5/18/2021
Today from Hiiraan Online:  _
Wararka Maanta- Sabti, July 4 , 2020
Booliska Soomaaliya “Ma jiraan cid rayid ah oo wax ku noqotay qaraxii maanta ee Muqdisho”


 

Sabti, July 4, 2020 (HOL) - Tafaasiisha uu bixiyay booliska Soomaaliya ayaa waxay muujineysaa in aysan jirin cid rayid ah oo wax ku noqtay qaraxii saakay lala eegtay xarunta laanta canshuuraha booliska ee magaalada Muqdisho oo ku taalla degmada Xamar jajab.

Afhayeenka Booliska Dhamme Sadiiq Aadan Cali oo la hadlay warbaahinta Muqdisho ayaa waxa uu sheegay in 5 askari oo ku sugnaa bar laga ilaaliyo xarunta ilaalada canshuuraha booliska ay ku dhaawacmeen, kuwaas oo la geeyay xarumaha caafimaadka ee ku yaalla Muqdisho.

“Ma jiraan cid shacab ah oo wax ku nqoqtay qaraxaas” ayuu ku yiri hadalkiisa.

Dhinaca kale, wuxuu tilmaamay in ay baarayaan gaariga is qarxiyay, kadibna ay faah-faahin dheeraad ah ay la wadaagi doonaan warbaahinta si shacabka ay u helaan xog sax ah oo dhameystiran.

Gaariga is qarxiyay ayaa waxa uu qeexay inuu yahay mid nooca raaxada ah .

Abdiaziz Ahmed Barrow, Hiiraan Online
[email protected]











Click here
7/4/2020 10:56 AM EST
Sabti, July 4, 2020 (HOL) - Dowladda Maraykanka ayaa si kulul u cambaaraysay xadgudubyada ka dhanka ah suxufiyiinta iyo saxaafadda xorta ah ee Somaliland, kadib markii dhowaan Soamliland ay xirtay labo talefishin oo madax bannaan.

7/4/2020 9:52 AM EST
Sabti, July 4, 2020 (HOL) - Wasaaradda Kalluumeysiga iyo Kheyraadka Badda ee Soomaaliya ayaa Iiraan ka codsatay inay soo bandhigto macluumaad dheeri ah oo ku saabsan howlaha maraakiibteeda ay ka wadaan Badweynta Hindiya ka dib markii dhowr ka mid ah lagu arkay biyaha Soomaaliya iyo Yemen.

7/4/2020 4:14 AM EST
Sabti, July 4, 2020 (HOL) - 16,500 arday oo ka socda fasalada 4-aad ee dugsiyada sare iyo fasalada 8-aad ee dugsiyada dhexe ee Puntland ayaa saakay u fariistay imtixaanka shahaadiga ee sanad dugsiyeedka 2019/2020.

7/4/2020 3:54 AM EST
Sabti, July 4, 2020 (HOL) - Sida ay HOL u xaqiijiyeen ilo madax bannaan ku sugan duleedka magaalada Baydhabo inta la xaqiijiyay 4 ruux ayaa ku dhintay, tira kalana way ku dhaawacmeen qarax loo badinayo in uu yahay mid dhulka lagu aasay oo ka dhacay bar koontarool oo lagasoo galo magaalada.

7/4/2020 3:45 AM EST
Sabti, July 4, 2020 (HOL) - Xildhibaannada Baarlamanka Aqalka hoose ee Jamhuuriyadda Soomaaliya oo maanta kulan ku yeelanaya xarunta Villa Hargeysa ayaa waxay ka doodi doonaan arrinta la xiriirta dib ugu noqoshada miisaaniyadda sanadka 2020-ka oo ay horay usoo meelmariyeen Golaha wasiirrada ee dowladda.

7/4/2020 2:47 AM EST
Sabti, July 4, 2020 (HOL) - Wax-garadka iyo odoyaasha degmada Balanballe ee Gobolka Galgaduud ayaa waxay madaxweynaha Maamulka Galmudug, ku xigeenkiisa iyo wasiirka amniga ku wareejiyeen hub iyo sidoo maleeshiyaad qeyb ka noqon doono ciidamada maamulkaasi.

7/4/2020 2:18 AM EST
Sabti, July 4, 2020 (HOL) - Guddoomiyaha dallada ururada Soomaalida Netherland ay ku mideysan yihiin ee FSAN Ali Abdi Ware ayaa la gudoonsiiyey abaalmarinta boqortooyadda Netherlands.

7/4/2020 2:08 AM EST
Sabti, July 4, 2020 (HOL) - Gaari lagsoo buuxiyay wax-yaabaha qarxa ayaa saakay abbaare 8:45 am (Aroornimo) lagu qarxiyay waaxda ilaalada canshuuraha barriga ee magaalada Muqdisho oo ku taalla degmada Xamar jajab gaar ahaan meel ku dhow agagaarka dekadda weyn ee magaalada Muqdisho.