5/9/2021
Today from Hiiraan Online:  _
Wararka Maanta- Khamiis, Dec 31, 2020
Axmed Madoobe oo si adag u weeraray siyaasadda madaxweyne Farmaajo ee Arrimaha Doorashooyinka dalka


 

Khamiis, December, 31, 2020 (HOL) - Waxey aheyd khudbad adag oo madaxweynaha dowlad gobolleedka Jubbaland oo uu ka jeediyay shirka Aragti Wadaag ee ka soconaya magaalada Garoowe ee xarunta u ah dowlad gobolleedka Puntland.

Shirkan oo uu soo qaban-qaabiyay Machadka Heritage ayaa diirrada lagu saarayay qoddobo xasaas ah oo ay ka mid ahaayeen Arrimaha Federaalisamka iyo Doorashada, waxaana qeyb ka ah  madaxda Dowladda Soomaaliya, madaxda Dowlad Gobolleedyada, midowga musharixiinta iyo marti-sharaf kale oo kor u sii dhaafeysa ilaa 400 oo ergo ah.

Madaxweynaha dowlad gobolleedka Jubbaland ayaa si furan uga hadlay wax isku hayaan isaga iyo Dowladda Dhexe gaar ahaan madaxweyne Maxamed Cabdullaahi Farmaajo oo sida uu hadalka u dhiggay weerar qaawan oo cad ku soo qaaday deegaanno ka tirsan dowlad Gobolleedka Jubbaland.

Gaar ahaan waxaa uu diirada saaray ciidamada ay dowladda Soomaaliya ku daabuleyso gobolka Gedo ee lagu sheegay in ay halkaa ka ilaalinayaan xudduuda Kenya, balse Axmed Madoobey uu ku tilmaamay ciidamo laga leeyahay dano KMG oo siyaasadeed.

''Bilaahi Celeykum ma waxaa naloogu sheekeynayaa Annaga in ka badan 700 km oo xudduud ah la leh Kenya 4000 oo ciidamo Kenyaan ahna joogaa dalka  in la yiraahdo wax ka yar 5km ayaa Kenya laga ilaalinayaa iyadoo leysugu geeyay ciidamo  Harimo-Cad Gorgor iyo Shabeel intaba isugu jira ayuu yiri ''madaxweynaha Jubballand Axmed Madoobey.

Waxaa uu wax lala yaabo ku tilmaamay in uu suuqa ka maqlay in shirkii ugu danbeeyay ee dhaxmaray Madaxda Qaranka iyo Dowlad Gobolleedyada lagu heshiiyay in xildhibaannada Gobolka Gedo uu qaato madaxweyne Farmaajo sidaana ay balantu aheyd.

'' Fikirka Suuqa wareegaya ee ah Axmed Madoobe ayaa balan ka baxay oo ah in lagu heshiiyay in 18 ka xildhibaan ee gobolka Gedo uu qaato madaxweyne Farmaajo,  hala ii sheego meesha aan balantaasi ku gallay, tan kale haddiiba uu madaxweynuhu 18 xildhibaan qaadanayo maan iska deyno doorashada maxaa leysku wareerinayaa oo xisbiyo loo sameysanayaa oo musharixiintan Idhaha cadcad leh u soo taagan yihiin, '' Maan qoronno hal xisbi oo ah '' Xisbiga hanti -wadaagga Kacaanka Soomaaliyeed'' kaa maan doorasho ku galno'' madaxweynahana xilka ugu baarikeyno ayuu yiri Axmed Madoobe oo si adag u weeraray madaxweynaha dowladda Soomaaliya Maxamed Cabdullaahi Farmaajo.

''Waxaan maanta diyaar u ahay oo aan la qarineynin in saaxiibaddey dowlad gobolleedyada kale min hal magaalo ka taaggaan xildhibaannada ka soo baxaya oo ay siiyaan madaxweyne Farmaajo, Anna aan ka taggo gobolka Gedo oo madaxweynaha siiyo, inta kalana aan qabsano, haddii  kale waa in ay noqotaa  xuquuq loo siman yahay  oo saaxiibkey Axmed Qoorqoor inta uu Dhuusa-Mareeb iyo Gaalkacyo doorashada ku qabto Anna aan Kismaayo oo kaliya la oran doorashada ku qabo, Gedo gacantaada kuma jirto e'' ayuu hadalkiisa sii raaciyay.

Axmed Madoobey ayaa dhinaca kale uga diggan dowladda Soomaaliya in aysan qaban doorasho aysan ku jirin Jubbaland iyo Puntland oo aan wali qeyb ka aheyn hannaanka wax loo maamulayo.

Waxaa uu dhinaca kale wax lala yaabo ku tilmaamay in Baarlamaanka waqtiggiisu dhamaaday wali sharuuc iyo ajandayaal ka doodayaan xili uu fariintaa si toos ah ugu gudbiyay guddoomiyaha Golaha Shacabka Maxamed Mursal Sheekh Cabdiraxmaan oo fadhiyay madasha.

Khudbada oo aheyd mid dhinacyo badan taabaneysay ayuu Axmed Madoobey si adag ugu weeraray siyaasada madaxweyne Farmaajo ee doorashada, isaga oo si toos ah iyo si dadban intaba u sheegay in madaxweynuhu doonayo ku shubasho doorasho oo loo adeegsanayo ciidamada Qaranka Soomaaliyeed.

Cabdiraxmaan Diini, Hiiraan Online
[email protected]    

























Click here
12/31/2020 11:14 AM EST
Khamiis, December, 31, 2020 ( HOL) -Sanadkan sii dhamaanaya ee 2020 waxaa geeriyooday fannaaniin caan ka ahaa gayiga Soomaaliya iyo caalamka, qaarkood waxaa ay u dhinteen cudurka dunida faraha ba'an ku haya ee Coronavirus.

12/31/2020 10:53 AM EST
Khamiis, December, 31, 2020 (HOL) - Xulka kubada cagta gobolka Banaadir ayaa ku guulaystay tartankii kubada cagta ee dowlad goboleedyada iyo gobolka Banaadir, kadib cayaar xiiso badnayd oo galab casir liiqii kusoo idlaatay garoonka Engineer Yariisow.

12/31/2020 6:34 AM EST
Khamiis, December, 31, 2020 (HOL) - Dibadbax aad u xoogan ayaa maanta ka dhacay magaalada Baledweyne kaasoo si weyn u saameyay inta badan xaafadaha magaalada aay ka kooban tahay waxaana looga soo horjeeday maamulka Hirshabeelle.

12/31/2020 6:16 AM EST
Khamiis, December, 31, 2020 (HOL) -Sanadkan inaga sii dhamaanaya ee 2020 Soomaaliya marka la eego waxaa uu u ahaa sanad ay isku biirsadeed deggenaan la'aan siyaasadeed, Jawi Doorasho, Qaraxyo galaaftay nolasha dad badan oo Soomaali ah iyo waliba geerida dad Soomaalida magac iyo maamuus ku dhax la'ahaa.

12/31/2020 4:51 AM EST
Khamiis, December, 31, 2020 (HOL) - Raysal Wasaare ku xigeenka dowladda federalka Soomaaliya, Mahdi Maxamed Guuleed ayaa maanta raali galin ka bixiyay hadal uu horey saxaafadda ugasii daayay oo ku saabsanaa in doorashada soo socota uu madaxweyne Farmaajo wareega ugu horeeya ku guulaysandoono.

12/31/2020 4:09 AM EST
Khamiis, December, 31, 2020 (HOL) - Ra'iisal Wasaare ku-xigeenka dalka Mahdi Maxamed Guulleed Khadar oo khudbad ka jeedinayay madasha Aragti Wadaag ee Machadka Heritage uu soo qabanqaabiyay ee ka soconaya magaalada Garoowe ayaa sheegay in la fuliyo heshiisyadii doorasho ee la galay

12/31/2020 12:17 AM EST
Khamiis, December, 31, 2020 (HOL) -Xog-hayaha Guud ee Qaramada Midoobay Antonio Guterres ayaa Arbacadii shalay ku dhawaaqay in Anita Kiki Gbeho oo reer Ghana ah noqoto ku xigeenka cusub ee Wakiilka gaarka ah ee Howlgalka Qaramada Midoobay ee Soomaaliya.