5/18/2021
Today from Hiiraan Online:  _
Wararka Maanta- Jimco, July 3 , 2020
Turkish Airline oo dib u bilaabaysa duulimaadyadeedii Soomaaliya


 

Jimco, July 3, 2020 (HOL) - Sharikadda duulimaadka ee Turkish Airlines ayaa qorshaynaysa inay dib u bilawdo duulimaadyadii ay ku tagi jirtay Afrika, oo ay kujirto magaalada Muqdisho, taasoo bilaaban doonta usbuuca soo socda.

Sharikadda Turkish Airlines ayaa duulimaadkeedii ugu horreeyey ee qaaradda Afirka bilowday bishan July 1deedii, ku bilowday magaalada Qaahira ee dalka Masar.

Waxaa la filayaa inay duulimaadyada Soomaaliya dib u bilaabi doonto bisha July 22, iyadoo sameynaysa seddex duullimaad usbuucii oo kala ah, Arbacada, Jimcaha iyo Sabtida. Waxay sharikadda duulimaadyadeedii maalinlaha ahaa ee magaalada Muqdisho bilaabidoonta bilowga bisha August.
 
Sharikadda waxay sidoo kale duulimaad ka bilaabidoontaa magaalooyinka Addis Ababa July 13 (Usbuucii 3 duulimaad), Nairobi July 10 (Usbuucii 3 duulimaad) iyo Johannesburg July 13 (Usbuucii 3 duulimaad).
Shirkadda duulimaadyada ee Turkish Airlines waxay duulimaadyada caalamiga ah dib u bilaabeen 11-kii Juun.

Turkish Airline waxay joojisay ku dhowaad dhammaan duullimaadyadii caalamiga ahaa 27-kii Maarso taas oo ay ugu wacneyd masiibada COVID-19.

Diyaaradda Turkish Airlines waxay dhawaan bilowday duullimaadyo maalinle ah oo ay ku tagayso Qaahira oo bilaabatay Arbacadii, waxaana ku xiga saddex jeer usbuucii ah oo ay ku tagayso Nairobi 10-kii July, iyo Addis Ababa 13-ka July.

Duulimaadkii ugu dambeysay ee Turkish Airlines ee tagta Muqdisho waxay ahayd 17-kii Maarso.

Abdiweli M. Sheikh, Hiiraan Online
[email protected]











Click here
7/3/2020 2:03 PM EST
Jimco, July 3, 2020 (HOL) - Hay’adda xuquuda aadanaha Amnesty International ayaa waxay warbixin kasoo saartay xaaladda suxufiga bilooyinka ku xiran magaalada Muqdisho Maxamed Cabdiwahaab Nuur “Abuuja”.

7/3/2020 10:38 AM EST
Jimco, July 3, 2020 (HOL) - Guddoomiyaha Baarlamanka Soomaaliya Maxamed Mursal Shiikh Cabdiraxmaan ayaa waxa uu ka hadlay arrinta metalaadda siyaasadda ee Gobolka Banaadir, waxa uuna sheegay in xildhibaannada aqalka hoose ee qaranka ay sameeyeen ansixin taariikhi ah, oo wax weyn uga dhigan shacabka Soomaaliyeed ee ku nool caasimadda Soomaaliya.

7/3/2020 6:51 AM EST
Jimco, July 3, 2020 (HOL) - Wararka laga helayo deegaanka Cabdalle Biroole ee duleedka Magaalada Kismaayo ayaa waxay sheegayaan in hoobiyayaal lagu weeraray saldhig ciidamada Kenya ay ku leeyihiin halkaasi.

7/3/2020 6:42 AM EST
Jimco, July 3, 2020 (HOL) - Madaxweynaha Somaliland Muuse Biixi Cabdi ayaa waxa uu madaxtooyada ku qaabilay wafdi ka socday Dowladda Kenya oo muddo laba maalin ah ku sugnaa magaalada Hargeysa sida ilo ku dhow ay u sheegeen HOL.

7/3/2020 6:35 AM EST
Jimco, July 3, 2020 (HOL) - Guddoomiyaha Baarlamanka maamulka Hirshabeelle Cismaan Barre Maxamed oo xalay ka qeyb galay munaasabad lagu qabtay magaalada Muqdisho ayaa waxa uu ka hadlay shirka dhowaan lagu wado inuu ka dhaco magaalada Muqdisho ee u dhexeeyo madaxda dowladda Faderaalka ah iyo mas’uuliyiinta sare ee Maamul Goboleedyada.

7/3/2020 6:16 AM EST
Jimco, July 3, 2020 (HOL) - Ra’iisul wasaare ku xigeenka Soomaaliya Mahdi Maxamed Guuleed ayaa waxa uu sheegay in ay tahay wax aan la aqbali Karin, in marka lasoo gaaro waqtiyada kala guurka ah Baarlamanka dalka awooddiisa la dhimo oo masiirka qaranimada iyo jiheynta aayaha dowladnimada loo doonayo 10 ruux oo keliya, taas oo ka horimaaneyso hannaanka dowladnimada sida uu sheegay.

7/3/2020 6:10 AM EST
Jimco, July 3, 2020 (HOL) - Madaxweynihii hore ee Soomaaliya, Xasan Sheikh Maxamuud, ayaa dowladda federalka ugu baaqay inay talada dib ugusoo celiso shacabka haddii ay ku fashilantay in la qabto doorasho waqtigeedii ku dhacda.

7/3/2020 6:08 AM EST
Jimco, July 3, 2020 (HOL) - Siyaasiyiin kasoo jeeda Puntland oo xilal kala duwan kasoo qabtay dowladda federalka iyo maamulka Puntland iyo Senataro ayaa madaxweyne Deni ugu baaqay inuu ka qeyb galo shirka wadatashiga doorashada ee Muqdisho ka dhacayo.