8/5/2020
Today from Hiiraan Online:  _
Wararka Maanta- Axad, Jun 28, 2020
Barlamaanka Puntland oo si adag uga hor yimid go'aankii barlamaanka Soomaaliya ee matalaada Banaadir


 

Axad, Juun 28, 2020 (HOL) - Barlamaanka dowlad goboleedka Puntland ayaa maanta dood culus ka yeeshay go’aankii uu barlamanka Soomaaliya meel mariyay ee ku saabsanaa in gobolka Banaadir uu helo 13 kursi oo aqalka sare ah.

Xildhibaanada Puntland oo mid mid uga dooday arintaan, ayaa ku tilmaamay go’aanka barlamaanka mid bohol kusii ridaya is’aaminaada iyo wax wada lahaanshaha ka dhexeeyay umadda Somaaliyeed ee kala maqnayd.

Xildhibaan Axmed Cabdiraxmaan Jaamac ( Kuluc), oo katirsan mudanayaasha barlamaanka Puntland, ayaa sheegay matalaada Muqdisho in ay ku imaan karto iyadoo loo maro hab-raac sharci ah oo uu qeexayo cutubka 15-aad ee dastuurka kumeel gaarka ahee Soomaaliya.

“Dadku waxay ku heshiiyeen waa dastuurkaas, wixii kasoo hara waa Hal bacaad lagulisay,” ayuu ydihi xildhibaan Kuluc.  

Xidlhibaanada waxay inta badan ku baaqeen qodobka Afaraad ee dastuurka Puntland oo si cad u qeexaya inta laga helayo dastuur Soomaaliyeed oo afti shacab lagu ansixiyey inay Puntland awood dowladeed oo madax bannaan yeelaneyso.

Tiro kale oo kamid ah xildhibaanada Puntland ayaa soojeediyay in la qaato go’aan barlamaani ah oo ku saabsan in caasimadda Soomaaliya laga wareejiyo magaalada Muqdisho loona wareejiyo meel kale oo heshiis lagu yahay.

Abdiweli M. Sheikh, Hiiraan Online
[email protected]









Click here
6/28/2020 2:02 PM EST
Axad, Juun 28, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Sadiq Xirsi Warfa ayaa maanta khudbad ka jeediyay kullan deg deg ah oo aalada Fogaan-Aragga ay ku yeesheen Wasiirrada Arrimaha Bulshada ee waddamada Jaamacadda Carabta.

6/28/2020 7:38 AM EST
Axad, Juun 28, 2020 (HOL) - Midowga Yurub, ayaa soo dhoweeyay warbixinta guddiga doorashooyinka qaran ee Soomaaliya uu ka jeediyay barlamaanka Soomaaliya, balse wuxuu sidoo kale ku adkaysaneynaa baahida loo qabo isafgarad siyaasadeed oo laga gaaro arimaha doorashada.

6/28/2020 4:46 AM EST
Axad, Juun 28, 2020 (HOL) - Xildhibaannada Golaha wakiillada Somaliland ayaa waxay saakay yeesheen kulankoodii caadiga ahaa iyagoo meel mariyay laba xubnood oo mucaaradka Somaliland usoo magacaabeen in lagu daro komishanka doorashooyinka madaxa bannaan, xubnahaas oo ay horay u diideen in ay ansixiyaan.

6/28/2020 4:40 AM EST
Axad, Juun 28, 2020 (HOL) - Madaxweynaha maamulka ku yaalla bartamaha Soomaaliya ee Galmudug Axmed Cabdi Kaariye ayaa waxaa lagu wadaa in uu gaaro magaalada Cabud-waaq oo ah degmo ku taalla waqooyiga Gobolka Galgaduud.

6/28/2020 4:32 AM EST
Axad, Juun 28, 2020 (HOL) - Wasiirkii hore ee warfaafinta Daahir Maxamuud Geelle ayaa waxa uu si weyn usoo dhoweeyay tallaabadii shalay aqalka hoose ee Baarlamanka Soomaaliya uu ku ansixiyay in Gobolka Banaadir uu aqalka sare ee Baarlamanka dalka uu ku yeesho metalaadda 13 xubnood .

6/28/2020 4:05 AM EST
Axad, Juun 28, 2020 (HOL) - Ururka saxafiyiin Soomaaliland ee SOLJA, ayaa tallaabo sharci darro ah ku tilmaamay go’aankii shaqada looga joojiyay telefishinka madaxa bannan ee Universal Tv xafiiskiisa Somaliland uu ku lahaa.

6/28/2020 3:30 AM EST
Axad, Juun 28, 2020 (HOL) - Guddoomiyaha barlamaanka Soomaaliya Maxamed Mursal Cabdiraxmaan, ayaa wax laga xumaado ku tilmaamay in mid kamid ah maamul goboleedka Soomaaliya uu ku hanjabo haddii aan la joojin fadhiyada barlamaanka in aysan kasoo qeyb galidoonin shirka lskaashiga doorashada ee Muqdisho ka dhacaya Julay.

6/28/2020 2:07 AM EST
Axad, Juun 28, 2020 (HOL) - Duqa Magaalada Toronto ayaa calanka Soomaaliya ka taagay Hoolka Magaalada Toronto jimcihii lasoo dhaafay si loogu xuso Maalinta xurriyada Soomaaliyeed.