020 4:04 AM EST
Isniin, November, 30, 2020 (HOL) - Buuq iyo gacan ka hadal ayaa hareeyay xarunta barlamaanka Puntland ee Garowe, kadib markii xildhibaano katirsan barlamaanka ay ka gadoodeen go’aan barlamaanku ka qaatay heshiiska DP world.

11/30/2020 3:21 AM EST
Isniin, November, 30, 2020 (HOL) - Masuuliyiinta garsoorka Somaliland ee gobolka Sool ayaa shaqooyinkoodii hakad u galiyay sababo amni darteed, kadib dilalkii is xigxigay ee loo geystay guddoomiyaha maxkamada gobolka Sool iyo garsoore kale.

11/30/2020 2:48 AM EST
Isniin, November, 30, 2020 (HOL) -Rashid Mberesero oo u dhashay dalka Tanzania ayaa lagu waramayaa in uu isku dhax dilay qolka xabsigii uu ku xirnaa oo lagu magacaabo Kamiti Maximum sida laga soo xigtay saraakiisha Kenya.

11/30/2020 1:43 AM EST
Isniin, November, 30, 2020 (HOL) - Ciidamo hubeysan oo ka tirsan Beesha Gaaljecel ayaa ku biiray dhaqdhaqaaqa ciidan ee uu hogaamiyo Janaraal Abuukar Warsame Xuud kuwaas oo kasoo horjeeda nidaamka lagu dhisay maamulka Hirshabeelle.

11/30/2020 1:11 AM EST
Isniin, November, 30, 2020 (HOL) - Qaar kamid ah Suuqyada ganacsiga Garowe ayaa saaka albaabada la iskugu laabay iyadoo dad isku abaabulayaan mudaharaad loogasoo horjeedo sicir bararka dollarka iyo maciishada.

11/30/2020 12:13 AM EST
Isniin, November, 30, 2020 (HOL) - Madaxweyne ku-xigeenka Dowlad Gobolleedka Jubbaland Maxamuud Siyad Aadan ayaa sheegay in aysan gudbin doonin gudiyada doorashada ee laga sugayo inta laga fulinayo ayuu yiri heshiisyadii iyo balanqadyadii ay horey u sameysay dowladda dhexe ee Federaalka.

11/30/2020 12:06 AM EST
Isniin, November, 30, 2020 (HOL)-Dowladda Kenya ayaa war ka soo saartay go'aankii dowladda Soomaaliya ay dalkeeda uga saartay safiirkii Kenya Lucas Tumbo oo lagu amray in uu dalkiisa dib ugu laabto.

11/30/2020 12:03 AM EST
Isniin, November, 30, 2020 (HOL) - Weerar culus oo qaraxyo ku bilaawday ayeey xoogagga Ururka Al-shabaab subaxnimadii hore ee saakay waxaa ay ku qaadeen deegaanka Bacaadweyn ee gobolka Mudug