Jimco, Janaayo, 10, 2020 (HOL)-Wararka ka imanaya gobolka Jubbada hoose ayaa sheegaya in ciidamada dowladda iyo kuwa Jubbalanad howlgalo ka dhan ah Al-shabaab ka bilaabeen deegaanno hoostaga magaalada Kismaayo.
Wararku waxaa ay sheegayaan in ciidamada oo ku hubeysan gaadiidka dagaalka maalintii shalay howlgal ay ka sameeyeen deegaan lagu magacaabo Yaaq Bishaaro oo hoostaga degmada Kismaayo ku dileen xubno ka tirsan Ururka Al-shabaab.
Intii uu howlgalku socday ayaa la sheegay in uu dhacay iska horimaad dhaxmaray ciidamada dowladda iyo kuwa Al-shabaab oo markii danbe lagala wareegay fariisimo ay ku sugnaayeen.
Al-Shabaab dhinacooda wali ka hadal weerarka ciidamo is garabsanaya ay sheegeen in ay ku qaadeen deegaankooda Yaaq Bishaaro iyo xoogagga la sheegay in looga dilay iska horimaadka.
C/raxmaan Diini, Hiiraan Online[email protected]