5/6/2021
Today from Hiiraan Online:  _
Wararka Maanta- Isniin, Dec 7 , 2020
Puntland: Xarumaha ganacsiga oo dib u furmay iyo maamulka oo jaangooyay qiimaha sarifka dollarka


 

Isniin, December, 07, 2020 (HOL) - Xarumaha ganacsiga Puntland ayaa dib loo furay maanta oo isniin ah kadib markii maalmihii lasoo dhaafay ay u xirnaayeen sababa la xiriira sicir bararka dollarka iyo lacagta shilin Soomaaliga ah oo la diidanaa.

Furnaanshaha xarumaha ganacsiga ayaa yimid kadib markii shalay Puntland ay soo saartay go’aan lagu jaangoynayo sarifka dollarka, iyadoo ku amartay ganacsatada in halkii dollar lagu sarifo lacag dhan 35 kun oo shilin Soomaalya, halka uu markii hore ka ahaa ku dhawaad 50 kun SH,SO.

Sidoo kale, lacagaha shilin Soomaaliga ayaa si dardar leh looga isticmaalayaa Puntland, kadib markii uu shirkaddaha isgaarsiinta ay dhaqan galiyeen awaamiir maamulka kasoo baxay oo ku saabsan in aan la isku diri karin hal dollar iyo wixii kasii yar.

Puntland ayaa ku hanjabtay inay tallaabo ka qaadayso cid kasta oo iskudayda in ay diido shilin Soomaaliga islamarkaana ka hor timaado jaangoynta sarifka qalaad ee dollarka.

Dadweynaha Puntland ayaa u arka tallaabo wanaagsan oo horseedaysa in lagasoo kabto dhaqaale xumada uu u geystay sicir bararka.

Abdiweli M. Sheikh, Hiiraan Online
[email protected]











Click here
12/7/2020 2:08 PM EST
Isniin, December, 07, 2020 (HOL) - Ra'iisal Wasaaraha Xukuumadda Soomaaliya Maxamed Xusseen Rooble oo maanta ka qeybgalay shirka Iskaashiga Soomaaliya iyo Beesha caalamka ayaa sheegay in xukuumadda uu hogaamiyo mar walba diyaar u tahay fulinta dhamaanba heshiisyadii horey looga gaaray doorashada.

12/7/2020 1:33 PM EST
Isniin, December, 07, 2020 (HOL) - Guddiga oo la baxay ''Guddiga Badbaadada Doorashooyinka Qaranka' oo ay soo magacaabeen midowga musharixiinta ayaa maanta kulankoodii ugu horreeyay ku yeeshay magaalada Muqdisho.

12/7/2020 11:40 AM EST
Isniin, December, 07. 2020 (HOL) - War ka soo baxay hay'adda Socdaalka iyo Jinsiyadaha Dowladda Soomaaliya ayaa lagu sheegay in dhamaanba muwaadiniinta Kenyan -ka ah ee imanaya Soomaaliya marka hore Dal ku gal ah ka soo qaataan safaaradda Soomaaliya ee Nairobi.

12/7/2020 10:39 AM EST
Isniin, December, 07. 2020 (HOL) - Madaxweynaha dowlad gobolleedka Koonfur Galbeed Cabdicasiis Lafta-gareen eoo ka mid ahaa madaxdii maanta ka qeybgashay shir dhaxmaray madaxda Soomaaliya iyo beesha caalamka ayaa sheegay in in uusan caqabad u arag doodda ka taaggan magacaabista guddiyada doorashada gobollada Waqooyi.

12/7/2020 10:26 AM EST
Isniin, December, 07. 2020 (HOL) - Madaxweynaha Dowladda Jubbaland Axmed Maxa'ed Islaam [Axmed Madoobe] oo aalada Internetka uga qeybgalay shir dhaxmaray madaxda Soomaalia iyo beesha caalamka ayaa mar kale ku celiyay in dowladda Soomaaliya gacanta Jubbaland ku soo celiso gobolka Gedo.

12/7/2020 7:13 AM EST
Isniin, December, 07, 2020 (HOL) - Raysal wasaaraha dowladda federalka Soomaaliya, Maxamed Xuseen Rooble, ayaa sheegay inuu safarkiisii ugu horeeyay isagoo raysal wasaare ah ku tagayo magaalada Graowe ee caasimadda Puntland, si uu wada hadal u lasoo yeesho madaxweynaha Puntland Siciid Deni oo saluugsan hannaanka doorashada.

12/7/2020 5:01 AM EST
Isniin, December, 07, 2020 (HOL) - Madaxweynaha Puntland Siciid Deni ayaa ugu baaqay dowladda Federaalka inay cadaadiska ciidan ka dulqaado Gobolka Gedo,si ay dowlad goboleedka Jubbaland u qabato doorasho madax bannaan oo lagusoo dooranayo xildhibaanada golaha shacabka.

12/7/2020 12:41 AM EST
Isniin, December, 07, 2020 (HOL) - Midowga musharixiinta Soomaaliya ayaa qoraal kooban oo ay soo saareen waxaa ay ku muujiyeen walaac ay ka qabaan xasilooni darrada ka jirta gobolka Hiiraan gaar ahaan magaalada Beledweyne oo ay ku eedeeyeen in ay ka danbeeyaan madaxweynaha Dowladda Soomaaliya Maxamed Cabdullaahi Farmaajo iyo Taliyaha Nabad-sugida Qaranka.

12/7/2020 12:11 AM EST
Isniin, December, 07, 2020 (HOL) - Maanta oo Isniin ah ayaa lagu waddaa in kulan ku qabsoomi doono dhinaca Internet-ka ee Aalada Zoomka uu dhaxmaro Beesha Caalamka, Madaxda Dowladda Federaalka iyo Dowlad Gobolleedyada dalka, kaasoo looga wada hadli doono Arrimaha Doorashooyinka lagu muran-san yahay iyo Amniga guud ahaan dalka.