9/22/2020
Today from Hiiraan Online:  _
Wararka Maanta- Arbaco, May 20, 2020
Xasan Shiikh Maxamuud “ Dowladdu waa in ay la timaadaa cadeymo hadal dhaafsiisan oo la xiriira kiiska muranka badda”


 

Arbaco, May 20, 2020 (HOL) - Madaxweynahii hore ee Soomaaliya Xasan Shiikh Maxamuud ayaa  ka hadlay arrinta la xiriirta dacwadda badda oo markii seddexaad dib loo dhigay xalay, waxa uuna sheegay in afar sano kadib meesheedii taagantahay oo aysan jirin wax is-bedal ah oo kusoo kordhay.

Shir jaraa’id oo uu ku qabtay Muqdisho ayaa waxa uu soo  hadal qaaday  sababaha dowladda Soomaaliya ay u qancin la’dahay dadka , hadiiba ay diidantahay in maxkamadda dhageysigeeda dib loo dhigo, Kenyana seddex jeer codsi ka yimid la tix-geliyay.

“Maxkamadda dhageysigeeda waxaa dib loo dhigi karaa keliya markii labada waddan ogolaashiyo laga helo, haddii ay dowladda Soomaaliya diidantahay in kiiska dhageysigiisa dib loo dhigo, maxay bulshada ula wadaagi la’dahay cadeymo muuqda oo aan hadal aheyn” ayuu yiri madaxweynahii hore ee Soomaaliya.

Dhinaca kale Xasan Shiikh Maxamuud ayaa sheegay in qareennadii matalayay Soomaaliya ay ahaayeen kuwa caalamiya oo ay ku jirtay Garyaqaan Muno Sharmaan, iyadoo la sheegay in la bedalay , balse wuxuu dowladda ku dhaliilay sababaha loo sheegi la’yahay qareennada hadda ku metalaya kiiskaan.

Soomaaliya ayaa dacwadaan geysay maxkamadda ICJ xilligii uu xilka hayay  Xasan Shiikh Maxamuud , iyadoo markii seddexaad muddo 11 bilood ah dib loo dhigay xalay.

Lama oga in dowladda Soomaaliya ka jawaabi doonto hadalka madaxweynahii hore ee Soomaaliya Xasan Shiikh Maxamuud iyo in kale, balse waxa uu hadalkaan sheegay xilli arrinta dacwadda badda shacabka Soomaaliyeed iyo aqoonyahannaduba ay wax badan iska weydiinayaan.

Abdiaziz Ahmed Barrow, Hiiraan Online
[email protected]
    













Click here
5/20/2020 1:51 PM EST
Arbaco, May 20, 2020 (HOL) - Fatahaada wabiga Shabeelle uu ka geeystay magaalada Beledweyne ayaa saameeyn xoogan ku yeelatay shacabka magaalada iyo goobihii ganacsiga, waxaana sidoo kale xirmay isu-socodka dadka iyo gaadiidka.

5/20/2020 6:41 AM EST
Arbaco, May 20, 2020 (HOL) - Wakiilka Gaarka ah ee Guddoomiyaha Guddiga Midowga Afrika (SRCC) ee Soomaaliya, Danjire Francisco Madeira, ayaa sheegay inuu ka xun yahay dilka Guddoomiyaha Gobolka Mudug ee Puntland, Mr. Axmed Muuse Nuur.

5/20/2020 5:44 AM EST
Arbaco, May 20, 2020 (HOL) - Tafaasiil dheeraad ah ayaa kasoo baxeysa qarax miino oo saakay lala eegtay sargaal sare oo ka tiirsan ciidanka booliska Soomaaliya oo ka dhacay degmada Hodan ee Gobolka Banaadir ,

5/20/2020 5:39 AM EST
Arbaco, May 20, 2020 (HOL) - Taliyaha hogaanka Caafimaadka ee booliska Soomaaliyeed, Generak Cali Xirsi Barre (Cali Gaab), ayaa ka badbaadey qarax lala Beegsaday oo ka dhacay isgoyska Banaadir ee magalada Muqdisho.

5/20/2020 5:10 AM EST
Arbaco, May 20, 2020 (HOL) - Midowga Yurub ayaa soo dhoweeyay hadalkii dhowaan ka soo yeeray Madaxweynaha Soomaaliya, Maxamed Cabdullaahi Farmaajo, ee ku aaddan dib-u-habeynta Xeerka Ciqaabta Soomaaliya ee soo baxay 1964.