3/29/2024
Today from Hiiraan Online:  _
Wararka Maanta- Talaado, Mar 24, 2020
Dowladda Soomaaliya oo la wareegtay qalab caafimaad oo ka qeyb ka qaadanaya Kahor Tagga Faafitaanka COVID-19


Talaado, Maarso, 24, 2020 (HOL)- Wasiir ku-xigeenka Wasaaradda Caafimaadka iyo Daryeelka Bulshada ayaa safiirka Shiinaha ee Soomaaliya kala wareegay Qalab Caafimaad Oo Qeyb Ka Qaadanaya Kahor tagga Faafitaanka COVID-19.

Qalabkaan caafimaad ayaa waxaa qayb ka ah qalabka dadka looga baaro caabuqa Corona iyo qalabka ay isticmaalaan dhaqaatiirta ka howl gala xarumaha caafimaad iyo goobaha lagu baaro dadka looga shakiyo Caabuqa.

Waxaa ku deeqay maalqabeenka caanka ah ee reer China Jack Ma, oo ah ninka iska leh shirkadda caanka ah ee Alibaba. Qalabkaan waxaa horey loo gaarsiiyay wadamada Afrikaanka ee uu saameeyay cudurka Coronavirus.

Axmed Siciid Cabdulaahi, wasiir ku xigeenka caafimaadka Soomaaliya, ayaa u mahad celiyay dowladda China iyo mulkilaha Alibaba, wuxuuna tilmaamay in ay waqti ku haboon qalabkaan soo gaarsiiyeen dowladda Soomaaliya.

Raysal wasaaraha Soomaaliya Xasan Cali Kheyre ayaa bartiisa twitterka soo dhigay qoraal kooban oo uu ugu mahad celinayo Jack Ma iyo raysal Wasaaraha Ethiopia, Aby Ahmed oo fududeeyay in qalabkaan uu yimaada Somaliya.

Dowladda Soomaaliya, ayaa qaaday tillaabooyin looga hor tegayo faafitaanka cudurka, waxayna diyaariysay guddiyo ka shaqeeya daryeelka bulshada, xarumo lagu karaantiilo dadka looga shakiyo inay qabaan iyo xaruma kale oo dadka lagu daweeyo.


Abdiweli M. Sheikh, Hiiraan Online
[email protected]












Click here
3/24/2020 5:57 PM EST
Talaado, Maarso, 24, 2020 (HOL)- Dowladda Soomaaliya ayaa gacanta ku dhigtay saddex boorso oo lagasoo buuxiyay maandooriyaha Qaadka, oo la doonayay in si qarsoodi ah lagusoo galiyo magaalada Muqdisho.

3/24/2020 4:24 PM EST
Talaado, Maarso, 24, 2020 (HOL)- Bangiga horumarinta qaaradda Afrika ayaa shaaciyay in Soomaaliya laga nadiifiyay Lacagihii amaahda ah ee uu ku lahaa Soomaaliya, taasoo gaaraysay $ 122.55 milyan oo dollar.

3/24/2020 9:37 AM EST
Talaado, Maarso, 24, 2020 (HOL)- Nin ka soo jeeda gobolka Yunnan ee Shiinaha ayaa laga helay cudurka Hantavirus isniintii taasoo keentay argagax ka dhex jira muwaadiniinta adduunka oo wali la dhibaatoonaya cudurka 'Cohannavirus' ee ka yimid China.

3/24/2020 8:09 AM EST
Talaado, Maarso, 24, 2020 (HOL )– Gudoomiyaha xisbiga UCID Eng;Faysal Cali Waraabe ayaa sheegay in la joojiyo duulimaadyada ka imanaya dalalka uu ka dhacay cudurka Covid19,isla markaana aanu ficil inoo keenin cudurkaasi halista badan.

3/24/2020 7:59 AM EST
Talaado, Maarso, 24, 2020 (HOL)- Cabdiqaadir Maxamed Faarax (Biriq), oo ka mid ahaa ciyaartoydii hore ee Soomaaliya ayaa dalka Ingiriiska ugu geeriyooday cudurka Coranavurus.

3/24/2020 7:21 AM EST
Talaado, Maarso, 24, 2020 (HOL)- Puntlland ayaa dib uga laabatay go’aan maalintii shalay kasoo baxay guddiga ka hortagga faafitaanka cudurka Coranavirus, kuwaas oo shaacisay in muddo labo tobadaad ah la xirayo goobaha cibaadada, sida masaajida.

3/24/2020 5:08 AM EST
Talaado, Maarso, 24, 2020 (HOL)-Wararka naga soo gaaraya gobolka Shabeellaha Hoose ayaa sheegaya in ciidamada dowladda Soomaaliya waddaan dhaqdhaqaaqyo militari oo ka dhan ah deegaannada ay gobolka ka maamulaan Al-shabaab.