9/26/2020
Today from Hiiraan Online:  _
Wararka Maanta- Arbaco, July 29, 2020
Madaxweynaha Koonfurgalbeed oo madaxtooyada Baydhabo ku qaabbilay Wasiir Sadiq Warfa iyo wafdi uu hoggaaminayay




Arbaco, Luulyo 29, 2020 (HOL) - Madaxweynaha Dowlad-gobolleedka Koonfurgalbeed, Cabdicasiis Xassan Maxamed (Laftagareen) ayaa maanta xafiiskiisa xarunta madaxtooyadda ee magaalada Baydhabo ku qaabbilay, wasiirka Shaqada iyo Arrimaha Bulshada Soomaaliya, Sadiq Xirsi Warfa iyo wafdi uu hoggaaminayay oo shalay halkaa gaaray.

Wasiirka Shaqada iyo Arrimaha Bulshada, Sadiq Warfa ayaa ugu horreyn ka hadlay socdaalka uu ku soo gaaray isaga iyo wafdiga uu hoggaaminayay magaalada Baydhabo, wuxuuna sheegay inuu la xiriirto qiimeynta heerka howlgalka Barnaamijka Baxnaano oo taageerro lacageed siiya qoysaska nugul , wuxuuna inta ku daray inay sidoo kale warbixin ka aruurinayaan saameynta uu Ayaxa u geystay qoysaska Koonfurgalbeed.

"Dowladda Soomaaliya waxaa ka go'an daadajinta adeegyada bulshada iyo taageerrada horumarineed ee bulsho iyo deegaan, waxaana hadda socda taageerro uu Barnaamijka Baxnaano garsiinayo qoysaska uu Ayaxa saameeyay, halka uu horay deegaannada Koonfurgalbeed uga socday qayb kale oo Barnaamijka Baxnaano ah oo taageerro lacageed siiya qoysaska nugul." ayuu yiri Wasiir Sadiq Warfa.

Madaxweynaha Dowlad-gobolleedka Koonfurgalbeed, Cabdicasiis Xassan Maxamed (Laftagareen) ayaa soo dhaweeyay taageerrada bulshada ee Dowladda Soomaaliya ay soo gaarsiisay dowlad-gobolleedka Koonfurgalbeed iyo gobollada kale ee dalka, wuxuuna sheegay in maamulka uu si dhow uga shaqeynayo sidii loo fududeyn lahaa fulinta barnaamijyada oo dhammaan taageeraya bulshada.

" Waxaan ka mas'uul nahay bulshada, waana soo dhaweynaynaa taageerrada ay siinayso Dowladda bulshada nugul iyo kuwa uu saameeyay Ayaxa." ayuu ku daray madaxweyne Laftagareen.

Barnaamijka Baxnaano ayaa ah midkii ugu horreeyay ee Dowladda Soomaaliya  ay kula dagaallamayso saboolnimada,iyadoo barnaamijkan uu qayb ka yahay siyaasadda ilaalinta bulshada ee Wasaaradda Shaqada iyo Arrimaha Bulshada.

Abdisalan Nur Dirie, Hiiraan online
[email protected]












Click here
7/29/2020 11:16 AM EST
Arbaco, Luulyo 29, 2020 (HOL) - Maxkamadda Gobolka Banaadir ayaa waxay maanta xabsi dhan lix bil iyo ganaax lacageed oo gaaraya Shan milyan oo shilin Soomaalia ah Weriye Cabdicasiis Axmed Gurbiye oo ah agaasime ku xigeenka Warbaahinta Goobjoog ee magaalada Muqdisho.

7/29/2020 11:14 AM EST
Arbaco, Luulyo 29, 2020 (HOL) - Dadka ku dhaqan magaalada Baledweyne ee xarunta gobolka Hiiraan ayaa walaac xoogan ka muujinayo biyo aad u fara badan uu wado Wabiga Shabelle oo dhexmara magaalada Baledweyne.

7/29/2020 9:27 AM EST
Arbaco, Luulyo 29, 2020 (HOL) - Kullan la xiriira heerka howlgalka Barnaamijka Baxnaano ee Dowladda Soomaaliya ay ku taageerrayso Bulshada nugul iyo saameynta uu Ayaxa u geystay qoysaska Koonfurgalbeed ayaa maanta ka dhacay xarunta madaxtooyadda Dowlad-gobolleedka Koonfurgalbeed ee magaalada Baydhabo,ka dib markii uu galinkii dambe ee shalay gaaray Baydhabo wasiirka Shaqada iyo Arrimaha Bulshada Soomaaliya, Mudane Sadiq Xirsi Warfa.

7/29/2020 8:31 AM EST
Arbaco, Luulyo 29, 2020 (HOL) - Wasiirka dekedaha Puntland Maxamed Cabdi Cismaan (Majiino) ayaa maanta shaaciyay in shirkadda DP-world aysan wax shaqo ah ka qabanin tan iyo markii ay la wareegtay maamulka dekeda Bosaso sanadkii 2017.

7/29/2020 7:33 AM EST
Arbaco, Luulyo 29, 2020 (HOL) - Bangiga Horumarinta Afrika (AFDB) ayaa ansaxiyay $ 25M oo loogu tala galay Soomaaliya, si kor loogu qaado dadaalada miisaaniyadeed ee qaran si loo yareeyo saameynta qaranka ee masiibada Covd19.

7/29/2020 3:26 AM EST
Arbaco, Luulyo 29, 2020 (HOL) - Guddoomiyaha Baarlamanka Galmudug Dr.Maxamed Gacal iyo xildhibaanno kasoo horjeeday oo ka gadoodsanaa mushaar la'aan muddo dhowr bilood ah haaysatay ayaa xalay heshiis ku gaaray magaalada Dhuusamareeb.

7/29/2020 2:43 AM EST
Arbaco, Luulyo 29, 2020 (HOL) - Warar dheeraad ah ayaa kasoo baxaya kulan xalay ay ku yeesheen magaalada Muqdisho Guddoonka Baarlamanka dalka iyo hoggaamiyayaasha madasha xisbiyada qaran ee mucaaradka ah . Waxayna wararku sheegayaan in laga hadlay xaaladda kala guurka ah ee Soomaaliya iyo hannaankii loo maareyn lahaa.

7/29/2020 2:34 AM EST
Arbaco, Luulyo 29, 2020 (HOL) - Barlamaanka dowlad goboleedka Puntland ayaa maanta oo arbaco ah ka doodaya heshiiska shirkadda DP –world kula wareegtay dekeda magaalada Bosaso.

7/29/2020 2:29 AM EST
Arbaco, Luulyo 29, 2020 (HOL) - Maxkamadda Gobolka Banaadir ayaa waxay maanta go’aan ka gaareysaa kiiska weriye Cabdicasiis Axmed Gurbiye oo ah agaasime ku xigeenka warbaahinta Goobjoog ee magaalada Muqdisho.

7/29/2020 2:26 AM EST
Arbaco, Luulyo 29, 2020 (HOL) - Wasaaradda arrimaha gargaarka iyo maaraynta masiibooyinka ee dowladda Soomaaliya, ayaa shaacisay khasaare nafeed oo ka dhashay Roobab dabeylo watay oo ku dhuftay xeebaha koonfureed ee Soomaaliya.