7/14/2020
Today from Hiiraan Online:  _
Wararka Maanta- Arbaco, May 20, 2020
Midowga Yurub oo soo dhoweeyay dib u habaynta xeerka ciqaabta Soomaaliyeed ee madaxweyne Farmaajo uu balanqaaday


 

Arbaco, May 20, 2020 (HOL) - Midowga Yurub ayaa soo dhoweeyay hadalkii dhowaan ka soo yeeray Madaxweynaha Soomaaliya, Maxamed Cabdullaahi Farmaajo, ee ku aaddan dib-u-habeynta Xeerka Ciqaabta Soomaaliya ee soo baxay 1964.

Midowga Yurub ayaa sheegay dib-u-habayntani in ay noqon doonto tallaabo muhiim ah oo horay loo qaaday si loo ilaaliyo suxufiyiinta, kuwaas oo ay ku jiraan muwaadiniinta Soomaaliyeed, ee doonaya inay adeegsadaan xuquuqdooda aasaasiga ah ee xorriyatul qowlka iyagoon ka cabsi qabin aargudasho ama ciqaab dembi.

“Waxaan filaynaa in mas'uuliyiinta Soomaaliya ay raaci doonaan ku dhawaaqista Madaxweynaha iyagoo ka tanaasulaya dacwadaha dambiga ee lagu soo oogay Mukhtaar Maxamed Atosh ee oo katirsan VOA iyo Abdiasis Ahmed Gurbiye oo ka tirsan Goobjoog Media Group, kuwaas oo lagu sii daayay damiin laakiin wajahaya dambiyada lagu soo oogay,” ayaa lagu yidhi bayaan kasoo baxay midowga Yurub.

Sidoo kale, Midowga Yurub ayaa ka codsaday mas'uuliyiinta Somaliland inay si dhakhso ah oo shuruud la’aan ah ku sii daayaan wariye Cabdimaalik Muuse Coldoon oo lagu eedeeyay inuu faafiyey dacaayad ka dhan ah madaxda Somaliland iyo faafinta wararka beenta ah.

Soomaaliya waa mid ka mid ah waddamada ugu halista badan xaga amniga weriyeyaasha, kuwaas oo 50 ka mid ah la dilay tobankii sano ee la soo dhaafay.

Abdiweli M. Sheikh, Hiiraan Online
[email protected]









Click here
5/20/2020 1:51 PM EST
Arbaco, May 20, 2020 (HOL) - Fatahaada wabiga Shabeelle uu ka geeystay magaalada Beledweyne ayaa saameeyn xoogan ku yeelatay shacabka magaalada iyo goobihii ganacsiga, waxaana sidoo kale xirmay isu-socodka dadka iyo gaadiidka.

5/20/2020 6:41 AM EST
Arbaco, May 20, 2020 (HOL) - Wakiilka Gaarka ah ee Guddoomiyaha Guddiga Midowga Afrika (SRCC) ee Soomaaliya, Danjire Francisco Madeira, ayaa sheegay inuu ka xun yahay dilka Guddoomiyaha Gobolka Mudug ee Puntland, Mr. Axmed Muuse Nuur.

5/20/2020 6:05 AM EST
Arbaco, May 20, 2020 (HOL) - Madaxweynahii hore ee Soomaaliya Xasan Shiikh Maxamuud ayaa ka hadlay arrinta la xiriirta dacwadda badda oo markii seddexaad dib loo dhigay xalay, waxa uuna sheegay in afar sano kadib meesheedii taagantahay oo aysan jirin wax is-bedal ah oo kusoo kordhay.

5/20/2020 5:44 AM EST
Arbaco, May 20, 2020 (HOL) - Tafaasiil dheeraad ah ayaa kasoo baxeysa qarax miino oo saakay lala eegtay sargaal sare oo ka tiirsan ciidanka booliska Soomaaliya oo ka dhacay degmada Hodan ee Gobolka Banaadir ,

5/20/2020 5:39 AM EST
Arbaco, May 20, 2020 (HOL) - Taliyaha hogaanka Caafimaadka ee booliska Soomaaliyeed, Generak Cali Xirsi Barre (Cali Gaab), ayaa ka badbaadey qarax lala Beegsaday oo ka dhacay isgoyska Banaadir ee magalada Muqdisho.