5/9/2021
Today from Hiiraan Online:  _
Wararka Maanta- Khamiis, Jun 18, 2020
Ku dhawaad 15 maxaabiis ah oo ku xirnaa dalka Cuman oo maanta lagasoo dajiyay magaalada Bosaso


 

Khamiis, Juun 18, 2020 (HOL) - 13 maxaabiis burcad badeed ah oo ku xirnaa xabsiyo kuyaala dalka Cumaan ayaa maanta lagasoo dajiyay magaalada Bosaso ee xarunta gobolka Bari (Puntland). Maxaabiistaan ayaa muddo 10 sano ah kusoo qaatay xabsiyada dalka Cumaan, kadib markii loo xukumay dambiyo burcad badeednimo.

Qaar kamid ah maxaabiista oo saxaafadda la hadlay ayaa sheegay soo dayntooda inuu kaalin weyn ka qaatay madaxweynaha Puntland, Siciid Cabdulaahi Deni.

Waxay si kulul u eedeeyeen safaaradda Soomaaliya ee dalka Cuman, iyagoo ku eedeeyay markii ay xukunkii dhameysteen in ay safaaraddu udiiday in dalkooda lagusoo celiyo, ayna muddo 4 bilood ah xabsiyo kusii qaateen xabsiyo kale.

“Waqtigii uu xukunka inoo dhamaaday, waxaa xilkayagii la wareegay masuuliyiin isku sheegayeen inay mataalaan dowladda Soomaaliya. Nimankaasi waxay na geeyeen jeel maxbuus u gaar ah, waxaana ugu xirnayn madax furasho, waxaa naloo diiday dukumentigeena, waxaa nala ku xiray inaan lacag bixino, kadib waxaan usoo qeylo dhaaminay Puntland. Madaxweyne Deni warqad uu leeyahay Ayaan kagaso baxnay oo maanta halkaan ku nimid,” ayuu yidhi mid kamid ah maxaabiista.

Masuuliyiin katirsan Puntland oo soo dhoweeeyay maxaabiistaan ayaa sheegay inay aad uga xun yihiin in muwaadiniin Soomaaliyeed ay waqti intaas le’eg kusoo qaataan jeel dibada ah. Waxay sidoo kale dhalleeceeyeen in safiirka Soomaaliya ee Cuman uu tacadi kula kacay maxaabiistaan oo ay masuuliyad gaar ah ka saarnayd daryeelkooda.

Abdiweli M. Sheikh, Hiiraan Online
[email protected]











Click here
6/18/2020 3:03 PM EST
Khamiis, Juun 18, 2020 (HOL) - Gudida Xidhiidhinta Xisbiga Barwaaqo ee degaanka Soomaalida oo uu hoggaaminayay Madaxwayne Mustafe cagjar ayaa maanta u doortay Ibraahim Cismaan inuu noqdo Madaxwayne ku xigeenka DDS.

6/18/2020 2:54 PM EST
Khamiis, Juun 18, 2020 (HOL) - Kenya ayaa ku guuleysatay kursiga Golaha Amniga ee UN kadib markii ay ku garaacday Jabuuti wareega labaad ee codeynta oo dhacday Khamiistii maanta.

6/18/2020 5:53 AM EST
Khamiis, Juun 18, 2020 (HOL) - Afar qof oo rayid ah ayaa ku dhintay, dhowr qof oo kalana way ku dhaawacmeen qarax ka dhacay degmada Hodan ee Gobolka Banaadir.

6/18/2020 5:31 AM EST
Khamiis, Juun 18, 2020 (HOL) - Ciidanka booliska Soomaaliyeed ayaa maanta tafaasiil ka bixiyay howl-gallo kala duwan oo maalmihii ugu dembeeyay ay ka sameeyeen magaalada Muqdisho, iyagoo sheegay in ay gacanta kusoo dhigeen dhowr tuhmane oo lagu raad-joogayay oo loo haaystay dilal ka dhacay Caasimadda.

6/18/2020 3:23 AM EST
Khamiis, Juun 18, 2020 (HOL) - Waxaa goor dhow gaaray magaalada Kismaayo safiirka dowladda Qatar ee Soomaaliya Hassan Hamze waxaana halkaas kusoo dhoweeyay mas'uuliyiin sare oo ka tirsan maamulka Jubaland.

6/18/2020 2:00 AM EST
Khamiis, Juun 18, 2020 (HOL) - Dowladda Kenya ayaa lagu wadaa inay qayb ahaan dib u furto soohdinta Kenya iyo Soomaaliya ee Lamu si loogu oggolaado kalluumeysatada iyo ganacsatada in ay dib u furaan meheraddooda.

6/18/2020 1:51 AM EST
Khamiis, Juun 18, 2020 (HOL) - Wasiirka arrimaha gudaha dowladda federalka Soomaaliya, Cabdi Maxamed Sabriye ayaa sheegay shirkii xalay kusoo gabagaboobay dalka Jabuuti in uu ka turjumayo gogol xaarka wadahadalo heer sare oo dhexmara masuuliyiinta Soomaaliya iyo Somaliland.