5/9/2021
Today from Hiiraan Online:  _
Wararka Maanta- Axad, Jun 21, 2020
Guddoomiyaha Gobolka Hiiraan oo u safray Feer-feer si uu uga qeyb-galo kulan looga hadlayo dhameynta colaadda beelo walaalo ah




Axad, Juun 21, 2020 (HOL) - Wafdi uu hoggaaminayo Guddoomiyaha Gobolka Hiiraan Cali Jeyte cismaan islamarkaana ay qeyb ka yihiin xubno kamid ah Golaha wasiirrada Hirshabeelle ayaa u ambabaxay magaalada Feer-feer oo ku taalla xududda Soomaaliya iyo Itoobiya.

Ujeedka Socdaalka Wafdigaan ayaa ah kulan maanta  ay la yeelanayaan hoggaanka sare ee xafiiska naba-gelyada dowlad deegaanka Soomaalida Itoobiya, oo la doonayo in guud ahaanba xal looga gaaro colaadaha kusoo noq noqday tuulada Aaabaaley oo ka tirsan Feer feer.

Madaxa hoggaanka nabad-gelyada dowladda deegaanka Soomaaliyeed ee Itoobiya Xuseen Qaasim iyo Guddoomiyaha Gobolka Hiiraan Cali Jayte Cismaan ayaa isla eegi doono kaalinta mas’uuliyad wadareed ay leeyihiin sidii loosoo gunaanudi lahaa colaaddaas.

Bulshada Soomaaliyeed ee ku nool Gobolka Shabeelle ee dhulka Soomaaliyeed ee Itoobiya raacsan ayaa aad ugu riyaaqay iskaashiga ay sameynayaan labada dhinac si xal loogu helo dirirta beelahan walaalaha ah ee wada-yaalla Gobolkaas soohdinta la wadaago Gobolka Hiiraan ee Soomaaliya.

Abdiaziz Ahmed Barrow, Hiiraan Online
[email protected]











Click here
6/21/2020 10:34 AM EST
Axad, Juun 21, 2020 (HOL) - Madaxweynaha Puntland Siciid Cabdulaahi Deni oo manta tababar usoo xiray cutubyo katirsan ciidamada Puntland oo tababar uga socday magaalada Qardho, ayaa dowladda federalka ku eedeeyay inay caqabad ku tahay in Puntland laga taageero dhismaha ciidamadeeda.

6/21/2020 8:26 AM EST
Axad, Juun 21, 2020 (HOL) - Ciidamo ka tirsan militiriga dowladda faderaalka ah ee Soomaaliya ayaa xirtay waddooyin muhiim ah oo laga ilaaliyo madaxtooyada dalka, waxayna ka cabanayaan mushaar la’aan haaysatay muddo sanad iyo sagaal bilood ah sida ay u sheegeen qaar kamid ah warbaahinta dalka oo ay la hadleen.

6/21/2020 5:42 AM EST
Axad, Juun 21, 2020 (HOL) - Maxkamadda ciidamada qalabka sidda ee dowladda Soomaaliya ayaa u fadhiisatay dhageysiga dacwadda loo haaysto askar ka tirsan ciidamada dowladda Soomaaliya oo lagusoo eedeeyay in qaar kamid ah ay la shaqeeyaan Al-shabaab iyo qaar kale oo loo haaysto ka qeyb-qaadashada dagaal sokeeye.

6/21/2020 5:18 AM EST
Axad, Juun 21, 2020 (HOL) - Madaxweynaha dalka Mareykanka Donald Trump ayaa dib u cusbooneysiiyay weeraradiisii cunsuriyada ahaa ee ka dhanka ah Ilhan Omar, isagoo u sheegay dad badan oo taageerayaashiisa ah in haweeneyda u tartamaysa Koongareeska ay doonayso in ay Maraykanka ka yeesho sida Soomaaliya oo kale.

6/21/2020 5:11 AM EST
Axad, Juun 21, 2020 (HOL) - Ciidamada dowladda Soomaaliya ayaa guulo ka sheegtay dagaal ka dhacay deegaanka Dug-wariiri oo hoostaga degmada Jannaale ee Gobolka Shabeellada hoose ee Koofur Galbeed Soomaaliya.

6/21/2020 5:00 AM EST
Axad, Juun 21, 2020 (HOL) - Wararka laga helayo magaalada Bacaadweyn ee Gobolka Mudug ayaa waxay sheegayaan in saakay Al-shabaab ay qarax ismiidaamin ah ku weerareen bar ay deganaayeen Ciidamada militiriga Soomaaliya sida ay HOL u xaqiijiyeen Ilo wareed deegaanka ah .

6/21/2020 4:45 AM EST
Axad, Juun 21, 2020 (HOL) - Ugu yaraan toddobo qof ayaa ku dhimatay laba weerar oo bambo oo kala gooni-gooni ah oo ka dhacay koonfurta iyo bartamaha Soomaaliya 24-kii saac ee la soo dhaafay, sidaana waxaa sheegay saraakiisha bilayska iyo militariga.

6/21/2020 4:42 AM EST
Axad, Juun 21, 2020 (HOL) - Wararka laga helayo degmada Galhareeri ee Gobolka Galgaduud ee Soomaaliya ayaa waxay sheegayaan in maanta Al-shabaab ay meel fagaaro ah ku dileen wiil dhalin-yar ah oo ka mid ahaa dadka deegaanka.