5/9/2021
Today from Hiiraan Online:  _
Wararka Maanta- Axad, Jun 21, 2020
Askar ka tirsan Ciidamada dowladda oo qaar ay Al-shabaabnimo ku eedeysanyihiin oo maxkamadda Ciidamada hortagay


 

Axad, Juun 21, 2020 (HOL) - Maxkamadda ciidamada qalabka sidda ee dowladda Soomaaliya ayaa u fadhiisatay dhageysiga dacwadda loo haaysto askar ka tirsan ciidamada dowladda Soomaaliya oo lagusoo eedeeyay in qaar kamid ah ay la shaqeeyaan Al-shabaab iyo qaar kale oo loo haaysto ka qeyb-qaadashada dagaal sokeeye.

Garmaqalka dacwada oo ka dhacay degmada Guricel ee Gobolka Galgaduud ayaa waxaa mid kamid ah askarta maxkamadda kasoo hormuuqday oo lagu magacaabo Ex-Dable xoogga Axmed Isaaq Nuur loo haaystaa inuu la shaqeynayay Al-shabaab , halka dable xoogga Cali Xasan Maxamed loo haaysto ka qeyb-galka dagaal u dhexeeyay beelo walaalo ah oo kasoo kala jeedo Maxaas iyo Guricel.

Ku –xigeenka xeer-ilaaliyaha maxkamadda Ciidamada qalabka sidda qeybta 27-aad Maxamed Cabdiqaadir Maxamed ayaa ka codsaday maxkamadda in raggaan la marsiiyo ciqaabta u dhiganta dembiyada loo haaysto.

Guddoomiyaha Maxkamadda Ciidamada qeybta 27-aad Gaashaanle Maxamed-Aamiin Cabdulle Aadan ayaa waxa uu dhiniciisa sheegay in ay la wareegeen kiisaska loo haaysto raggaan dhowaanna ay go’aanno kasoo saari doonaan.

Abdiaziz Ahmed Barrow, Hiiraan Online
[email protected]











Click here
6/21/2020 10:34 AM EST
Axad, Juun 21, 2020 (HOL) - Madaxweynaha Puntland Siciid Cabdulaahi Deni oo manta tababar usoo xiray cutubyo katirsan ciidamada Puntland oo tababar uga socday magaalada Qardho, ayaa dowladda federalka ku eedeeyay inay caqabad ku tahay in Puntland laga taageero dhismaha ciidamadeeda.

6/21/2020 8:26 AM EST
Axad, Juun 21, 2020 (HOL) - Ciidamo ka tirsan militiriga dowladda faderaalka ah ee Soomaaliya ayaa xirtay waddooyin muhiim ah oo laga ilaaliyo madaxtooyada dalka, waxayna ka cabanayaan mushaar la’aan haaysatay muddo sanad iyo sagaal bilood ah sida ay u sheegeen qaar kamid ah warbaahinta dalka oo ay la hadleen.

6/21/2020 5:18 AM EST
Axad, Juun 21, 2020 (HOL) - Madaxweynaha dalka Mareykanka Donald Trump ayaa dib u cusbooneysiiyay weeraradiisii cunsuriyada ahaa ee ka dhanka ah Ilhan Omar, isagoo u sheegay dad badan oo taageerayaashiisa ah in haweeneyda u tartamaysa Koongareeska ay doonayso in ay Maraykanka ka yeesho sida Soomaaliya oo kale.

6/21/2020 5:11 AM EST
Axad, Juun 21, 2020 (HOL) - Ciidamada dowladda Soomaaliya ayaa guulo ka sheegtay dagaal ka dhacay deegaanka Dug-wariiri oo hoostaga degmada Jannaale ee Gobolka Shabeellada hoose ee Koofur Galbeed Soomaaliya.

6/21/2020 5:00 AM EST
Axad, Juun 21, 2020 (HOL) - Wararka laga helayo magaalada Bacaadweyn ee Gobolka Mudug ayaa waxay sheegayaan in saakay Al-shabaab ay qarax ismiidaamin ah ku weerareen bar ay deganaayeen Ciidamada militiriga Soomaaliya sida ay HOL u xaqiijiyeen Ilo wareed deegaanka ah .

6/21/2020 4:45 AM EST
Axad, Juun 21, 2020 (HOL) - Ugu yaraan toddobo qof ayaa ku dhimatay laba weerar oo bambo oo kala gooni-gooni ah oo ka dhacay koonfurta iyo bartamaha Soomaaliya 24-kii saac ee la soo dhaafay, sidaana waxaa sheegay saraakiisha bilayska iyo militariga.

6/21/2020 4:42 AM EST
Axad, Juun 21, 2020 (HOL) - Wararka laga helayo degmada Galhareeri ee Gobolka Galgaduud ee Soomaaliya ayaa waxay sheegayaan in maanta Al-shabaab ay meel fagaaro ah ku dileen wiil dhalin-yar ah oo ka mid ahaa dadka deegaanka.

6/21/2020 4:28 AM EST
Axad, Juun 21, 2020 (HOL) - Wafdi uu hoggaaminayo Guddoomiyaha Gobolka Hiiraan Cali Jeyte cismaan islamarkaana ay qeyb ka yihiin xubno kamid ah Golaha wasiirrada Hirshabeelle ayaa u ambabaxay magaalada Feer-feer oo ku taalla xududda Soomaaliya iyo Itoobiya.