5/14/2021
Today from Hiiraan Online:  _
Wararka Maanta- Khamiis, July 2 , 2020
In kabadan 70,000 oo Barakacayaasha oo si khasab ah uga barakacay guryahooda ku yaal Soomaaliya, Itoobiya iyo Kenya


 

Khamiis, July 2, 2020 (HOL) - In ka badan 70,000 oo dad ah, oo badidoodu ay ku barakaceen gudaha dalka, ayaa si khasab ah looga saaray guryahooda ku yaal Somalia, Ethiopia iyo Kenya, iyadoo lagu jiray bilaha ugu badan ee cudurka Covid-19, sida lagu sheegay warbixin cusub oo ay soo saartay Golaha Qaxootiga Norway.

“Dadka laga saaray guryahoodu ma haystaan nabadgelyo. Dad badan ayaa shaqadoodii ku waayey masiibada oo waxay ku noqdeen hoy la'aan, gaajo iyo baahi. Khatarta caafimaad darada waa inaan ka wada shaqeyno sidii aan u difaaci lahayn dadka oo dhan, ayay tiri Evelyn Aero, La-Taliyaha Gobolka ee Kaaliyaha Sharciga ee Golaha Qaxootiga Norway (NRC) ee Bariga Afrika.

Gudaha Soomaaliya, ka saarista ayaa khatar joogto ah ku ah bulshooyinka nugul, oo ay ku jiraan dadka soo barakacay ee ku nool degsiimooyinka iyo magaalooyin dadku ku badan yihiin. Sanadka 2019, inka badan 260,000 oo qof ayaa si khasab ah looga saaray guryahooda, oo ay ka mid yihiin in kabadan 150,000 oo ku sugan Muqdisho oo keliya.

In kasta oo tiradu hoos u dhacday sanadkan, ku dhawaad 65,000 oo qof ayaa laga daad gureeyay illaa hadda, oo ay ku jiraan 33,000 oo ku sugan Muqdisho. In ka badan kalabar ayaa laga saaray guriga tan iyo markii lagu dhawaaqay masiibada Covid19.

Gudaha Itobiya, masuuliyiinta dawlada hoose ee Addis Ababa waxay burburiyeen daraasiin guryo ah oo loo haystay inay si sharci darro ah uga dhisnaayeen dhul la isku haysto, taasoo ka dhigtay ku dhawaad 1000 qof hoy la’aan bishii Abriil kaligood.

Kenya, mas'uuliyiintu waxay diideen amarrada maxkamadda waxayna si qasab ah uga saareen in kabadan 7,000 oo qof dhul ku yaal Kairobangi iyo degsiimooyinka aan rasmiga ahayn ee Nairobi.

Abdiweli M. Sheikh, Hiiraan Online
[email protected]











Click here
7/2/2020 1:05 PM EST
Khamiis, July 2, 2020 (HOL) - Beesha Carab Soomaali oo kamid ah beelaha Soomaaliyeed ayaa kulan ay magaalada Muqdisho ku qabteen waxay kaga arrinsadeen sidii beeshu u raadsan lahayd xuquuqda siyaasadeed ee kaga maqan dowladda federalka iyo maamulada.

7/2/2020 12:41 PM EST
Khamiis, July 2, 2020 (HOL) - Taallo loo dhisay hoggaamiyihii hore ee Itoobiya Haile Selessie oo ku taallay magaalada London ayaa waxaa burburiyay dad asal ahaan kasoo jeeday waddanka Itoobiya.

7/2/2020 5:59 AM EST
Khamiis, July 2, 2020 (HOL) - Bangiga horumarinta Afrika ADF ayaa waxaa lagu qoray mareegta uu dhinaca Internetka ku leeyahay in waddamo dhowr ah oo Afrikaan ah islamarkaana ay Soomaaliya qeyb ka tahay loo fasixi doono lacago badan oo loogu tala-galay wax ka qabashada xanuunka COVID-19.

7/2/2020 5:49 AM EST
Khamiis, July 2, 2020 (HOL) - Wax-garad, xildhibaanno iyo siyaasiyiin kasoo jeedo Dowlad Goboleedka Soomaaliyeed ee Galmudug ayaa waxay gaareen deegaanno ka tirsan maamulkaasi oo maalmihii lasoo dhaafay ay ka dhacayeen dagaallo sokeeye oo u dhexeeyay laba maleeshiyo beeleed oo walaalo ah.

7/2/2020 4:15 AM EST
Khamiis, July 2, 2020 (HOL) - Ugu yaraan 80 qof ayaa lagu diley gobolka Oromada ee Itoobiya oo ay ka socdaan mudaharaadyo kadib dilkii foosha xumaa ee loo geystey heesaha caanka ah.

7/2/2020 12:40 AM EST
Khamiis, July 2, 2020 (HOL) - Mareykanka ayaa isku diyaarinaya inuu soo rogo cunaqabateyn muddo dheer ah oo lagu ciqaabayo saraakiisha sarsare ee Shiinaha oo loo haysto xadgudubka xuquuqul insaanka ee ka dhanka ah muslimiinta gobolka Xinjiang.

7/2/2020 12:27 AM EST
Khamiis, July 2, 2020 (HOL) - Shabakada Awoodsiinta Naafada Soomaaliyeed ee SODEN ayaa cambaaraysay dilkii naxariis darada ahaa ee loo geystey gudoomiyihii kooxaha naafada ah ee Baydhabo, Shariif Mukhtaar oo ahaa nin curyaamiinta kamid ah.