8/8/2020
Today from Hiiraan Online:  _
Wararka Maanta- Arbaco, July 1 , 2020
Senator Fartaag: Muqdisho uma baahna in daaro la qurxiyo, nabada ayaa u baahan xoojin iyo qurxin


 

Arbaco, July 1, 2020 (HOL) - Senator Cabdulaahi Sheekh Ismaaciil Fartaag, oo katirsan barlamaanka aqalka sare ee Soomaaliya, ayaa sheegay Muqdisho in aysan u baahnayn in daaraheeda burburay la qurxiyo, balse ay u baahan tahay in nabadeeda la qurxiyo.

Senatorka waxa uu sheegay in qurxinta daaraha ay keentay in ammaanka la iska hilmaamo isagoo tusaale usoo qaatay madaxweyne Farmaajo shalay markuu furay garoonka cayaaraha Muqdisho saacado kadib in lagusoo garaacay madaafiic.

“Dalka waa la qurxin karaa, laakiin waxa qurxin iyo rinjiyayn dhab ah u baahan waa nabada. Maxaweynaha wuxuu soo furay garoonka kubada cagta iyadoo la cayaarayo ayay hoobiyayaal kusoo dhaceen, marka maxaa la rinjiyeeyay,” ayuu isweydiiyay Farataag.

Muuqaallo laga duubay garoonka ayaa la arkayay argagax iyo kala carar ka dhashay markii garoonka agagaarkiisa laga maqlay jug culus oo ahayd hoobiyayaal lagusoo tuuray garoonka, mana jirto cid illaa iyo hadda sheegatay masuuliyadooda.

Senator Farataag wuxuu sheegay Soomaaliya inay u baahan tahay inay isku timaato oo laga wada tashado waxa dantu ku jirto. isagoo ka digay in waji qabiil loo yeelo waxa hadda ka socda Soomaaliya ama hal qabiil dusha laga saaro wixii ay qaladay dowladdan hadda jirta.

Abdiweli M. Sheikh, Hiiraan Online
[email protected]









Click here
7/1/2020 5:05 AM EST
Arbaco, July 1, 2020 (HOL) - Munaasabad si heer sarre loo soo agaasimay oo loogu dabaal dagayay sanad guuradii 60 aad ee ka soo wareegtay markii xornimadda ay qaateen gobollada koofureed iyo midowgi labadda gobol ayaa xalay lagu qabtay magaalada Baladweyne ee Xarunta Gobolka Hiiraan.

7/1/2020 2:49 AM EST
Arbaco, July 1, 2020 (HOL) - Guddoomiyaha xisbi siyaasadeedka wadajir, siyaasi Cabdiraxmaan Cabdishakuur Warsame ayaa sheegay gobolka Banaadir in uusan u baahnayn Senatoro lasoo magacaabo, balse uu u baahan yahay golayaal degaan oo heer federal ah.

7/1/2020 1:12 AM EST
Arbaco, July 1, 2020 (HOL) - Madaxweynaha dowlad goboleedka Puntland Siciid Cabdulaahi Deni ayaa sheegay inuu soo dhoweynayo baaqii kasoo baxay barlamaanka Puntland ee ahaa in uusan ka qeyb galin shirka Muqdisho ka dhacaya.