7/9/2020
Today from Hiiraan Online:  _
Wararka Maanta- Khamiis, Mar 19, 2020
Guddiga doorashada Puntland oo soo bandhigay 17 urur siyaasadeed oo isdiiwaan galiyay


 

Khamiis, Maarso, 19, 2020 (HOL)- Guddiga kumeel gaarka ah ee doorashadooyinka Puntland, ayaa maanta oo khamiis ah soo bandhigay 17 urur siyaasadeed oo si rasmi ah iskaga diiwaan galiyay guddiga doorashooyinka, saddexdii bilood ee ay furmayd furashada ururada siyaasada, iyadoo ku ekayd 15-march.

Guddoomiyaha guddiga doorashada, Gulled Saalax Barre, ayaa sheegay ururadaan isdiiwaan galiyay inay u gudbidoonaan wajiga labaad ee sharuudaha, oo ah inay qabsadaan shirweynaha ururka, inay xafiisyo ka furtaan ugu yaraan 6 gobol iyo soo gudbinta xubnaha ururka oo dhan 1,800 xubin.

Guddoomiyaha guddiga doorashada wuxuu sheegay inay shahaadooyin siiyeen ururadaan liiskooda uu soo bandhigay, isagoo ku ammaanay inay soo buuxiyeen sharuudihii koowaad.

Ururadaan waxaa ku jira urur siyaasadeed uu dhawaan ku dhawaaqidoono madaxweynaha Puntland Siciid Deni, kaasoo ah urur siyaasadeedka muxaafidka, waxaana badi ku jira masuuliyiinta golaha wasiiradda iyo golaha barlamaanka Puntland.

Waxaa sidoo kale jira urur siyaasadeedyo ay ku midaysan yihiin siyaasiyiin saameyn culus ku leh siyaasada Puntland, oo qaarkood ay kamid yihiin murashixiintii doorashadii hore ee madaxtinimada Puntland,

Puntland ayaa labo jeer oo hore ku fashilantay hirgalinta hannaanka xibsiyada badan, waxaana weli maamulka hadda jira horyaala caqabadihii fashiliyay labadii goor ee hore, waxaana caqabaqadaas kamid ah, la'aanta maxkamadii dastuuriga ahayd, kala xaddaynta degmooyinka, degaano weli ka maqan gacanta Puntland iyo hubka ka dhigista bulshada.

Balse, waxaa maamulka hadda jira lagu ammaanaa in uu waqti hore barnaamijkaan daaha ka rogay, taasoo loo arko in madaxweynaha ay ka go'antahay hirgalinta nidaamkaan.

Madaxweyne Deni wuxuu dhawaan sheegay inuu furayo xisbigii xukuumadiisa u meteli lahaa hannaanka axsaabta badan. Waxaa kale oo uu sheegay inuu cabsi ka qabin hirgalinta nidaamkaan xitaa haddii uu ku weynayo xukunkiisa.

Halkaan hoose ka akhriso magacyada ururada siyaasada.



Abdiweli M. Sheikh, Hiiraan Online
[email protected]









Click here
3/19/2020 10:58 AM EST
Khamiis, Maarso, 19, 2020 (HOL )– Xukuumada Somaliland ayaa sheegtay inay talaabo ka qaadi doonaan ganacsatada iskudayda inay qaali gareeyaan raashinka si ay uga faa’iidaystaan cabsida laga qabo cudurka Corona Virus.

3/19/2020 9:47 AM EST
Khamiis, Maarso, 19, 2020 (HOL)- Wasaaradda waxbarashada Puntland ayaa si kumeel gaar ah hakisay howlaha waxbarashada muddo labo asbuuc ah oo ka bilaan doonta maalinka Sabtida oo taariikhdu ku beegan tahay 21ka Maarso 2020 kuna eg Jimcaha 3da Abril 2020.

3/19/2020 9:45 AM EST
Khamiis, Maarso, 19, 2020 (HOL)- Dowladda Soomaaliya oo la tacaaleysa inuu faafo fayruska sida daran ugu faafaya dunidda ee COVID- 19, ayaa dhintay shaqaalaha dowladda ee xaadiraya xafiisyada.

3/19/2020 8:27 AM EST
Khamiis, Maarso, 19, 2020 (HOL)- Madaxweynaha maamulka Puntland, Siciid Cabdullaahi Deni ayaa sheegay in isaga iyo wafdi uu hogaaminayo ay tagi doonaan magaalada muqdisho iyo caasimadaha dowlad gobaleedyada.

3/19/2020 7:32 AM EST
Khamiis, Maarso, 19, 2020 (HOL)-Danjiraha Dowladda Soomaaliya ee midowga Yurub Cali Saciid Fiqi ayaa maanta ka soo muuqday Liiska xildhibaannada cusub ee Baarlamaanka maamulka Koonfur Galbeed Soomaaliya oo maanta lagu dhawaaqay.

3/19/2020 3:14 AM EST
Khamiis, Maarso, 19, 2020 (HOL)- Miinooyin ayaa lagu burburiyay afar kamid ah kaamirooyinkii hay’adda ammaanku ku xireen isgoysyada muhiimka ah ee magaalada Muqdisho, si loola socda dhaqdhaqaqa amniga ee waddooyinkaas.

3/19/2020 2:53 AM EST
Khamiis, Maarso, 19, 2020 (HOL)-Waxaa maanta si rasmi ah u dhaqangalaya go'aankii dowladda Soomaaliya ay ka qaadatay duulimaadyada caalamiga ee iman jiray dalka Soomaaliya, kaddib faafitaanka cudurka Coronavirus oo qeyb ahaan laga helay dalalka dariska la ah Soomaaliya.