5/9/2021
Today from Hiiraan Online:  _
Wararka Maanta- Axad, Jun 21, 2020
Askar ka tirsan Militariga oo ka cabanaya mushaar la’aan sanad iyo sagaal bilood ah oo xirtay waddo laga ilaaliyo madaxtooyada qaranka


 

Axad, Juun 21, 2020 (HOL) - Ciidamo ka tirsan militiriga dowladda faderaalka ah ee Soomaaliya ayaa xirtay waddooyin muhiim ah oo laga ilaaliyo madaxtooyada dalka, waxayna ka cabanayaan  mushaar la’aan haaysatay muddo sanad iyo sagaal bilood ah sida ay u sheegeen qaar kamid ah warbaahinta dalka oo ay la hadleen.

Askartaan ayaa xiray waddada Dal-jirka dahsoon illaa laga gaaro Xaawo-taako oo ah koontaroolka koowaad ee laga ilaaliyo Villa Somalia.

Ciidamadaan Militriga ah ayaa waxay ka tirsanyihiin qeybta 27-aad ee ka howl-gasha maamullada Hirshabeelle iyo Galmudug.

Saraakiisha Ciidamadan ayaa waxaa ka muuqanayay dhiirranaan xooggan waxayna qaar kamid ah weriyayaasha u sheegeen in ay baaraan si madax-bannaan sheegashadooda dhinaca mushaarka ka maqan ah.

 

Weli ma jiro war rasmi ah oo kasoo baxay dowladda Soomaaliya, gaar ahaan wasaaradda gaashaan-dhigga iyo taliska sare ee ciidamada qalabka sida.

Gadoodka askartaan  ayaa waxa uu kusoo aadayaa xilli madaxweyne Farmaajo uu sheegay in dowladda dhexe ay bixiso mushaaraadka Ciidamada iyo shaqaalaha rayidka ah bil kasta .

Abdiaziz Ahmed Barrow, Hiiraan Online
[email protected]











Click here
6/21/2020 10:34 AM EST
Axad, Juun 21, 2020 (HOL) - Madaxweynaha Puntland Siciid Cabdulaahi Deni oo manta tababar usoo xiray cutubyo katirsan ciidamada Puntland oo tababar uga socday magaalada Qardho, ayaa dowladda federalka ku eedeeyay inay caqabad ku tahay in Puntland laga taageero dhismaha ciidamadeeda.

6/21/2020 5:42 AM EST
Axad, Juun 21, 2020 (HOL) - Maxkamadda ciidamada qalabka sidda ee dowladda Soomaaliya ayaa u fadhiisatay dhageysiga dacwadda loo haaysto askar ka tirsan ciidamada dowladda Soomaaliya oo lagusoo eedeeyay in qaar kamid ah ay la shaqeeyaan Al-shabaab iyo qaar kale oo loo haaysto ka qeyb-qaadashada dagaal sokeeye.

6/21/2020 5:18 AM EST
Axad, Juun 21, 2020 (HOL) - Madaxweynaha dalka Mareykanka Donald Trump ayaa dib u cusbooneysiiyay weeraradiisii cunsuriyada ahaa ee ka dhanka ah Ilhan Omar, isagoo u sheegay dad badan oo taageerayaashiisa ah in haweeneyda u tartamaysa Koongareeska ay doonayso in ay Maraykanka ka yeesho sida Soomaaliya oo kale.

6/21/2020 5:11 AM EST
Axad, Juun 21, 2020 (HOL) - Ciidamada dowladda Soomaaliya ayaa guulo ka sheegtay dagaal ka dhacay deegaanka Dug-wariiri oo hoostaga degmada Jannaale ee Gobolka Shabeellada hoose ee Koofur Galbeed Soomaaliya.

6/21/2020 5:00 AM EST
Axad, Juun 21, 2020 (HOL) - Wararka laga helayo magaalada Bacaadweyn ee Gobolka Mudug ayaa waxay sheegayaan in saakay Al-shabaab ay qarax ismiidaamin ah ku weerareen bar ay deganaayeen Ciidamada militiriga Soomaaliya sida ay HOL u xaqiijiyeen Ilo wareed deegaanka ah .

6/21/2020 4:45 AM EST
Axad, Juun 21, 2020 (HOL) - Ugu yaraan toddobo qof ayaa ku dhimatay laba weerar oo bambo oo kala gooni-gooni ah oo ka dhacay koonfurta iyo bartamaha Soomaaliya 24-kii saac ee la soo dhaafay, sidaana waxaa sheegay saraakiisha bilayska iyo militariga.

6/21/2020 4:42 AM EST
Axad, Juun 21, 2020 (HOL) - Wararka laga helayo degmada Galhareeri ee Gobolka Galgaduud ee Soomaaliya ayaa waxay sheegayaan in maanta Al-shabaab ay meel fagaaro ah ku dileen wiil dhalin-yar ah oo ka mid ahaa dadka deegaanka.

6/21/2020 4:28 AM EST
Axad, Juun 21, 2020 (HOL) - Wafdi uu hoggaaminayo Guddoomiyaha Gobolka Hiiraan Cali Jeyte cismaan islamarkaana ay qeyb ka yihiin xubno kamid ah Golaha wasiirrada Hirshabeelle ayaa u ambabaxay magaalada Feer-feer oo ku taalla xududda Soomaaliya iyo Itoobiya.