3/28/2024
Today from Hiiraan Online:  _
Wararka Maanta- Jimco, Nov 27, 2020
Kulan xasaasi oo Ceelgaal ku dhexmaray Odayaasha dhaqanka Beelweynta Xawaadle iyo Hogaamiyaha Golaha Samata Bixinta Hiiraan


Jimco, November, 27, 2020 (HOL) - Odayaasha iyo waxgaradka Beelweynta Xawaadle ayaa galinkii dambe ee maanta kulan xasaasi ah kula qaatay deegaanka Ceelgaal oo qiyaastii Baledweyne kaga beegan dhinaca Waqooyi Bari ilaa 13 KM Hogaamiyaha Golaha Samata Bixinta Hiiraan Janaraal Abuukar Warsame Xuud.

Kulanka dhexmaray Odayaasha Dhaqanka Beesha Xawaadle iyo hogaamiye Janaraal Xuud ayaa ka dhacay deegaanka Ceelgaal oo fariisin u ah ciidamada Golaha Samata Bixinta Hiiraan waxaana looga hadlay xaaladahii ugu dambeyay ee gobolka Hiiraan.

Kulanka ayaa waxaa la sheegay inuu ahaa mid lagu dhiiragalinayo dhaqdhaqaaqyada ciidan ee Golaha Samata Bixinta Hiiraan iyo sidii beesha Xawaadle aay ugu midoobi laheyd raadinta xaquuqda Hirshabeelle kaga maqan beesha iyo badbaadinta shacabka reer Hiiraan sida uu Shabakadda HOL u xaqiijiyay mid ka mid ah waxgaradkii kulankasi ka qeyb galay.

Golaha Samata Bixinta Hiiraan ayaa si aad ah uga soo horjeestay dhismaha Hirshabeelle waxayna si cad u diidan yihiin imaatinka madaxweynaha Hirshabeelle iyo jiritaanka maamulka Hirshabeelle.

Jamaal Cali Cabdi, Hiiraan Online
[email protected]












Click here
11/27/2020 2:55 PM EST
Jimco, November, 27, 2020 (HOL) - Wasaaradda warfaafinta Soomaaliya ayaa warbixin horudhac ah kasoo saartay weerar ismiidaamin ah oo qof naftii hallige ah uu ka geystay maqaayad lagu caweeyo oo kuyaala wadada garoonka Aadan Cadde ee Muqdisho.

11/27/2020 12:16 PM EST
Jimco, November, 27, 2020 (HOL) -Qof isku soo xiray Walxaha Qarxa ayaa isku qarxiyay maqaayadda jalaato Devino oo ku taal wadadda laga galo Garoonka diyaaradaha Ee Adan Cade ,maqaayada ayaa ah mid inta badan dadku isugu yimaadaan.

11/27/2020 10:11 AM EST
Jimco, November, 27, 2020 (HOL) - Ku simaha xoghayaha gaashaandhiga Maraykanka Christopher Miller ayaa jimcihii maanta usoo safray Soomaaliya si uu ula kulmo ciidamada mareykanka ee halkaas ku sugan.

11/27/2020 8:31 AM EST
Jimco, November, 27, 2020 (HOL) -Qoraal ka soo baxay midowga musharixiinta ayaa looga hadlay hanjabaadii uga timid guddoomiyaha gobolka Banaadir Cumar Maxamed Maxamuud Filish fariin uu soo diray madaxweyne Maxamed Cabdullaahi Farmaajo.

11/27/2020 4:03 AM EST
Jimco, November, 27, 2020 (HOL) - Isaga oo wareysi siinayay France 24 ayuu sheegay Wasiirka Maaliyada Itoobiya Axmed Shiddo in dagaalka ka socda gobolka Tigrayga uu yahay mid lagu soo celinayo'' Amarka iyo Kala danbeynta gobolka''

11/27/2020 12:42 AM EST
Jimco, November, 27, 2020 (HOL) - Maxkamad ku taal dalka Canada ayaa xukun ka khafiifisay nin sanadkii 2017 weerar ka fuliyay masaajid ku yaal magaalada Quebec.