5/11/2021
Today from Hiiraan Online:  _
Wararka Maanta- Axad, July 5 , 2020
Al-shabaab oo sheegtay iney dileen xildhibaan ka tirsan Baarlamanka Hirshabeelle oo saaka lagu qafaashay waddada xiriirisa Muqdisho iyo Jowhar


 


Axad, July 5, 2020 (HOL) - Sida ay baahiyeen baraha wararka ee dhinaca Internet-ka ee taageera Al-shabaab ayaa waxaa lagu sheegay in kooxdaasi ay qafaasheen islamarkaana ay dileen Xildhibaan Maxamed Maxamuud Siyaad oo ka tirsanaa mudanayaasha Baarlamanka Hirshabeelle.

Al-shabaab ayaa sheegay in howl-galka xildhibaanka ay dileen  sii diyaariyeen kadib markii ay xogta heleen.

Dilka ayaa waxay tilmaameen inuu ka dhacay duleedka magaalada Balcad ee Gobolka  Shabeellada dhexe.

Xildhibaanka la dilay ayaa gaari nooca raaxada ah kasoo raacay Jowhar,  waxa uuna kusoo socday magaalada Muqdisho.  Ma jiraan illaa iyo hadda war rasmi ah oo kasoo baxay maamulka Hirshabeelle oo dhacdadaan la xiriira.

Abdiaziz Ahmed Barrow, Hiiraan Online
[email protected]











Click here
7/5/2020 4:43 PM EST
Axad, July 5, 2020 (HOL) - Maamulka Puntland ayaa shaaciyay in heerkii ugu hooseeyay uu gaaray kiisaska Covid19, kadib markii 24 saac ee lasoo dhaafay baaritaan laga qaaday 11 qof dhammaantood laga waayay cudurka.

7/5/2020 1:22 PM EST
Axad, July 5, 2020 (HOL) - Diyaraaddii ugu horeysay ee sida rakaab kana soo duushay magaalada Muqdisho ayaa kasoo dagtay garoonka Ugaas Khaliif ee Magalada Baledweyne.

7/5/2020 10:02 AM EST
Axad, July 5, 2020 (HOL) - Dagaalkan oo u dhexeeya laba beelood oo xinif colaadeed beryihii la soo dhaafay u dhaxeysay ayaa waxa wararka hordhaca ahi sheegayaan in hal qof ku dhintay afar kalena ku dhaawacmeen.

7/5/2020 8:11 AM EST
Axad, July 5, 2020 (HOL) - Wajiga Labaad ee Sanduuqa Horumarinta Somaliland (SDF2), ayaa waddamada UK, Denmark iyo Netherlands waxay oggolaadeen afar heshiis oo ay la galeen Somaliland, si loo wanaajiyo kaabayaasha muhiimka ah ee lagu taageerayo kobcinta dhaqaalaha.

7/5/2020 7:44 AM EST
Axad, July 5, 2020 (HOL) - Diyaarad kale oo ka diiwaan gashan Kenyan ah ayaa shil ku gashay garoonka diyaaradaha ee magaalada Baardheere, ee gobolka Gedo, Axadda maanta.

7/5/2020 4:12 AM EST
Axad, July 5, 2020 (HOL) - Wararka ka imaanaya deegaanka Gololey ayaa sheegaya in dabley hubeysan oo loo maleynayo in ay ka tirsanyihiin Al-shabaab ay gaari nooca raaxada ah kala degeen xildhibaan ka tirsan Baarlamanka Dowlad Goboleedka Hirshabeelle.

7/5/2020 3:15 AM EST
Axad, July 5, 2020 (HOL) - Shirkii dowladda federalka iyo dowlad goboleedyada oo qorshuhu ahaa inuu maanta magaalada Muqdisho ka furmo ayaa baaqday. Dowladda federalka oo shirkaan marti galisay kama aysan hadlin sababta uu u baaqday.

7/5/2020 2:33 AM EST
Axad, July 5, 2020 (HOL) - Duulimaadyada maxalliga ah ee Soomaaliya ayaa maanta lagu wadaa inay dib u bilowdaan, kadib markii bishii march ee lasoo dhaafay ay dowladda Soomaaliya u joojisay sababo la xidhiidha xakamaynta faafitaanka cudurka Coronavirus.

7/5/2020 2:20 AM EST
Axad, July 5, 2020 (HOL) - Magaalada Muqdisho waxaa saaka laga dareemayaa xiisado kacsanaan ah, kadib markii ciidamada dowladda ay rasaas ku fureen dibadbaxayaal iskugusoo baxay fagaaraha daljirka Dahsoon iyagoo kasooo horjeeda dib u dhaca doorashada.