5/9/2021
Today from Hiiraan Online:  _
Wararka Maanta- Khamiis, Jun 18, 2020
Kenya oo ku guuleysatay kursiga Golaha Amniga ee UN


 

Khamiis, Juun 18, 2020 (HOL) - Kenya ayaa ku guuleysatay kursiga Golaha Amniga ee UN kadib markii ay ku garaacday Jabuuti wareega labaad ee codeynta oo dhacday Khamiistii maanta.

Tartankii u dhexeeyey Kenya iyo Jabuuti ayaa u gudbay wareegii labaad ee codeynta maanta, kadib markii wajiga koowaad guushii Nairobi aysan ku filneyn in ay ku guuleysato kursiga Qaramada Midoobay.

Markii 191 kamid ah 193 dal ay codeeyeen, Kenya waxay ka heshay 129 cod, halka Jabuuti ay ka heshay 62 cod.

Tallaabadan waxay ka dhigan tahay in Nairobi, laga bilaabo Janaayo 2021, ay ka noqoto xubin awood badan ku lahaan doonta UN. India, Mexico, Ireland iyo Norway ayaa maalintii arbacada sidoo kale helay kursigan.

Kursigaan wuxuu kaloo Kenya ka saacidayaa inay ku lug yeelato go’aamada cunaqabataynta, oggolaanshaha adeegsiga xoogga si loo ilaaliyo nabadda iyo sidoo kale xulashada garsoorayaasha Maxkamadda Caalamiga ah ee Cadaaladda. Iyada oo kaashaneysa shanta xubnood ee joogtada ah ee leh awoodda diidmada qayaxan (Russia, UK, US, China iyo France).

Kenya waxay ku biiri doontaa sagaal xubnood oo kale oo aan joogto ahayn waxayna heli kartaa fursad ay ku maamusho fadhiyada Golaha, oo ah fursad saameyn ku leh ajendaha golaha.

Sida ku xusan Xeerka Nidaamka Golaha Guud, murashaxiinta doonaya kursi aan joogto ahayn Golaha Amniga ee Qaramada Midoobay waa inay helaan ugu yaraan saddex meelood labo meel dalalka codeeya. 192 dal ayaa codkooda dhiibtay taasoo la micno ah in guuleysteyaashu ay helaan ugu yaraan 127 cod ama in ka badan si loogu dhawaaqo inay guuleysteen.

Goobjoogayaasha ayaa sheegay in tartanka Jabuuti ee ka dhanka ah Kenya uu khatar gelin karo xiriirka wada shaqeynta ee ka dhexeeya labada dowladood.

“Xaqiiqda in laba dal oo ka socda urur goboleedka IGAD ay u tartamayaan kursi xubin aan joogto ahayn oo ka tirsan UNSC waxay tilmaan u tahay kala qaybsanaanta qotada dheer ee u dhexeysa dalalka xubnaha ka ah urur-hoosaadka IGAD. Mustafa Y Ali,” oo ah Gudoomiyaha Machadka Caalamiga ah ee Daraasaadka Istiraatiijiyadda ayaa yidhi.”

Abdiweli M. Sheikh, Hiiraan Online
[email protected]











Click here
6/18/2020 3:03 PM EST
Khamiis, Juun 18, 2020 (HOL) - Gudida Xidhiidhinta Xisbiga Barwaaqo ee degaanka Soomaalida oo uu hoggaaminayay Madaxwayne Mustafe cagjar ayaa maanta u doortay Ibraahim Cismaan inuu noqdo Madaxwayne ku xigeenka DDS.

6/18/2020 7:05 AM EST
Khamiis, Juun 18, 2020 (HOL) - 13 maxaabiis burcad badeed ah oo ku xirnaa xabsiyo kuyaala dalka Cumaan ayaa maanta lagasoo dajiyay magaalada Bosaso ee xarunta gobolka Bari (Puntland). Maxaabiistaan ayaa muddo 10 sano ah kusoo qaatay xabsiyada dalka Cumaan, kadib markii loo xukumay dambiyo burcad badeednimo.

6/18/2020 5:53 AM EST
Khamiis, Juun 18, 2020 (HOL) - Afar qof oo rayid ah ayaa ku dhintay, dhowr qof oo kalana way ku dhaawacmeen qarax ka dhacay degmada Hodan ee Gobolka Banaadir.

6/18/2020 5:31 AM EST
Khamiis, Juun 18, 2020 (HOL) - Ciidanka booliska Soomaaliyeed ayaa maanta tafaasiil ka bixiyay howl-gallo kala duwan oo maalmihii ugu dembeeyay ay ka sameeyeen magaalada Muqdisho, iyagoo sheegay in ay gacanta kusoo dhigeen dhowr tuhmane oo lagu raad-joogayay oo loo haaystay dilal ka dhacay Caasimadda.

6/18/2020 3:23 AM EST
Khamiis, Juun 18, 2020 (HOL) - Waxaa goor dhow gaaray magaalada Kismaayo safiirka dowladda Qatar ee Soomaaliya Hassan Hamze waxaana halkaas kusoo dhoweeyay mas'uuliyiin sare oo ka tirsan maamulka Jubaland.

6/18/2020 2:00 AM EST
Khamiis, Juun 18, 2020 (HOL) - Dowladda Kenya ayaa lagu wadaa inay qayb ahaan dib u furto soohdinta Kenya iyo Soomaaliya ee Lamu si loogu oggolaado kalluumeysatada iyo ganacsatada in ay dib u furaan meheraddooda.

6/18/2020 1:51 AM EST
Khamiis, Juun 18, 2020 (HOL) - Wasiirka arrimaha gudaha dowladda federalka Soomaaliya, Cabdi Maxamed Sabriye ayaa sheegay shirkii xalay kusoo gabagaboobay dalka Jabuuti in uu ka turjumayo gogol xaarka wadahadalo heer sare oo dhexmara masuuliyiinta Soomaaliya iyo Somaliland.