5/18/2021
Today from Hiiraan Online:  _
Wararka Maanta- Sabti, July 4 , 2020
Maraykanka oo si kulul u cambaareeyay xadgudubyada ka dhanka ah saxaafadda xorta ah ee Somaliland





Sabti, July 4, 2020 (HOL) - Dowladda Maraykanka ayaa si kulul u cambaaraysay xadgudubyada ka dhanka ah suxufiyiinta iyo saxaafadda xorta ah ee Somaliland, kadib markii dhowaan Soamliland ay xirtay labo talefishin oo madax bannaan.

Bayaan kooban oo kasoo baxay safaaradda Maraykanka ee Soomaaliya ayaa lagu sheegay, in dowladda Maraykanka ay ku celcelinayso sida ay uga go’an tahay difaaca xorriyada saxaaafadda.

“Waxaan cambaareyneynaa hanjabaadaha iyo xadgudubka ka dhanka ah suxufiyiinta iyo saxaafadda xorta ah ee Somaliland. Waxaan ugu baaqaynaa hoggaanka Somaliland inay ixtiraamaan, dhawraan oo ilaaliyaan xuquuqda xorriyadda hadalka,” ayaa lagu yidhi bayaanka.

Telefishinada kala ah, Univetrsal iyo Star ayaa albaabada loo laabay xafiisyadoodii ay ku lahaayeen Somaliland, kadib markii lagu eedeeyay inay ku kaceen tallaabooyin kasoo horjeeda qadiyada Somaliland.

Universaltv ayaa loo xiray kadib markii telefishinka lagasii dayn waayay khudbadii madaxweyne Muuse Biixi uu jeediyay habeenkii xuska sanad guurada 60-aad ee xorriyada gobolada waqooyi ee Soomaaliya.

Star tv ayaa isaguna lagu haystaa inuu baahiyay cabasho laga muujiyay hannaanka ka qeybgalka wada-hadalada shirka Jabuuti ee ku dhexmaray Soomaaliya iyo Somaliland.

Dhinaca kale, Saxafiyiinta aan Xudduudda Lahayn ayaa ugu baaqey mas'uuliyiinta Somaliland inay joojiyaan kadeedinta warbaahinta gaarka loo  leeyahay. Soomaaliya waxay ku jirtaa kaalinta 168aad ee 180 waddan oo ah wadamada ugu liita xorriyada saxaafada.

Abdiweli M. Sheikh, Hiiraan Online
[email protected]











Click here
7/4/2020 9:52 AM EST
Sabti, July 4, 2020 (HOL) - Wasaaradda Kalluumeysiga iyo Kheyraadka Badda ee Soomaaliya ayaa Iiraan ka codsatay inay soo bandhigto macluumaad dheeri ah oo ku saabsan howlaha maraakiibteeda ay ka wadaan Badweynta Hindiya ka dib markii dhowr ka mid ah lagu arkay biyaha Soomaaliya iyo Yemen.

7/4/2020 4:14 AM EST
Sabti, July 4, 2020 (HOL) - 16,500 arday oo ka socda fasalada 4-aad ee dugsiyada sare iyo fasalada 8-aad ee dugsiyada dhexe ee Puntland ayaa saakay u fariistay imtixaanka shahaadiga ee sanad dugsiyeedka 2019/2020.

7/4/2020 4:06 AM EST
Sabti, July 4, 2020 (HOL) - Tafaasiisha uu bixiyay booliska Soomaaliya ayaa waxay muujineysaa in aysan jirin cid rayid ah oo wax ku noqtay qaraxii saakay lala eegtay xarunta laanta canshuuraha booliska ee magaalada Muqdisho oo ku taalla degmada Xamar jajab.

7/4/2020 3:54 AM EST
Sabti, July 4, 2020 (HOL) - Sida ay HOL u xaqiijiyeen ilo madax bannaan ku sugan duleedka magaalada Baydhabo inta la xaqiijiyay 4 ruux ayaa ku dhintay, tira kalana way ku dhaawacmeen qarax loo badinayo in uu yahay mid dhulka lagu aasay oo ka dhacay bar koontarool oo lagasoo galo magaalada.

7/4/2020 3:45 AM EST
Sabti, July 4, 2020 (HOL) - Xildhibaannada Baarlamanka Aqalka hoose ee Jamhuuriyadda Soomaaliya oo maanta kulan ku yeelanaya xarunta Villa Hargeysa ayaa waxay ka doodi doonaan arrinta la xiriirta dib ugu noqoshada miisaaniyadda sanadka 2020-ka oo ay horay usoo meelmariyeen Golaha wasiirrada ee dowladda.

7/4/2020 2:47 AM EST
Sabti, July 4, 2020 (HOL) - Wax-garadka iyo odoyaasha degmada Balanballe ee Gobolka Galgaduud ayaa waxay madaxweynaha Maamulka Galmudug, ku xigeenkiisa iyo wasiirka amniga ku wareejiyeen hub iyo sidoo maleeshiyaad qeyb ka noqon doono ciidamada maamulkaasi.

7/4/2020 2:18 AM EST
Sabti, July 4, 2020 (HOL) - Guddoomiyaha dallada ururada Soomaalida Netherland ay ku mideysan yihiin ee FSAN Ali Abdi Ware ayaa la gudoonsiiyey abaalmarinta boqortooyadda Netherlands.

7/4/2020 2:08 AM EST
Sabti, July 4, 2020 (HOL) - Gaari lagsoo buuxiyay wax-yaabaha qarxa ayaa saakay abbaare 8:45 am (Aroornimo) lagu qarxiyay waaxda ilaalada canshuuraha barriga ee magaalada Muqdisho oo ku taalla degmada Xamar jajab gaar ahaan meel ku dhow agagaarka dekadda weyn ee magaalada Muqdisho.