5/6/2021
Today from Hiiraan Online:  _
Wararka Maanta- Isniin, Dec 7 , 2020
Cabdicasiis Lafta-gareen '' Anniga ma caqabo in arrinta Cabdi Xaanshi caqabad doorashada looga dhiggo


 

Isniin, December, 07. 2020 (HOL) - Madaxweynaha dowlad gobolleedka Koonfur Galbeed Cabdicasiis Lafta-gareen oo ka mid ahaa madaxdii maanta ka qeybgashay shir dhaxmaray madaxda Soomaaliya iyo beesha caalamka ayaa sheegay in uusan caqabad u arag doodda ka taaggan magacaabista guddiyada doorashada gobollada Waqooyi.

Wuxuu sheegay Lafta-gareen in kulankii ugu danbeeyay ee Muqdisho ka dhacay ee heshiiska looga gaaray doorashada marnaba lagu soo hadal qaadin qoddob ah in Cabdi Xaanshi soo magacaabayo guddiyada doorashada ku matala gobollada Waqooyi.

''Annaga waan joognay meel ay heshiiska uga qoran tahay Cabdi Xaanshi ayaa awood u leh in uu soo magacaabo guddiyada doorashada ma jirin, Ra'iisal Wasaaraha ayaa soo magacaabaya ayeey aheyd, Cabdi Xaanshi waa guddoomiyaha Aqalka Sare, Waa siyaasi Soomaaliyeed, waxey aheyd in marka hore heshiiska lagu soo darro in uu isaga soo magacaabayo guddiyada, sidaa daraadeed annigu hadda uma arko in caqabad laga dhiggo.'' ayuu yiri Lafta-gareen.

Wuxuu sheegay in dib u dhac ku yimaada doorashada marnaba mar-marsiiyo loo heli karin dhamaanna tabashooyinka jira la xalin karo iyadoo dhinaca kalana socdaan howlaha doorashada ayuu sheegay madaxweynaha Koonfur Galbeed Cabdi Casiis Laftagreen.

Ugu danbeyntii wuxuu sheegay in iyada oo la ilaalinayo  nidaamka dowladnimada dhamaanba cabashooyinka jira laga wada hadli karo.

Cabdiraxmaan Diini, Hiiraan Online
[email protected]    













Click here
12/7/2020 2:08 PM EST
Isniin, December, 07, 2020 (HOL) - Ra'iisal Wasaaraha Xukuumadda Soomaaliya Maxamed Xusseen Rooble oo maanta ka qeybgalay shirka Iskaashiga Soomaaliya iyo Beesha caalamka ayaa sheegay in xukuumadda uu hogaamiyo mar walba diyaar u tahay fulinta dhamaanba heshiisyadii horey looga gaaray doorashada.

12/7/2020 1:33 PM EST
Isniin, December, 07, 2020 (HOL) - Guddiga oo la baxay ''Guddiga Badbaadada Doorashooyinka Qaranka' oo ay soo magacaabeen midowga musharixiinta ayaa maanta kulankoodii ugu horreeyay ku yeeshay magaalada Muqdisho.

12/7/2020 11:40 AM EST
Isniin, December, 07. 2020 (HOL) - War ka soo baxay hay'adda Socdaalka iyo Jinsiyadaha Dowladda Soomaaliya ayaa lagu sheegay in dhamaanba muwaadiniinta Kenyan -ka ah ee imanaya Soomaaliya marka hore Dal ku gal ah ka soo qaataan safaaradda Soomaaliya ee Nairobi.

12/7/2020 10:26 AM EST
Isniin, December, 07. 2020 (HOL) - Madaxweynaha Dowladda Jubbaland Axmed Maxa'ed Islaam [Axmed Madoobe] oo aalada Internetka uga qeybgalay shir dhaxmaray madaxda Soomaalia iyo beesha caalamka ayaa mar kale ku celiyay in dowladda Soomaaliya gacanta Jubbaland ku soo celiso gobolka Gedo.

12/7/2020 7:13 AM EST
Isniin, December, 07, 2020 (HOL) - Raysal wasaaraha dowladda federalka Soomaaliya, Maxamed Xuseen Rooble, ayaa sheegay inuu safarkiisii ugu horeeyay isagoo raysal wasaare ah ku tagayo magaalada Graowe ee caasimadda Puntland, si uu wada hadal u lasoo yeesho madaxweynaha Puntland Siciid Deni oo saluugsan hannaanka doorashada.

12/7/2020 5:01 AM EST
Isniin, December, 07, 2020 (HOL) - Madaxweynaha Puntland Siciid Deni ayaa ugu baaqay dowladda Federaalka inay cadaadiska ciidan ka dulqaado Gobolka Gedo,si ay dowlad goboleedka Jubbaland u qabato doorasho madax bannaan oo lagusoo dooranayo xildhibaanada golaha shacabka.

12/7/2020 2:51 AM EST
Isniin, December, 07, 2020 (HOL) - Xarumaha ganacsiga Puntland ayaa dib loo furay maanta oo isniin ah kadib markii maalmihii lasoo dhaafay ay u xirnaayeen sababa la xiriira sicir bararka dollarka iyo lacagta shilin Soomaaliga ah oo la diidanaa.

12/7/2020 12:41 AM EST
Isniin, December, 07, 2020 (HOL) - Midowga musharixiinta Soomaaliya ayaa qoraal kooban oo ay soo saareen waxaa ay ku muujiyeen walaac ay ka qabaan xasilooni darrada ka jirta gobolka Hiiraan gaar ahaan magaalada Beledweyne oo ay ku eedeeyeen in ay ka danbeeyaan madaxweynaha Dowladda Soomaaliya Maxamed Cabdullaahi Farmaajo iyo Taliyaha Nabad-sugida Qaranka.

12/7/2020 12:11 AM EST
Isniin, December, 07, 2020 (HOL) - Maanta oo Isniin ah ayaa lagu waddaa in kulan ku qabsoomi doono dhinaca Internet-ka ee Aalada Zoomka uu dhaxmaro Beesha Caalamka, Madaxda Dowladda Federaalka iyo Dowlad Gobolleedyada dalka, kaasoo looga wada hadli doono Arrimaha Doorashooyinka lagu muran-san yahay iyo Amniga guud ahaan dalka.