5/14/2021
Today from Hiiraan Online:  _
Wararka Maanta- Khamiis, July 2 , 2020
Urur udooda xuquuqda naafada Soomaaliyeed oo cambaareeyay dilkii gudoomiyihii naafada Baydhabo


 

Khamiis, July 2, 2020 (HOL) - Shabakada Awoodsiinta Naafada Soomaaliyeed ee SODEN ayaa cambaaraysay dilkii naxariis darada ahaa ee loo geystey gudoomiyihii kooxaha naafada ah ee Baydhabo, Shariif Mukhtaar oo ahaa nin curyaamiinta kamid ah.

Shariif Mukhtaar wuxuu door muhiim ah ka qaatay dhaqdhaqaaqa xuquuqda aadanaha wuxuuna si firfircoon ugu doodi jiray xuquuqda dadka naafada ah ee Maamulka Koonfur Galbeed ee Soomaaliya.

Wuxuu ku noolaa mid ka mid ah xerooyinka Dadka Gudaha Ku Barakacay ee magaalada Baydhabo markii kooxda Al-Shabaab ay dileen intii uu guriga kula jiray qoyskiisa.

“Ficil kasta oo naxariis daro ah oo Al-Shabaab kula kacdo dadka naafada ah waa weerar ka dhan ah aadanaha. Anigoo ku hadlaya magaca dhammaan dadka naafada ah ee ku nool Soomaaliya iyo difaacayaasha xuquuqda aadanaha, waxaan si adag u cambaareyneynaa dilkan loo gaystey ninkan aan waxba galabsan ee aan waligiis la shaqeynin hey'ado dowladeed,” ayaa lagu yidhi warbixinta kasoo baxday SODEN.

SODEN waxay sheegtay Ficil kasta oo argagixiso oo lagula kaco dadka sida Shariif Mukhtaar oo kale, in aysan horjoogsan doonin istaraatiijiyadooda ku aaddan u doodidda xuquuqda dadka naafada ah.

Sharif Mukhtaar wuxuu muddo dheer xubin ka ahaa Shabakadda Awoodsiinta Naafada Soomaaliyeed (SODEN. Wuxuu u horseed u noqday hogaaminta dadka aadka ugu baahan cadaalada bulshada.

Abdiweli M. Sheikh, Hiiraan Online
[email protected]











Click here
7/2/2020 1:05 PM EST
Khamiis, July 2, 2020 (HOL) - Beesha Carab Soomaali oo kamid ah beelaha Soomaaliyeed ayaa kulan ay magaalada Muqdisho ku qabteen waxay kaga arrinsadeen sidii beeshu u raadsan lahayd xuquuqda siyaasadeed ee kaga maqan dowladda federalka iyo maamulada.

7/2/2020 12:41 PM EST
Khamiis, July 2, 2020 (HOL) - Taallo loo dhisay hoggaamiyihii hore ee Itoobiya Haile Selessie oo ku taallay magaalada London ayaa waxaa burburiyay dad asal ahaan kasoo jeeday waddanka Itoobiya.

7/2/2020 5:59 AM EST
Khamiis, July 2, 2020 (HOL) - Bangiga horumarinta Afrika ADF ayaa waxaa lagu qoray mareegta uu dhinaca Internetka ku leeyahay in waddamo dhowr ah oo Afrikaan ah islamarkaana ay Soomaaliya qeyb ka tahay loo fasixi doono lacago badan oo loogu tala-galay wax ka qabashada xanuunka COVID-19.

7/2/2020 5:49 AM EST
Khamiis, July 2, 2020 (HOL) - Wax-garad, xildhibaanno iyo siyaasiyiin kasoo jeedo Dowlad Goboleedka Soomaaliyeed ee Galmudug ayaa waxay gaareen deegaanno ka tirsan maamulkaasi oo maalmihii lasoo dhaafay ay ka dhacayeen dagaallo sokeeye oo u dhexeeyay laba maleeshiyo beeleed oo walaalo ah.

7/2/2020 4:15 AM EST
Khamiis, July 2, 2020 (HOL) - Ugu yaraan 80 qof ayaa lagu diley gobolka Oromada ee Itoobiya oo ay ka socdaan mudaharaadyo kadib dilkii foosha xumaa ee loo geystey heesaha caanka ah.

7/2/2020 3:57 AM EST
Khamiis, July 2, 2020 (HOL) - In ka badan 70,000 oo dad ah, oo badidoodu ay ku barakaceen gudaha dalka, ayaa si khasab ah looga saaray guryahooda ku yaal Somalia, Ethiopia iyo Kenya, iyadoo lagu jiray bilaha ugu badan ee cudurka Covid-19, sida lagu sheegay warbixin cusub oo ay soo saartay Golaha Qaxootiga Norway.

7/2/2020 12:40 AM EST
Khamiis, July 2, 2020 (HOL) - Mareykanka ayaa isku diyaarinaya inuu soo rogo cunaqabateyn muddo dheer ah oo lagu ciqaabayo saraakiisha sarsare ee Shiinaha oo loo haysto xadgudubka xuquuqul insaanka ee ka dhanka ah muslimiinta gobolka Xinjiang.