5/18/2021
Today from Hiiraan Online:  _
Wararka Maanta- Khamiis, Jun 18, 2020
Kenya oo dib u furaysa soodinta ganacsi ay la wadaagto Soomaaliya


 

Khamiis, Juun 18, 2020 (HOL) - Dowladda Kenya ayaa lagu wadaa inay qayb ahaan dib u furto soohdinta Kenya iyo Soomaaliya ee Lamu si loogu oggolaado kalluumeysatada iyo ganacsatada in  ay dib u furaan meheraddooda.

Bishii Juun ee sanadkii hore, ayay Kenya xirtay xuduuda si ay uga hortagaan tahriibinta dadka, falalka argagaxisada iyo ganacsiga sharci darrada ah.

Kalluumeysatada iyo ganacsatada gobolka Lamu ayaa muddo tobanaan sano ah ku howlanaa ganacsi guul leh oo ka gudba xuduuda Soomaaliya.

Xiritaanka xuduuda ayaa keentay in ay kordhaan kaluumeysatada iyo ganacsatada sharci darrada ah.

Gudoomiyaha gobolka Lamu Irungu Macharia ayaa  sheegay in ay socdaan qorsheyaal loogu oggolaanayo kalluumaysatada iyo xoogaa ganacsato ah in ay sii wataan ganacsigooda.

Wuxuu sheegay in xafiiskiisu uu dhowaan la kulmi doono guddiga amniga ee gobolka, hoggaanka gobolka iyo saamileyda si loo helo dariiqyo loogu kalluumaysto kalluumeysatada iyo ganacsatada loo oggolaado inay ku sii gudbaan xuduudahooda ganacsi, in kasta oo ay jiraan qawaaniin adag oo looga ilaalinayo faafitaanka coronavirus.

“Arrinta xudduudku waxay la xiriirtaa amniga qaranka, wax kastoo aan sameynno, waxaa jiri doona sharciyo ay tahay in loo hoggaansamo," ayuu yidhi Macharia.

Abdiweli M. Sheikh, Hiiraan Online
[email protected]











Click here
6/18/2020 3:03 PM EST
Khamiis, Juun 18, 2020 (HOL) - Gudida Xidhiidhinta Xisbiga Barwaaqo ee degaanka Soomaalida oo uu hoggaaminayay Madaxwayne Mustafe cagjar ayaa maanta u doortay Ibraahim Cismaan inuu noqdo Madaxwayne ku xigeenka DDS.

6/18/2020 2:54 PM EST
Khamiis, Juun 18, 2020 (HOL) - Kenya ayaa ku guuleysatay kursiga Golaha Amniga ee UN kadib markii ay ku garaacday Jabuuti wareega labaad ee codeynta oo dhacday Khamiistii maanta.

6/18/2020 7:05 AM EST
Khamiis, Juun 18, 2020 (HOL) - 13 maxaabiis burcad badeed ah oo ku xirnaa xabsiyo kuyaala dalka Cumaan ayaa maanta lagasoo dajiyay magaalada Bosaso ee xarunta gobolka Bari (Puntland). Maxaabiistaan ayaa muddo 10 sano ah kusoo qaatay xabsiyada dalka Cumaan, kadib markii loo xukumay dambiyo burcad badeednimo.

6/18/2020 5:53 AM EST
Khamiis, Juun 18, 2020 (HOL) - Afar qof oo rayid ah ayaa ku dhintay, dhowr qof oo kalana way ku dhaawacmeen qarax ka dhacay degmada Hodan ee Gobolka Banaadir.

6/18/2020 5:31 AM EST
Khamiis, Juun 18, 2020 (HOL) - Ciidanka booliska Soomaaliyeed ayaa maanta tafaasiil ka bixiyay howl-gallo kala duwan oo maalmihii ugu dembeeyay ay ka sameeyeen magaalada Muqdisho, iyagoo sheegay in ay gacanta kusoo dhigeen dhowr tuhmane oo lagu raad-joogayay oo loo haaystay dilal ka dhacay Caasimadda.

6/18/2020 3:23 AM EST
Khamiis, Juun 18, 2020 (HOL) - Waxaa goor dhow gaaray magaalada Kismaayo safiirka dowladda Qatar ee Soomaaliya Hassan Hamze waxaana halkaas kusoo dhoweeyay mas'uuliyiin sare oo ka tirsan maamulka Jubaland.

6/18/2020 1:51 AM EST
Khamiis, Juun 18, 2020 (HOL) - Wasiirka arrimaha gudaha dowladda federalka Soomaaliya, Cabdi Maxamed Sabriye ayaa sheegay shirkii xalay kusoo gabagaboobay dalka Jabuuti in uu ka turjumayo gogol xaarka wadahadalo heer sare oo dhexmara masuuliyiinta Soomaaliya iyo Somaliland.