5/9/2021
Today from Hiiraan Online:  _
Wararka Maanta- Khamiis, Dec 31, 2020
Mahdi Guulleed'' Sida Farmaajo Guriga Cad looga saarayo sow in lagu heshiiyo ma'aha


 

Khamiis, December, 31, 2020 (HOL) - Ra'iisal Wasaare ku-xigeenka dalka Mahdi Maxamed Guulleed Khadar oo khudbad ka jeedinayay madasha Aragti Wadaag ee Machadka Heritage uu soo qabanqaabiyay ee ka soconaya  magaalada Garoowe ayaa sheegay in la fuliyo heshiisyadii doorasho ee la galay.

Khubadiisa ayuu inta badan ku soo qaatay Gabayo ay horrey u tiriyeen Abwaanno hore oo Soomaaliyeed, gaar ahaan waxaa si gaar ah isku dultaagay Gabeygii halku dhaggiisu ahaa ''Bal Yoow Garnaqi Doona''  isaga oo yiri hadda waxey arintu mareysaa Ninka Guriga Cad deggan ee Maxamed Cabdullaahi Farmaajo iyo Odayaasha ku gaafwareegaya ''Bal Yoow Garnaqi doonna'' 

Mahdi Guulleed ayaa sheegay in madaxweyne Farmaajo looga saaro guriga waa in marka hore lagu heshiiyaa, '' Si Guriga looga soo saaro Farmaajo sow in laga heshiiyo ma'aha, haddii lagu sii jirayana sow in laga heshiiyo ma'aha, sow in guriga Albaaba laga soo gallo aan daaqada laga soo galin ma'aha'' ayuu hadalkiisa sii raaciyay Mahdi Maxamed Guulleed Khadar.

Dowladda Federaalka ayuu sheegay in mar walba ay diyaar u tahay hergalinta dhamaanba heshiisyadii laga gaaray Doorashooyinka, taa badalkeedana dhinacyada ay quseyso laga doonayo in ay dhankooda fuliyaan wixii heshiiska ka quseeya doorashada.

Wuxuu ugu danbeyntii Baarlamaanka Soomaaliya ku aamaanay meelmarintii miisaaniyad sanadeedka 2021, taasoo ay ku jirto ayuu yiri miisaaniyada doorashada, 

''Anisixnta miisaaniyada uu baarlamaanku meel mariyay waxey muujineysa sida aynu dhankeena doorashada diyaar ugu nahay ''

Ugu danbeyntii Dastuurka mar uu ka hadlayay ayuu sheegay  in uu yahay hagaha aas-aasiga ee jiritaanka iyo kala dambeynta sharciyadda dalka, isla markaana uu yahay heshiis wax wada ogol ku saleysan muhiimna ay tahay in loo qalab qaato dhameystirkiisa.

Cabdiraxmaan Diini, Hiiraan Online
[email protected]    













Click here
12/31/2020 11:14 AM EST
Khamiis, December, 31, 2020 ( HOL) -Sanadkan sii dhamaanaya ee 2020 waxaa geeriyooday fannaaniin caan ka ahaa gayiga Soomaaliya iyo caalamka, qaarkood waxaa ay u dhinteen cudurka dunida faraha ba'an ku haya ee Coronavirus.

12/31/2020 10:53 AM EST
Khamiis, December, 31, 2020 (HOL) - Xulka kubada cagta gobolka Banaadir ayaa ku guulaystay tartankii kubada cagta ee dowlad goboleedyada iyo gobolka Banaadir, kadib cayaar xiiso badnayd oo galab casir liiqii kusoo idlaatay garoonka Engineer Yariisow.

12/31/2020 6:34 AM EST
Khamiis, December, 31, 2020 (HOL) - Dibadbax aad u xoogan ayaa maanta ka dhacay magaalada Baledweyne kaasoo si weyn u saameyay inta badan xaafadaha magaalada aay ka kooban tahay waxaana looga soo horjeeday maamulka Hirshabeelle.

12/31/2020 6:16 AM EST
Khamiis, December, 31, 2020 (HOL) -Sanadkan inaga sii dhamaanaya ee 2020 Soomaaliya marka la eego waxaa uu u ahaa sanad ay isku biirsadeed deggenaan la'aan siyaasadeed, Jawi Doorasho, Qaraxyo galaaftay nolasha dad badan oo Soomaali ah iyo waliba geerida dad Soomaalida magac iyo maamuus ku dhax la'ahaa.

12/31/2020 4:51 AM EST
Khamiis, December, 31, 2020 (HOL) - Raysal Wasaare ku xigeenka dowladda federalka Soomaaliya, Mahdi Maxamed Guuleed ayaa maanta raali galin ka bixiyay hadal uu horey saxaafadda ugasii daayay oo ku saabsanaa in doorashada soo socota uu madaxweyne Farmaajo wareega ugu horeeya ku guulaysandoono.

12/31/2020 12:58 AM EST
Khamiis, December, 31, 2020 (HOL) - Waxey aheyd khudbad adag oo madaxweynaha dowlad gobolleedka Jubbaland oo uu ka jeediyay shirka Aragti Wadaag ee ka soconaya magaalada Garoowe ee xarunta u ah dowlad gobolleedka Puntland.

12/31/2020 12:17 AM EST
Khamiis, December, 31, 2020 (HOL) -Xog-hayaha Guud ee Qaramada Midoobay Antonio Guterres ayaa Arbacadii shalay ku dhawaaqay in Anita Kiki Gbeho oo reer Ghana ah noqoto ku xigeenka cusub ee Wakiilka gaarka ah ee Howlgalka Qaramada Midoobay ee Soomaaliya.