5/9/2021
Today from Hiiraan Online:  _
Wararka Maanta- Khamiis, Dec 31, 2020
Xulka gobolka Banaadir oo ku guulaystay tartankii kubada cagta dowlad goboleedyada iyo gobolka Banaadir


 

Khamiis, December, 31, 2020 (HOL) - Xulka kubada cagta gobolka Banaadir ayaa ku guulaystay tartankii kubada cagta ee dowlad goboleedyada iyo gobolka Banaadir, kadib cayaar xiiso badnayd oo galab casir liiqii kusoo idlaatay garoonka Engineer Yariisow.

Gobolka Banaadir ayaa tartankaan kaga guulaystay xulka kubada cagta Galmudug, oo kamid ahaa kooxaha loo saadaalinayay koobka.

Labada kooxood cayaarta dhexmartay waxay 90-kii daqiiqo kusoo dhamaatay 2-2, iyadoo gobolka Banaadir uu ahaa kooxda mar kasta goolasha ku hormaraysay. Cayaarta ayaa markii dambe lagu kala baxay rigoorayaal.

Gobolka Banaadir ayaa ku badiyay 5-2 markii cel celis ahaan la isku daro goolasha rigoorayaasha iyo goolasha ay caadiga u dhaliyeen, waxaana xusid mudan in kooxda Galmudug ay khasaariyeen rigoorooyinkii ay tuurteen.

Madaxweynaha Soomaaliya, Maxamed Cabdullaahi Farmaajo oo cayaarta si toos ah uga daawanayay hoygiisa madaxtooyada, ayaa u hambaleeyay xulka Banaadir ee koobka ku guulaystay, isagoo dhinaca kalena bogaadiyay xulka kubada cagta Galmudug oo kaalinta labaad galay.

“Hambalyo Xulka Kubadda Cagta ee Gobolka Banaadir oo ku guuleystay Koobka Dowlad Goboleedyada Dalka, sidoo kale waxaan bogaadinayaa Xulka Galmudug oo soo gaaray ciyaarta kama danbeysta ah. Labada Kooxoodba waxa ay muujiyeen xirfad sare, isku xirnaan iyo dadaal ballaaran.” Ayuu yiri madaxweyne Farmaajo.

Waa markii ugu horaysay oo gobolka Banaadir uu tartankaan ku guulaysto tan iyo markii lasoo billaabay sannadkii 2016. Gobolka Banaadir waxay kaloo u tahay taariikh cusub iyadoo maanta ay ku beegan tahay 10 sano kadib markii gobolka Banaadir uu ku guulaystay tartankii gobolada Soomaaliya ee lagu qabtay Garowe 2010.

Abdiweli M. Sheikh, Hiiraan Online
[email protected]   











Click here
12/31/2020 11:14 AM EST
Khamiis, December, 31, 2020 ( HOL) -Sanadkan sii dhamaanaya ee 2020 waxaa geeriyooday fannaaniin caan ka ahaa gayiga Soomaaliya iyo caalamka, qaarkood waxaa ay u dhinteen cudurka dunida faraha ba'an ku haya ee Coronavirus.

12/31/2020 6:34 AM EST
Khamiis, December, 31, 2020 (HOL) - Dibadbax aad u xoogan ayaa maanta ka dhacay magaalada Baledweyne kaasoo si weyn u saameyay inta badan xaafadaha magaalada aay ka kooban tahay waxaana looga soo horjeeday maamulka Hirshabeelle.

12/31/2020 6:16 AM EST
Khamiis, December, 31, 2020 (HOL) -Sanadkan inaga sii dhamaanaya ee 2020 Soomaaliya marka la eego waxaa uu u ahaa sanad ay isku biirsadeed deggenaan la'aan siyaasadeed, Jawi Doorasho, Qaraxyo galaaftay nolasha dad badan oo Soomaali ah iyo waliba geerida dad Soomaalida magac iyo maamuus ku dhax la'ahaa.

12/31/2020 4:51 AM EST
Khamiis, December, 31, 2020 (HOL) - Raysal Wasaare ku xigeenka dowladda federalka Soomaaliya, Mahdi Maxamed Guuleed ayaa maanta raali galin ka bixiyay hadal uu horey saxaafadda ugasii daayay oo ku saabsanaa in doorashada soo socota uu madaxweyne Farmaajo wareega ugu horeeya ku guulaysandoono.

12/31/2020 4:09 AM EST
Khamiis, December, 31, 2020 (HOL) - Ra'iisal Wasaare ku-xigeenka dalka Mahdi Maxamed Guulleed Khadar oo khudbad ka jeedinayay madasha Aragti Wadaag ee Machadka Heritage uu soo qabanqaabiyay ee ka soconaya magaalada Garoowe ayaa sheegay in la fuliyo heshiisyadii doorasho ee la galay

12/31/2020 12:58 AM EST
Khamiis, December, 31, 2020 (HOL) - Waxey aheyd khudbad adag oo madaxweynaha dowlad gobolleedka Jubbaland oo uu ka jeediyay shirka Aragti Wadaag ee ka soconaya magaalada Garoowe ee xarunta u ah dowlad gobolleedka Puntland.

12/31/2020 12:17 AM EST
Khamiis, December, 31, 2020 (HOL) -Xog-hayaha Guud ee Qaramada Midoobay Antonio Guterres ayaa Arbacadii shalay ku dhawaaqay in Anita Kiki Gbeho oo reer Ghana ah noqoto ku xigeenka cusub ee Wakiilka gaarka ah ee Howlgalka Qaramada Midoobay ee Soomaaliya.