Sabti, Janaayo, 25, 2020 (HOL) - Waxaa magaalada Toronto ee dalka Kanada ku geeriyooday marxuum Dr. Cabdulqadir Maxamed Nuur oo loo yaqaanay Dr. Gabgable, ka mid ahaa dhaqaatiirtii caanka ahaa ka soo shaqeeyey dalka Soomaaliya.
Dr. Gabgable oo ahaa dhaqtar ku taqasusay caafimaadka iyo daryeelka haweenka (gynecologist) ayaa wuxuu ka mid ahaa dhaqtiitii ugu horeeyey ee jaamacad uga soo baxa dhaqtarnimada u gaarka ah dumarka. Wuxuuna in mudda ah madax ka ahaa Isbitaalka Banaadir qaybta caafimaad dumarka
Dr. Gabgable ayaa wuxuu ka soo qalanjibiyey Jaamacadda Charles ee magaalada Prague, dalka Czech Republic sannadkii 1966. Wuxuuna si toos uga howlgalay dalka Soomaaliya ilaa bur-burkii dowladda dhexe, wuxuuna ka dibna u soo wareegay dalka Kanada. Halkaas uu ku noolaa ilaa iyo intii uu ka geeriyooday.
Beri oo ay taariikhdu tahay 26k Jan. ayaa Dr. Gabgable lagu aasidoona magaalada Toronto ee dalka Kanada.