8/8/2020
Today from Hiiraan Online:  _
Wararka Maanta- Jimco, Jun 26, 2020
Kumaandooska dowladda Soomaaliya oo sheegay in ay dileen nin Ajnabi ah oo Al-shabaab ka tirsanaa


 

Jimco, Juun 26, 2020 (HOL) - Ciidamada qalabka sida ee dowladda federaalka ah ee Soomaaliya ayaa waxay sheegeen in ay dileen sargaal sare oo ka tirsan Alshabaab oo aan Soomaali aheyn, islamarkaana u qaabilsanaa dhinaca tababarka ciidamada , kadib dagaallo ka dhacay dhowr deegaan oo ka tirsan Gobolada dhexe sida uu baahiyahay raadiyaha Ciidamada dowladda ee SNA.

Idaacadda oo soo xiganeysay taliyaha guutada 16-aad ee kumaandooska Danab G/le. Ismaaciil Cabdimaalik Maalin ayaa waxey baahisay in dagaallada ay ka dhaceen deegaannada Buur-gaduud, Salagle, Waabo iyo Duqay.

Taliye Maalin ayaa sheegay in ay dileen sargaal lagu magacaabo Asharaf Azmi Abu “Hamdan” oo u dhashay Nepal oo ah jamhuuriyad ku taalla Asia .

Dagaallada ayaa waxa uu sheegay in ay sii wada doonaan illaa inta laga xaqiijinayo inta ciidamada dowladda ay la wareegayaa dhulka ay Al-shabaab maamulaan.

Dhinaca kale ma jiro war kasoo baxay Al-shabaab oo ay uga jawaabayaan dilka ninkaas ka tirsanaa la sheegay in loo geystay.

Abdiaziz Ahmed Barrow, Hiiraan Online
[email protected]









Click here
6/26/2020 7:28 AM EST
Jimco, Juun 26, 2020 (HOL) - Kulankan oo looga gol lahaa sidii gaadiidka gargaarka degdega ah loogu iibin lahaa isbitaalka Laascaanood ayaa waxaa ka soo qayb galay inta badan ganacsatada, Shirkadaha, masuuliyiin iyo waxgaradba ayaa halkaasi lagaga dhawaaqay dhaqaale iyo gaadiidba.

6/26/2020 5:45 AM EST
Jimco, Juun 26, 2020 (HOL) - Deegaannada ay kamid ka yihiin Shaam, Yuumbis, Mubaarak iyo Tooratoorow oo dhammaan ka tirsan Gobolka Shabeellada hoose ee Koonfur galbeed Soomaaliya ayaa waxaa ka jira dhaq-dhaqaaq ay sameynayaan ciidamada dowladda faderaalka ah gaar ahaan kuwa kumaandooska ah ee DANAB.

6/26/2020 5:40 AM EST
Jimco, Juun 26, 2020 (HOL) - Madaxweynaha Maamulka Soomaaliyeed ee Hirshabeelle Maxamed Cabdi Waare ayaa waxa uu kulan la qaatay odoyaal iyo wax-garad kasoo kala jeedo beelo walaalo ah oo dhowaan ku dagaallamay xadka ay wadaagaan Gobolka Hiiraan ee Soomaaliya iyo Gobolka Shabeelle oo ah dhulka Soomaaliyeed ee Itoobiya raacsan.

6/26/2020 4:56 AM EST
Jimco, Juun 26, 2020 (HOL) - Madaxweynaha Puntland Siciid Cabdullahi Deni, ayaa qasriga Madaxtooyada waqooyiga Gaalkacayo ku qaabilay Madaxweynaha Galmudug Axmed Cabdi Kaariye Qoorqoor iyo wafdi uu hoggaaminayo.