3/29/2024
Today from Hiiraan Online:  _
Wararka Maanta- Sabti, Jan 11, 2020
Nin qirtay inuu katirsan yahay Al-shabaab oo galay kanisad kutaala Mombasa
 

Sabti, Janaayo, 11, 2020 (HOL)- Nin qirtay inuu katirsanaa Alshabab ayaa galay kaniisad ku taal Mombasa ee dalka Kenya. Maxkamad ayaa amartay in ninka la hayo 10 maalmood iyadoo lagu sameynayo baaritaan.

Eedeysanaha ayaa u aaday kaniisadda si uu u qirto inuu ku lug lahaa kacdoonada Alshabab ay ka wadaan dalka Kenya, uuna hadda doonayo inuu kasoo waantoobo ficiladii uu sameeyay.

Baadariga kanisda ayaa qirashada ninkaan Ka dib wuxuu go’aansaday inuu u yeero booliska kaasoo xiray ninkaan.

Booliiska ayaa sheegay tuhmanaha oo dhowaan ka soo noqday Soomaaliya, uu hayo macluumaad muhiim ah oo ka caawin doona hay'adaha amniga ka hortagga weerarada argagixiso.

Waxay sheegeen booliiksu in tuhmanaha uu diyaar u yahay inuu bixiyo macluumaad gacan ka geysan doona soo qabashada dagaalamayaal badan oo Al-shabaab ka soo laabtay.

“Waa muhiim in la ilaaliyo aqoonsiga tuhmanaha. Wuxuu la shaqeynayaa saraakiisha amniga wuxuuna diyaar u yahay inuu na siiyo macluumaad qiimo leh oo ku saabsan howlgalada kooxda Alshabab ee fadhigeedu yahay Soomaaliya, ”ayuu yidhi sarkaal katirsan booliiska.

Dacwadiisa ayaa la dhagaysan doonaa 23-ka Janaayo.

Abdiweli M. Sheikh, Hiiraan Online
[email protected]












Click here
1/11/2020 9:05 PM EST
Sabti, Janaayo, 11, 2020 (HOL)- Soomaaliya ayaa halis ugu jirta inay lumiso codkeedii golaha guud ee Qaramada Midoobay, haddii aysan ilaa bisha Sebtember ee sannadkan bixin amaahdii ay ku lahayd Qaramada Midoobay.

1/11/2020 3:36 PM EST
Sabti, Janaayo, 11, 2020 (HOL)- Sharci dejiyaasha dimoqraadiga iyo kooxaha xuquuqda madaniga ah ayaa si weyn u hadal haya qorshooyinka Aqalka Cad ku doonayo in uu ballaariyo xayiraada safar ee lagu bartilmaameedsanayo waddamada muslimiinta ah ee aqlabiyadda ku leh dalal dhowr ah.

1/11/2020 2:17 PM EST
Sabti, Janaayo, 11, 2020 (HOL)-Mas'uuliyiin ka tirsan dowladda Soomaaliya ayaa goob joog u noqday maanta dhaarinta xildhibaannada cusub ee Baarlamaanka dowlad gobolleedka Galmudug

1/11/2020 8:55 AM EST
Sabti, Janaayo, 11, 2020 (HOL)-Madaxtooyadda Soomaaliya ayaa war kasoo saartay kulankii dhexmaray Madaxweynaha Soomaaliya iyo Madaxweynaha Eritrea, waxaana ay soo saareen War wadajir ah oo siddan u qornaa:

1/11/2020 8:25 AM EST
Sabti, Janaayo, 11, 2020 (HOL)- Xeer ilaaliyaha guud ee Puntland, Maxamuud Xasan Aw- Cusmaan ayaa sheegay in ay maanta maxkamada sare ku wareejiyeen dhaxal koobka marxuumad Caa’isha Ilyaas Aadan, oo ahayd gabadh 13-jir ah oo loo geystay kufsi iyo dil ka dhacay Gaalkacyo, bilowga sannadkii hore.

1/11/2020 8:02 AM EST
Sabti, Janaayo, 11, 2020 (HOL)-Xildhibaannada Golaha Aqalka Sare ee Baarlamaanka Soomaaliya ayaa maanta la horgeyay sharciga doorashooyinka Qaranka kaasi oo ay marsiiyeen aqrinta koowaad.

1/11/2020 7:05 AM EST
Sabti, Janaayo ,11, 2020 (HOL)–Suxufi Cabdiqaadir Cismaan Casayr (Cabdiqadir Coday) ayaa maanta maxkamadda gobolka Maroodi jeex ku xukuntay hal sanno oo xadhig ah iyo saddex milyan oo Somalilandshiling oo ganaax ah.

1/11/2020 6:57 AM EST
Sabti, Janaayo, 11, 2020 (HOL)-Haitham bin Tariq Al Saciid oo ay ilmo adeero ahaayeen Boqorkii Cuman ayaa loo dhaariyay in uu badalo Sultan Qaboos bin Saciid Al Saciid.

1/11/2020 1:33 AM EST
Sabti, Janaayo, 11, 2020 (HOL)- Maxkamada sare ee Puntland, ayaa markii ugu horeysay ka hadashay halka uu marayo fulinta xukunkii dilka ahaa ee lagu riday saddex nin oo ka dambeeyay kufsigii iyo dilkii loo geystay Caa’isha Ilyaas Aadan oo ahayd gabadh 13 jir ah, oo falkaas loogu geystay Gaalkacyo, sanadkii hore.

1/11/2020 12:56 AM EST
Sabti, Janaayo, 11, 2020 (HOL)-Dowlladda Iiraan ayaa sheegtay in ay si aan ula kaceyn ciidamadeedu u soo rideen diyaarad laga lahaa dalka Ukraine

1/11/2020 12:50 AM EST
Sabti, Janaayo, 11, 2020 (HOL)- Dowladda Cumaan ayaa ku dhawaaqday in uu geeriyooday Qaabuus Binu Saciid oo ahaa hoggaamiyihii guud ee dalkaasi.

1/11/2020 12:37 AM EST
Sabti, Janaayo, 11, 2020 (HOL) –Dowladda Kenya oo ayaa sheegtay in ayfoojignaan dheeraad ah ka qabaan weerarro kale oo uga yimaada xoogagga Ururka Al-shabaab iyadoo heegan buuxa galisay ciidamadeeda.