5/6/2021
Today from Hiiraan Online:  _
Wararka Maanta- Isniin, Dec 7 , 2020
Guddi ay magacaabeen midowga musharixiinta oo kulankoodii ugu horreeyay yeeshay


 

Isniin, December, 07, 2020 (HOL) -  Guddiga oo la baxay ''Guddiga Badbaadada Doorashooyinka Qaranka' oo ay soo magacaabeen midowga musharixiinta ayaa maanta kulankoodii ugu horreeyay ku yeeshay magaalada Muqdisho.

Tirada xubnaha guddigan oo dhan 28 xubnood ayaa ka kooban min labo xubnood oo ka kala yimid 14ka musharax madaxweyne ee diidan hannaanka ay dowladdu u mareyso doorashada dalka.

Xubnaha guddiga waxaa ku jiray Wasiirkii hore ee Waxbarashada dowladda hadda jirta Cabdiraxmaan Daahir Cismaan, siyaasiyiin kala duwan iyo Aqoonyahanno, waxaana ay kulankoodii maanta iska dhax-doorteen guddoomiye oo loo dooray in uu noqdo Yuusuf Xassan Mursan.

Guddiga ayaa marka la eego waxaa uu u muuqdaa mid jawaab u ah guddiyada doorashada ay dowladdu u saartay oo dhawaan laftirkoodu iska dhax-doortay guddoomiye iyo ku-xigeenkiisa.

Dowladda iyo garabka mucaaradka ayaa u muuqda kuwo aad ugu sii kala fogaanaya dhabaha loo marayo doorasho wadar-ogol ku timaada.

Cabdiraxmaan Diini, Hiiraan Online
[email protected]    














Click here
12/7/2020 2:08 PM EST
Isniin, December, 07, 2020 (HOL) - Ra'iisal Wasaaraha Xukuumadda Soomaaliya Maxamed Xusseen Rooble oo maanta ka qeybgalay shirka Iskaashiga Soomaaliya iyo Beesha caalamka ayaa sheegay in xukuumadda uu hogaamiyo mar walba diyaar u tahay fulinta dhamaanba heshiisyadii horey looga gaaray doorashada.

12/7/2020 11:40 AM EST
Isniin, December, 07. 2020 (HOL) - War ka soo baxay hay'adda Socdaalka iyo Jinsiyadaha Dowladda Soomaaliya ayaa lagu sheegay in dhamaanba muwaadiniinta Kenyan -ka ah ee imanaya Soomaaliya marka hore Dal ku gal ah ka soo qaataan safaaradda Soomaaliya ee Nairobi.

12/7/2020 10:39 AM EST
Isniin, December, 07. 2020 (HOL) - Madaxweynaha dowlad gobolleedka Koonfur Galbeed Cabdicasiis Lafta-gareen eoo ka mid ahaa madaxdii maanta ka qeybgashay shir dhaxmaray madaxda Soomaaliya iyo beesha caalamka ayaa sheegay in in uusan caqabad u arag doodda ka taaggan magacaabista guddiyada doorashada gobollada Waqooyi.

12/7/2020 10:26 AM EST
Isniin, December, 07. 2020 (HOL) - Madaxweynaha Dowladda Jubbaland Axmed Maxa'ed Islaam [Axmed Madoobe] oo aalada Internetka uga qeybgalay shir dhaxmaray madaxda Soomaalia iyo beesha caalamka ayaa mar kale ku celiyay in dowladda Soomaaliya gacanta Jubbaland ku soo celiso gobolka Gedo.

12/7/2020 7:13 AM EST
Isniin, December, 07, 2020 (HOL) - Raysal wasaaraha dowladda federalka Soomaaliya, Maxamed Xuseen Rooble, ayaa sheegay inuu safarkiisii ugu horeeyay isagoo raysal wasaare ah ku tagayo magaalada Graowe ee caasimadda Puntland, si uu wada hadal u lasoo yeesho madaxweynaha Puntland Siciid Deni oo saluugsan hannaanka doorashada.

12/7/2020 5:01 AM EST
Isniin, December, 07, 2020 (HOL) - Madaxweynaha Puntland Siciid Deni ayaa ugu baaqay dowladda Federaalka inay cadaadiska ciidan ka dulqaado Gobolka Gedo,si ay dowlad goboleedka Jubbaland u qabato doorasho madax bannaan oo lagusoo dooranayo xildhibaanada golaha shacabka.

12/7/2020 2:51 AM EST
Isniin, December, 07, 2020 (HOL) - Xarumaha ganacsiga Puntland ayaa dib loo furay maanta oo isniin ah kadib markii maalmihii lasoo dhaafay ay u xirnaayeen sababa la xiriira sicir bararka dollarka iyo lacagta shilin Soomaaliga ah oo la diidanaa.

12/7/2020 12:41 AM EST
Isniin, December, 07, 2020 (HOL) - Midowga musharixiinta Soomaaliya ayaa qoraal kooban oo ay soo saareen waxaa ay ku muujiyeen walaac ay ka qabaan xasilooni darrada ka jirta gobolka Hiiraan gaar ahaan magaalada Beledweyne oo ay ku eedeeyeen in ay ka danbeeyaan madaxweynaha Dowladda Soomaaliya Maxamed Cabdullaahi Farmaajo iyo Taliyaha Nabad-sugida Qaranka.

12/7/2020 12:11 AM EST
Isniin, December, 07, 2020 (HOL) - Maanta oo Isniin ah ayaa lagu waddaa in kulan ku qabsoomi doono dhinaca Internet-ka ee Aalada Zoomka uu dhaxmaro Beesha Caalamka, Madaxda Dowladda Federaalka iyo Dowlad Gobolleedyada dalka, kaasoo looga wada hadli doono Arrimaha Doorashooyinka lagu muran-san yahay iyo Amniga guud ahaan dalka.