3/28/2024
Today from Hiiraan Online:  _
Wararka Maanta- Sabti, Jan 4 , 2020
Aqalka sare oo guddi gaar ah u saaray kasoo talo bixinta sharciga doorashooyinka qaran
 

Sabti, Janaayo, 04, 2020 (HOL)- Barlamaanka aqalka sare ee Soomaaliya ayaa guddi ka kooban 7 Xubnood ah u xil saaray inay kasoo talo bixiyaan sharciga doorashooyinka Qaran ee dalka.

Sharcigaan ayaa dhowaan waxaa meel mariyay golaha Shacabka, kadib markii lagu sameeyay dib u eegis, waana sharciga la doonayo in lagu maamulo doorashooyinka soo socda ee Soomaaliya.

Sida ku xusan qoraalka, guddigaan waxay si qoro dheer uga baarandagidoonaan hindise sharciyeedka doorashooyinka, iyagoo ka eegaya inuu waafaqsan yahay dastuurka kmg ah ee Soomaaliya.

Guddigaan oo ah guddi kumeel gaar ah ayaa shaqayndoona inta ay barlamaanka aqalka sare ugasoo gudbinayaan warbixin faahfaahsan oo ku saabsan sharciga doorashooyinka.

Sharciga cusub ee Soomaalia ayaa loogu talo galay;

1. In lagu maamulo doorashooyinka labada Aqal ee Baarlamaanka Jamhuuriyadda Federaalka Soomaaliya;

2. In uu tilmaamo habraaca Doorashada Madaxweynaha Jamhuuriyadda Federaalka Soomaaliya si waafaqsan Dastuurka Federaalka;

3. In lagu hirgaliyo doorashooyin qof-iyo-cod ah oo xor iyo xalaal ah, toos ah, codkuna yahay qarsoodi, kana maran cabsi gelin, loona maamulay si madaxbannaan, dhexdhexaad ah, oo hufan.



Abdiweli M. Sheikh, Hiiraan Online
[email protected]












Click here
1/4/2020 3:33 PM EST
Sabti, Janaayo, 04, 2020 (HOL)- Qaramada Midoobay ayaa dhaleeceeysay weerarkii cirka ee Mareykanka ku dilay Qassim Soleimani oo reer Iran ah, waxayna caddeysay in uu jabinayo sharciga xuquuqda aadanaha.

1/4/2020 1:19 PM EST
Sabti, Janaayo, 04, 2020 (HOL)- Madaxweynaha Dowlad gobolleedka Hirshabeelle Maxamed Cabdi Waare ayaa kulan la qaatay saraakiisha howlgalka midowga Africa ee ku sugan gobolka Hiiraan gaar ahaan magaalada Beledweyne.

1/4/2020 11:26 AM EST
Sabti, Janaayo, 04, 2020 (HOL)-Wasiirka Wasaaradda Maaliyadda Xukuumadda Federaalka Soomaaliya ayaa Maanta Xarunta Wasaaradda kulan kula qaatay wafdi ka socday Bangiga horumarinta Afrika (AFDB) oo soo gaaray Magaalada Muqdisho.

1/4/2020 8:31 AM EST
Sabti, Janaayo, 04, 2020 (HOL)- Xildhibaan Ilhan Omar oo Congress-ka Maraykanka ku metasha gobolka Minnesota, ayaa kasoo horjeesatay in Maraynku dagaal la galo dalka Iiran.

1/4/2020 5:51 AM EST
Sabti, Janaayo, 04, 2020 (HOL)- Safaaradda Mareykanka ee Baqdaad ayaa ku boorisay dhammaan muwaadiniinteeda inay si deg deg ah uga baxaan Ciraaq.

1/4/2020 5:30 AM EST
Sabti, Janaayo, 04, 2020 (HOL)- Xafiiska Hantidhowraha guud ee Soomaaliya ayaa faafiyay warqad labo todobaad ka hor kasoo baxday oo lagu codsanayay in la hakiyo qarash bixinta Galmudug, taasoo loo diray wasaaradda maaliyadda, bangiga dhexe iyo xisaabiyaha guud.

1/4/2020 3:43 AM EST
Sabti,Janaayo,04, 2020 (HOL)-Wararka ka imanaya deegaanka Buq-Aqable ee gobolka Hiiraan ayaa sheegaya in xoogagga Al-shabaab meel fagaaro ah ku toogteen galinkii danbe ee shalay saddex ruux oo ay ku eedeeyeen in ay la shaqeynayeen dowladda Soomaaliya

1/4/2020 12:05 AM EST
Sabti, Janaayo, 04, 2020 (HOL)- Khilaaf hor leh ayaa muuqda in uu mar kale harreey-nayo qorshaha dhismaha dowlad gobolleedka Galmudug, kaddib markii madaxweyne Axmed Ducaale Geelle Xaaf uu magaalada Gaalkacyo kaga dhawaaqay guddi doorasho.

1/4/2020 12:01 AM EST
Sabti, Janaayo, 04, 2020 (HOL)- Qoraal ka soo baxay howlgalka Mareykanka ee Africom ayaa looga hadlay duqeyn Mareykanku ka fuliyay degaanno ku yaalla gobolka Shabeellaha Hoose.