Talaado, Janaayo, 14, 2020 (HOL)-
Dowladda Soomaaliya ayaa faah faahin dheeraad ah ka bixisay howlgal maalintii shalay ciidamada xoogga dalka Soomaaliyeed ka sameeyeen deegaanka Tooratooroow oo ka tirsan gobolka Shabeellaha Hoose.
Dowladdu
waxaa ay sheegtay in gacanta lagu dhigay saraakiil ka tirsan Ururka
Al-shabaab oo uu ka mid ahaa Garsoorihii Maxkamada Al-shabaab ee
deegaanka Tooratooroow
Waxaa
ay sidoo kale sheegtay in howlgalka lagu qabtay sarkaalkii uga mas'uulka
ahaa Al-shabaab arrimaha waxa ay u yaqaanaan Zakawaadka oo magaciisa
lagu sheegay Macalin Abuukar
Deegaanka
ay dowladdu la wareegtay ayaa ahaa saldhiggii ugu weynaa ee Ururka
Al-shabaab waxaana sidoo lagu lagu xasuustaa deegankan ay xarun ay aheyd
maxkamada Ururka Al-shabaab oo inta badan ay dadku u xukun doonaan
jireen.
Dowladda ayaa
sheegtay in deegaankan uu ahaa sidoo kale halkii lagu soo abaabuli jiray
Qaraxyada, sidoo kalena uu deegaanka u ahaa goob ay ku qaadi jireen
lacago sida ay dowladdu hadalka u dhigtay baad ah.
Al-shabab iyo dowladda ayaa marar badan oo hore sidan oo kale isku daba-maray gacan ku heynta deegaanka oo muhiim u ah dhaqdhaqaaqa kooxda ee gobolka Shabeellaha Hoose.
C/raxmaan Diini, Hiiraan Online
[email protected]
