3/28/2024
Today from Hiiraan Online:  _
Wararka Maanta- Sabti, May 16, 2020
Beledweyne : Dhimasho ka dhalatay fatahaada magaalada Beledweyne


Sabti, May 16, 2020 (HOL) - Hal qof ayaa ku dhintay fatahaada wabiga Shabeelle kadib markii aay qaadeen biyo xowli ah oo kasoo rogmaday wabiga, waxaana lasoo badbaadiyay in kabadan 10 qof.

Qofka ku dhintay biyaha ayaa lasheegay in lahelay meeydkiisa saacado kadib markii uu ku dhacay wabiga, waxaana laga helay meel u dhaw kaliga Waraaboole ee galbeedka Beledweyne. Sidoo kale waxaa lasoo badbaadiyay 10 qof oo aay ku jiraan dumar.

Ciidanka Booliska Beledweyne oo badbaadiyay dadka ayaa sheegay inaay halis yihiin biyaha islamarkaana aay muhiim tahay in shacabku uu joojiyo isu-socodka xaafadaha magaalada.

Kiliga Dhagaxjibis oo isku xira gudaha magaalada iyo goobaha loo barakacay ayaay dadku kala kulmaan saameyn aad u weeyn waxaana sanadihii hore ku dhintay dad ka badan 4 qof, balse sanadkan taliska Booliska ayaa ciidan badan ku daadiyay goobaha ugu halista badan ee dadku aay ku dhacaan.

Fatahaada Beledweyne ayaa sanad walba geeysata qasaaro naf iyo maalba leh, welina laguma guuleeysan in xal-waara loo helo dhibaatadan.  

Hiiraan Online News Disk












Click here
5/16/2020 6:46 PM EST
Sabti, May 16, 2020 (HOL) - Dowladda Qatar, ayaa Sabtidii maanta Muqdisho kasoo dajisay deeq gargaar caafimaad oo deg deg ah oo ay ugu talo gashay Soomaaliya, si looga hortago loona xakameeyo faafitaanka corona (Covid-19).

5/16/2020 5:34 PM EST
Sabti, May 16, 2020 (HOL) - Bangiga adduunka ayaa oggolaaday $ 137 milyan oo doollar si loogu xoojiyo dagaalka Soomaaliya ee ka dhanka ah COVID19, abaarta iyo fatahaadaha.

5/16/2020 6:49 AM EST
Sabti, May 16, 2020 (HOL) - War kasoo baxay goor dhow wasaaradda caafimaadka Somaliland ayaa waxaa lagu sheegay in 19 xaalad oo cusub oo COVID-19 ah laga helay deegaannadaasi, taas oo kor usii qaadday guud ahaan tirada uu soo riday xanuunka Coronavirus.

5/16/2020 6:22 AM EST
Sabti, May 16, 2020 (HOL) - Ra’iisul wasaare ku xigeenka Soomaaliya Mahdi Maxamed Guuleed ayaa waxa uu ka hadlay arrinta ku saabsan dacwadda badda ee taalla maxkamadda cadaaladda adduunka ee ICJ, una dhexeysa waddamada Soomaaliya iyo Kenya, kadib markii warbaahintu ay sii daysay macluumaad muujinaya in xukuumadda Nairobi ay codsatay in dib loo dhigo markii seddexaad garmaqalka labada dal sababa jiro oo hadda ay wajahayaan labada dalba dib loogu dhigo.

5/16/2020 5:24 AM EST
Sabti, May 16, 2020 (HOL) - War qoraal ah oo kasoo baxay midowga Yurub ayaa waxaa lagu sheegay in lacag dhan €105.5 ay ku taageerayaan waddamada ku yaalla geeska bari ee qaaradda Afrika, si wax looga qabto xaaladaha Bani-aadannimo ee ka taagan dalalkaasi.

5/16/2020 4:54 AM EST
Sabti, May 16, 2020 (HOL) - Diyaarad sidday gargaar caafimaad oo ka socday waddanka Qatar ayaa waxay gaartay magaalada Hargeysa ee Somaliland, waxaana loogu tala-galay deeqdaas in lagu caawiyo dadka la xanuunsanaya COVID-19, iyo agabka kale .

5/16/2020 2:27 AM EST
Sabti, May 16, 2020 (HOL) - Dowlada Kenya ayaa lagu soo waramayaa inay la gaartay maxkamada caalamiga ah ee cadaalada (ICJ) inay codsato kordhinta dhageysiga dacwada muranka xadka badda oo sanado socdey.

5/16/2020 1:24 AM EST
Sabti, May 16, 2020 (HOL) - Baarlamaanka Sweden ayaa u codeeyay in Sweden bixiso 2 milyan oo Yuuro oo lagu taageerayo cafinta deynta Soomaaliya uu ku leeyahay Sanduuqa Lacagta Adduunka (IMF).